کیا بکتے کہ ہم خود ہی کو درکار بہت تھے

 کیا بکتے کہ ہم خود ہی کو درکار بہت تھے

ورنہ یہاں اپنے بھی خریدار بہت تھے

اس کارِ محبت میں تھے کچھ مرحلے وہ بھی

جو سہل نظر آئے، پر دشوار بہت تھے

اک لطف تھا ان میں بھی جو ہم سہتے رہے ہیں

ورنہ تو تیری راہ میں، آزار بہت تھے

پیڑ پرندے شام صدائیں بستی کی

پیڑ، پرندے، شام، صدائیں بستی کی

بھُولے بِسرے خواب، فضائیں بستی کی

جی مہکاتی، کھیتوں، کھلیانوں کی باس

سپنا سپنا کھیل،۔ ہوائیں، بستی کی

پچھم سمت کو پنچھی جاتے شام ڈھلے

اب تو اکثر یاد دلائیں بستی کی

چاندنی چوپال میرا گاؤں گبھرو قہقہے

چاندنی، چوپال، میرا گاؤں، گبھرو، قہقہے

آنگنوں میں موتئیے سے لوگ، خوشبو قہقہے

دور تک پھیلے ہوئے سرسبز کھیتوں کا طلسم

سر پہ چڑھ کر بولتا محنت کا جادو، قہقہے

سبز چارہ، دھان، گندم، باجرہ، گنا، کپاس

یہ مِری بستی کی فصلیں ہیں کہ ہر سُو قہقہے

آنکھ لگتے ہی صدا دے کے جگاتا کیوں ہے

آنکھ لگتے ہی صدا دے کے جگاتا کیوں ہے

وہ مِرے خواب کی زنجیر ہلاتا کیوں ہے

جس کا رشتہ ہے کوئی اب نہ تعلق مجھ سے

وہ غزل بن کے مِری سوچ میں آتا کیوں ہے

اب بھی تنہائی میں اک یاد کی صورت مجھ کو

میرے ہونے کا وہ احساس دلاتا کیوں ہے

غیروں کی طرح خود سے جدا ہو گئے ہیں ہم

غیروں کی طرح خود سے جدا ہو گئے ہیں ہم

کس جرمِ جستجو کی سزا ہو گئے ہیں ہم

یوں بے نیاز سود و زیاں ہیں کہ جس طرح

اک قرضِ عمر تھے کہ ادا ہو گئے ہیں ہم

پھرتے ہیں زرد پتوں سی کچھ خواہشیں لیے

پیلی رُتوں کی تیز ہوا ہو گئے ہیں ہم

خیال و خواب میں دیوار و در بھی ساتھ رکھو

خیال و خواب میں دیوار و در بھی ساتھ رکھو 

مسافرت میں رہو، اور گھر بھی ساتھ رکھو

عجب نہیں کہ شہادت طلب کرے منزل

کرو پڑاؤ تو گردِ سفر بھی ساتھ رکھو

کچھ اس لیے بھی وہ سیلاب بھیج دیتا ہے

کہ بستیوں میں رہو اور کھنڈر بھی ساتھ رکھو

دور وہ حد نظر پر اک الاؤ دیکھنا

دور وہ حدِ نظر پر اک الاؤ دیکھنا

دشتِ ظلمت کے مسافر کا پڑاؤ دیکھنا

میں لبِ دریا کا ہوں وہ کھیت جس کو رات دن

اپنی آنکھوں سے پڑے اپنا کٹاؤ دیکھنا

اس طرف کھیتوں پہ چادر دھوپ کی پھیلی ہوئی

اس طرف دریا پہ بادل کا جھکاؤ دیکھنا

ایک سناٹے کی باہیں دور تک پھیلی ہوئی

ایک سناٹے کی باہیں دور تک پھیلی ہوئی

پھر وہی چپ چاپ راہیں دور تک پھیلی ہوئی

دشتِ غربت میں تنہا اک ستارہ زخم زخم

اور ظلمت کی سپاہیں دور تک پھیلی ہوئی

کیا ہوئے کچھ تو بتا اے دھوپلی رُت! وہ شجر

وہ سکوں پرور پناہیں، دور تک پھیلی ہوئی

