آگ مٹی کو کبھی سجدہ نہیں کرے گی

 ولایت

آگ مٹی کو کبھی سجدہ نہیں کرے گی 

آخری جنگِ عظیم کے بعد

(کائنات کی تعمیر نو کے لیے) 

فریقین ایک دوسرے سے سمجھوتہ کر چکے ہیں 

فرشتے اپنے کٹے پھٹے پروں کے ساتھ

اپنے بدن کی جھونپڑی میں دل اکیلا تھا بہت

 اپنے بدن کی جھونپڑی میں، دل اکیلا تھا بہت

باہر تو روشن تھادیا، اندر اندھیرا تھا بہت

بس اک ایموجی بھیج کر، خاموش ہو جاتی تھی وہ

اک لفظ لکھنا تھا مجھے اس بیچ کہنا تھا بہت

کیفے کے رش میں ہی سہی، مجھ سے مخاطب تو ہوئی

میں نے بھی رستہ دے دیا، حالانکہ رستہ تھا بہت

مرے وجود کو موجودگی دکھاتی تھی

 مِرے وجود کو موجودگی دکھاتی تھی

دِیے کی لَو مجھے دیوار کا بتاتی تھی

میں جب زمین سے زہرہ پہ جایا کرتا تھا

تو کائنات کی زنجیر کھینچی جاتی تھی

وہ کیا کرن تھی جو آتی تھی میرے سینے میں

تمہاری دھوپ جب اس جلد تک نہ آتی تھی

اپنے خلا میں لا کے یہ تم کو دکھا رہا ہوں میں

اپنے خلا میں لا کے یہ تم کو دکھا رہا ہوں میں

وہ جو خلا نورد ہیں ان کے لیے خلا ہوں میں

عشق ہوا نہیں مجھے، عشق کو ہو گیا ہوں میں

اتنا نہیں بچا ہوا،۔ جتنا پڑا ہوا ہوں میں

مٹی یہاں کی ٹھیک ہے مٹی سے کچھ گِلا نہیں

آنکھیں ملا ملا کہ بس پانی بدل رہا ہوں میں

اپنے منظر کو میں منظر میں اگر لا سکتا

اپنے منظر کو میں منظر میں اگر لا سکتا

پھر یہ نظارہ بھی تصویر نہ کھچوا سکتا

سامنے رکھتا ہر اک پل میں کسی کی آنکھیں

اپنی آنکھوں کو اگر تحفہ دیا جا سکتا

ایسا اک وقت مِری آنکھ نے ایجاد کیا

جس کے دوران کوئی وقت نہیں آ سکتا

سامنے ہوتے تھے پہلے جس قدر ہوتے تھے ہم

سامنے ہوتے تھے پہلے جس قدر ہوتے تھے ہم

جب یہ نظارے نہیں تھے تب نظر ہوتے تھے ہم

💘تب نیا مٹی سے اٹھا تھا محبت کا خمیر💘

ہر کسی کوزے میں دو اک گھونٹ بھر ہوتے تھے ہم

جس پری پر مر مٹے تھے، وہ پری زادی نہ تھی 

بعد میں جانا کہ اس کے دونوں پر ہوتے تھے ہم

اسی جہاز کے صحرا میں ڈوب جانے کی

اسی جہاز کے صحرا میں ڈوب جانے کی

خبر ملی تھی مجھے خواب میں خزانے کی

بہت سے دیدہ و نادیدہ خواب سامنے تھے

اک ایسی سمت تھی کروٹ مِرے سرہانے کی

ہر ایک کام سہولت سے ہوتا رہتا تھا

کوئی خلش نہیں ہوتی تھی کر دکھانے کی

ہر ستارے پہ کسی گھر سے کوئی جاگتا ہے

ہر ستارے پہ کسی گھر سے کوئی جاگتا ہے

رات ہوتی ہے تو اندر سے کوئی جاگتا ہے

بے خطر جاگتے رہنا بھی کوئی جاگنا ہے

نیند آ جائے گی اس ڈر سے کوئی جاگتا ہے

آنکھ کا تارہ ☆ کہیں خواب کا سیارہ کہیں

صبح اس حال میں بستر سے کوئی جاگتا ہے

دونوں جہاں سے آ گیا کر کے ادھر ادھر کی سیر

دونوں جہاں سے آ گیا کر کے اِدھر اُدھر کی سیر

پوچھو نہ جا رہا ہوں میں کرنے کو اب کدھر کی سیر

مٹی کی خوبصورتی، مٹی میں مل کے دیکھیے

چھوڑئیے اس مکین کو، کیجیے اپنے گھر کی سیر

دیکھی نہیں تھی چاک نے، اچھی طرح سے دیکھ لی

ویسے بھی دلفریب تھی کوزے پہ کوزہ گر کی سیر

اندمالی میں یہ احساسِ زیاں تھا پہلے

اندمالی میں یہ احساسِ زیاں تھا پہلے

زخم تو بعد میں آیا ہے، نشاں تھا پہلے

پٹڑیاں بعد میں وحشت کی علامت بنی ہیں

خودکشی کرنے کو گاؤں میں کنواں تھا پہلے

دل میں رہنے کے بھی آداب ہوا کرتے ہیں

تجھ کو معلوم نہیں؟ کون یہاں تھا پہلے

ملا رہا ہوں ترا حسن کائنات کے ساتھ

ملا رہا ہوں تِرا حُسن🙂 کائنات کے ساتھ

فزکس کھول کے بیٹھا ہوں دینیات کے ساتھ

یہ پوسٹر تو بھلا ہے،۔ مگر پڑھے لکھو

ذرا سا دل بھی تو رکھو قلم دوات کے ساتھ

یہ عشق ایک دِیا🪔 ہر طرف دکھاتا ہے

میں جی رہا ہوں تواتر سے معجزات کے ساتھ

فرشتہ پڑھتا ہماری نیکی بدی نکلتی

براؤزنگ میں زمین کی ہسٹری نکلتی

فرشتہ پڑھتا ہماری نیکی، بدی نکلتی

سب اپنی اپنی محبتوں کی کہانی کہتے

الاؤ بجھتا تو دوستوں کی ہنسی نکلتی

نیا جزیرہ نکلتا ماتھے کو چومنے سے

سمندروں سے امید ٹوٹی ہوئی نکلتی

کیسے بتائیں حسن اس کا بس اسی پر ختم ہے

کیسے بتائیں "حسن" اس کا بس اسی پر ختم ہے

اس داستاں کی ہر کہانی اس "پری" پر ختم ہے

دو کپ ہیں چاۓ سے بھرے اک میز پر رکھے ہوۓ

دو کرسیاں خالی ہیں، اور منظر "اسی" پر ختم ہے

ایسی خوشی جو عمر بھر ڈھونڈے سے بھی ملتی نہیں

اس گاؤں کے اک شخص کی آنکھوں میں تھی پر ختم ہے

زمینی فیصلوں کو آسمانوں میں نہیں کرتے

زمینی فیصلوں کو "آسمانوں" میں نہیں کرتے

محبت اپنے سے اونچے گھرانوں میں نہیں کرتے

نصابوں نے نئے مزدور پیدا کر دیے ہوں گے

ہم ایسے کارنامے "کارخانوں" میں نہیں کرتے

کہانی سب نے ہی سومیرین لوگوں سے چوری کی

وہ جن کا ذکر تک ہم داستانوں میں نہیں کرتے