رکھتا نہیں جنگل کے درندوں کا بھی ڈر میں

 رکھتا نہیں جنگل کے درندوں کا بھی ڈر میں

لیکن ہُوں بہت خوفزدہ تُجھ سے بشر میں

دل💗میرا کُشادہ ہے، نہیں تنگ نظر میں

لیکن نہیں کہتا ہوں کبھی شب کو سحر میں

دیکھا نہیں جاتا ہے بھٹکنا تِرا راہی

آ ساتھ، دُِکھاتا ہوں تجھے راہگزر میں

گردن سے جدا کر دو لو حاضر ہے مرا سر

 گردن سے جدا کر دو، لو حاضر ہے مِرا سر

میں کہہ نہیں سکتا کبھی قطرے کو سمندر

ہے جام سخن اصل میں آگاہی کا ساغر

کہتے ہیں جسے شاعری حکمت ہے سراسر

زردار! اگر تجھ کو خوشی چاہیے سچی

محتاج کی، مفلس کی، غریبوں کی مدد کر

سمجھتے خود کو جو فاضل ہیں آپ کیا جانیں

 مِری نگاہ میں جاہل ہیں آپ کیا جانیں

سمجھتے خود کو جو فاضل ہیں آپ کیا جانیں

یہ وار کرتے ہیں لیکن دلوں پہ کرتے ہیں

یہ حُسن والے بھی قاتل ہیں آپ کیا جانیں

کِھلا رہے ہیں جو کھانا یہاں فقیروں کو

وہ لوگ پیار کے قابل ہیں آپ کیا جانیں

مجھے ہر دن ستاتے ہو یہ تم اچھا نہیں کرتے

 مجھے ہر دن ستاتے ہو یہ تم اچھا نہیں کرتے

ہمیشہ دل دُکھاتے ہو یہ تم اچھا نہیں کرتے

خدا کو یاد کر غافل، وہی تو رب ہمارا ہے

اسے تم بھُول جاتے ہو یہ تم اچھا نہیں کرتے

امیر شہر! ہمدردی ہے مزدوروں سے کب تم کو

انہیں بھُوکا سُلاتے ہو، یہ تم اچھا نہیں کرتے

یہ ہے اک حقیقت اسے مان تو

یہ ہے اک حقیقت اسے مان تُو

مِری رُوح تُو ہے مِری جان تُو

ترستی ہیں آنکھیں تجھے دیکھنے

مِرے گھر میں آ، بن کے مہمان تُو

تجھے چھوڑ سکتا نہیں میں صنم

مِرا دین تُو،۔ میرا ایمان تُو

تڑپتا ہوں تمہاری یاد میں آنسو بہاتا ہوں

تڑپتا ہوں، تمہاری یاد میں آنسو بہاتا ہوں

سراپا درد ہوں لیکن بظاہر مُسکراتا ہوں

تمہارے عشق میں جب راہ چلتے ڈگمگاتا ہوں

زمانہ یہ سمجھتا ہے کہ پی کر لڑکھڑاتا ہوں

مجھے بھی آ گہی تھوڑی سی قُدرت نے عطا کی ہے

اُبھرنا ہے جہاں میں کیسے، یہ نسخہ بتاتا ہوں