پتھر کے تذکرے سے کعبے کی داستان تک

پتھر کے تذکرے سے کعبے کی داستان تک

خوابِ سکوں میں انساں پہنچا کہاں کہاں تک

کب تک فریب کھائیں، زخموں کو پھول کہہ کر

سوچوں کو مصلحت کا ملبوس دیں کہاں تک

پھر پیڑ پیڑ چپ کا آسیب خیمہ زن ہے

پھر گردِ خوف پہنچی ہر شاخِ گلستاں تک

دشت ہے دریا ہے خیمہ ہے کوئی

دشت ہے دریا ہے خیمہ ہے کوئی 

اور اس خیمے میں پیاسا ہے کوئی

آنکھ میں آنسو لیے ہنستا ہوا

شہر میں اک شخص مجھ سا ہے کوئی

پھر پلٹ آیا ہوں اپنے آپ میں

پھر مِرے اندر سے بولا ہے کوئی

یہ اور بات پرندے شجر سے باہر ہیں

یہ اور بات پرندے شجر سے باہر ہیں

شکاریوں کو مگر ان کے گھر میسر ہیں

مجھے نہیں، مِری پرواز روک سکتا ہے

کہ میں گرفت میں اسکی نہیں، مِرے پر ہیں

کئی رُتوں سے مِری تشنگی پکارتی ہے

کہاں ہیں ابر تِرے، کس طرف سمندر ہے

نہیں یہ بات کہ ہم تلخیاں نہیں رکھتے

نہیں یہ بات کہ ہم تلخیاں نہیں رکھتے
کشادہ ظرف ہیں لب پر فغاں نہیں رکھتے
ہمارے سر سے کڑی دھوپ اور جائے کہاں
اسے خبر ہے کہ ہم سائباں نہیں رکھتے
غلط نہ سوچ کہ جسموں پہ چیتھڑوں کے ساتھ
ہم ایسے لوگ کوئی داستاں نہیں رکھتے

جب بھی مانگوں گا ہری رت کی دعا مانگوں گا میں

جب بھی مانگوں گا، ہری رُت کی دُعا مانگوں گا میں
گاؤں کا باسی ہوں رزمیؔ، اور کیا مانگوں گا میں
چاندنی کی شال چاہوں گا اندھیری رات میں
دھوپ میں سایہ گھنیرے پیڑ کا مانگوں گا میں
پھاگنی شاموں میں عریاں شاخچوں کے واسطے
چیتلی صبحیں، گلابوں کی ردا مانگوں گا میں

عمر کی شام ہوئی اور میں پیاسا مولا

عمر کی شام ہوئی اور میں پیاسا مولا
اب تو دریا، کوئی جھرنا، کوئی برکھا مولا
رُت کوئی صورتِ مرہم بھی میسر آتی
داغ رہ جاتا مگر زخم تو بھرتا مولا
بے مداوا جو رہا کل بھی بھری دنیا میں
اب بھی رِِستا ہے وہی زخمِ تمنا مولا

وہی غبار کڑی دھوپ زخم پا اور ہم

وہی غبار، کڑی دھوپ، زخمِ پا اور ہم
نظر میں خواب سی منزل کا راستا اور ہم
وہی بسی ہوئی آنکھوں میں حسرتیں تشنہ
وہی لبوں پہ سسکتی ہوئی دعا اور ہم
جسے پکارتے عمریں گزر گئیں اپنی
ہے انتظار ابھی اس کے جواب کا اور ہم

وہی ہیں پیاسیں برہنہ پائی سلگتی راہیں سراب اب بھی

وہی ہیں پیاسیں، برہنہ پائی، سُلگتی راہیں، سراب اب بھی
نزول فرما ہیں ہم پہ بھُوکیں، اذیتیں اور عذاب اب بھی
نہ کھول سکتے ہیں بند آنکھیں نہ دیکھ پاتے ہیں راہ اپنی
سلگتے سورج کے رُوپ میں ہے اندھیری شب کا عتاب اب بھی
کسے بتائیں کہ خیمہ بردوش پھرتے عمریں گزر گئی ہیں
وطن میں رہ کر بھی بے وطن ہیں ہم ایسے خانہ خراب اب بھی