عصر عاشور سے اس عرصۂ شب تک اب تک

 منقبت

عصرِ عاشور سے اس عرصۂ شب تک اب تک

استغاثے کی صدا آتی ہے سب تک،۔ اب تک

در سے دوری کا سبب کچھ بھی ہو پر شہر کے بیچ

لوگ پہنچے ہی نہیں رحمتِ رب تک، اب تک

اہلِ ایماں پہ ہوئی جن کی محبت واجب

ہم نہیں سیکھ سکے ان کا ادب تک، اب تک

عصر عاشور سے اس عرصہ شب تک اب تک

 عصرِ عاشور سے اس عرصۂ شب تک اب تک

استغاثے کی صدا آتی ہے سب تک، اب تک

در سے دوری کا سبب کچھ بھی ہو پر شہر کے بیچ

لوگ پہنچے ہی نہیں رحمتِ رب تک اب تک

اہلِ ایماں پہ ہوئی جن کی محبت واجب

ہم نہیں سیکھ سکے ان کا ادب تک اب تک

جب سے اک چاند کی چاہت میں ستارہ ہوا ہوں

جب سے اک چاند کی چاہت میں ستارا ہوا ہوں

شہرِ شب زاد کی آنکھوں کا سہارا ہوا ہوں

اے مِرے درد کے دریا کی روانی، مجھے دیکھ

میں تِرے قرب سے کٹ کٹ کے کنارا ہوا ہوں

زندگی! تجھ سا منافق بھی کوئی کیا ہو گا

تیرا شاہکار ہوں اور تیرا ہی مارا ہوا ہوں

پردۂ مہمل اٹھے تو راز ویرانہ کھلے

پردۂ مہمل اٹھے تو رازِ ویرانہ کھُلے

رازِ ویرانہ کھلے تب جا کے دیوانہ کھلے

بارِ ہفت افلاک بھی اس ناتواں شانے پہ ہے

زلف سے کہنا کہ آہستہ سرِ شانہ کھلے

قامتِ پروانہ، قدِ شمع سے کم ہے ابھی

کیمیا ہو لے ذرا تو قدِ پروانہ کھلے

اسم پڑھا اور جسم سے اٹھ کر عشق اٹھایا

اسم پڑھا اور جسم سے اٹھ کر عشق اٹھایا

دل درویش نے مست قلندر عشق اٹھایا

فرش پہ عرش کے بعد مکرر عشق اٹھایا

روح نے اب کے جسم کے اندر عشق اٹھایا

شاعر، صوفی، فلسفہ دان، ولی، پیغمبر

سب نے اپنے ظرف برابر عشق اٹھایا

منجمد خون میں ہلچل کر دے

منجمد خون میں ہلچل کر دے

مجھ کو چھو اور مکمل کر دے

کتنی پیاسی ہیں یہ بنجر آنکھیں

ابر زادے! انہیں جل تھل کر دے

میں نے وہ درد چھپا رکھا ہے

جو تیرے حسن کو پاگل کر دے

یہ جو اک سیل فنا ہے مرے پیچھے پیچھے

یہ جو اِک سَیلِ فنا ہے، مِرے پیچھے پیچھے 

میرے ہونے کی سزا ہے، مِرے پیچھے پیچھے

آگے آگے ہے، مِرے دِل کے چٹَخنے کی صدا 

اور مِری گَردِ اَنا ہے، مِرے پیچھے پیچھے

زندگی تھک کے کسی موڑ پہ رُکتی ہی نہیں 

کب سے یہ آبلہ پا ہے، مِرے پیچھے پیچھے 

يہ زندگی کا قرينہ کرم اسی کا ہے

يہ زندگی کا قرينہ، کرم اسی کا ہے

خوشی تو خير اسی کی ہے، غم اسی کا ہے

تو کيا يہ معجزہ کم ہے جو کوئی غور کرے

کسی کا روضہ ہو، ليکن علم اسی کا ہے

لکھے ہوئے ميں لکھا ہے، جو پڑھ سکو تو پڑھو

يہ لو اسی کی ہے لوگو،، قلم اسی کا ہے

اب مجھے اتنا بھی لاچار نہ سمجھیں مرے لوگ

اب مجھے اتنا بھی لاچار نہ سمجھیں مِرے لوگ
صلح نامے کو مِری ہار نہ سمجھیں مِرےلوگ
میری پسپائی پہ سو جشن منائیں ، لیکن
میرے دشمن کو تو سالار نہ سمجھیں مِرے لوگ
پھر تو یوں ہے کہ مِرا خون اکارت ہی گیا
گر مجھے اب بھی وفادار نہ سمجھیں مِرے لوگ

دن سے بچھڑی ہوئی بارات لیے پھرتی ہے

دن سے بچھڑی ہوئی بارات لیے پھرتی ہے
چاند تاروں کو کہاں رات لیے پھرتی ہے
یہ کہیں اس کے مظالم کا مداوا ہی نہ ہو
یہ جو پتوں کو ہوا ساتھ لیے پھرتی ہے
چلتے چلتے ہی سہی بات تو کر لی جائے
ہم کو دنیا میں یہی بات لیے پھرتی ہے

ترے شہر میں یہ کمال ہونا تھا ہو گیا

تِرے شہر میں یہ کمال ہونا تھا، ہو گیا
مِرا دل غموں سے نڈھال ہونا تھا، ہو گیا
کسی مصلحت کو عروج ملنا تھا، مل چکا
کوئی عشق، رُو بہ زوال ہونا تھا، ہو گیا
کوئی درد ملنا تھا، مل چکا ہے جو دیر سے
کوئی چہرہ خواب و خیال ہونا تھا، ہو گیا

یہاں رسم غم کا فروغ درد کا سلسلہ ہی نہیں رہا

یہاں رسمِ غم کا، فروغِ درد کا سلسلہ ہی نہیں رہا
تِرے بعد اب کسی دل میں پیار کا حوصلہ ہی نہیں رہا
تُو جہاں سے بچھڑا تھا آج بھی میں وہیں کھڑا ہوں اے جانِ جاں
تِرے بعد تو میرے سامنے کوئی راستہ ہی نہیں رہا
مِرا چہرہ گِر کے چٹخ گیا، مِرا دل غموں سے تڑخ گیا
وہ غرورِ عہدِ جمال کیا، مِرا آئینہ ہی نہیں رہا

فرات عصر شکستہ لبوں کا غم کیا کر

فراتِ عصر! شکستہ لبوں کا غم کِیا کر
ہم ایسے پیاسوں میں پانی کا ذکر کم کِیا کر
جو کچھ نہیں تو یہی کارِ محترم کِیا کر
مِرے مسیح نفس! پتھروں پہ دَم کِیا کر
یہ شہرِ چشم اگر تیرے حسبِ حال نہیں
غزالِ اشک! مِرے دشتِ دل میں رَم کیا کر