اس شان سے وہ آج پئے امتحاں چلے

 اِس شان سے وہ آج پئے امتحاں چلے

فتنوں نے پاؤں چُوم کے پوچھا، کہاں چلے

کیا پوچھتے ہو ہجر کے مارے کہاں چلے

آتے نہیں پلٹ کے جہاں سے وہاں چلے

کس صید پہ لیے ہوئے تیر و کماں چلے 

میں تو یہاں ہوں سینہ سپر، تم کہاں چلے

ناز کرتا ہے جو تو حسن میں یکتا ہو کر

 ناز کرتا ہے جو تو حسن میں یکتا ہو کر

میں بھی نازاں ہوں تِرا عاشق شیدا ہو کر

میں نہ سمجھا تھا کہ اشکوں سے اٹھے گا طوفاں

چند قطروں نے ڈبویا مجھے دریا ہو کر

چشم بیمار جو پہلے تھی وہی اب بھی ہے

کچھ بنائے نہ بنی تم سے مسیحا ہو کر

دن کی آہیں نہ گئیں رات کے نالے نہ گئے

 دن کی آہیں نہ گئیں رات کے نالے نہ گئے

میرے دل سوز مِرے چاہنے والے نہ گئے

اپنے ماتھے کی شکن تم سے مٹائی نہ گئی

اپنی تقدیر کے بل ہم سے نکالے نہ گئے

تذکرہ سوزِ محبت کا کیا تھا اک بار

تا دمِ مرگ زباں سے مِری چھالے نہ گئے

کٹے عمر صل علٰی کہتے کہتے

عارفانہ کلام نعتیہ کلام

کٹے عمر صلِ علٰی کہتے کہتے

اُٹھوں حشر میں مصطفیٰؐ کہتے کہتے

محمدﷺ کو پایا خدا کہتے کہتے

خدا مل گیا مصطفیٰؐ کہتے کہتے

بڑا کام نکلے اگر جان نکلے

زباں سے حبیبِؐ خدا کہتے کہتے

عاشقی کیا ہر بشر کا کام ہے

 عاشقی کیا ہر بشر کا کام ہے؟

میرے دل میرے جگر کا کام ہے

ہو ہری شاخ تمنا یا نہ ہو

سینچ دینا چشمِ تر کا کام ہے

بڑھ چلے پیک تصور کا قدم

اب یہاں کیا نامہ بر کا کام ہے

یہ کہہ گیا بت ناآشنا سنا کے مجھے

 یہ کہہ گیا بت ناآشنا سنا کے مجھے

کہ آپ میں نہیں رہتا ہے کوئی پا کے مجھے

نقاب کہتی ہے میں پردۂ قیامت ہوں

اگر یقین نہ ہو، دیکھ لو اٹھا کے مجھے

ملوں گا خاک میں آنسو کی طرح یاد رہے

ملو نہ آنکھ کہیں آنکھ سے گرا کے مجھے

محبت رنگ دے جاتی ہے جب دل دل سے ملتا ہے

 محبت رنگ دے جاتی ہے جب دل دل سے ملتا ہے

مگر مشکل تو یہ ہے دل بڑی مشکل سے ملتا ہے

کشش سے کب ہے خالی تشنہ کامی تشنہ کاموں کی

کہ بڑھ کر موجۂ دریا لبِ ساحل سے ملتا ہے

لٹاتے ہیں وہ دولت حسن کی باور نہیں آتا

ہمیں تو ایک بوسہ بھی بڑی مشکل سے ملتا ہے

یہ جو سر نیچے کئے بیٹھے ہیں

یہ جو سر نیچے کیے بیٹھے ہیں

جان کتنوں کی لیے بیٹھے ہیں

جان ہم سبزۂ خط پر دے کر

زہر کے گھونٹ پیے بیٹھے ہیں

دل کو ہم ڈھونڈتے ہیں چار طرف

اور یہاں آپ "لیے" بیٹھے ہیں

لاکھ دل مست ہو مستی کا عیاں راز نہ ہو

لاکھ دل مست ہو مستی کا عیاں راز نہ ہو

یہ وہ شیشہ ہے کہ ٹوٹے بھی تو آواز نہ ہو

خوف ہے موسمِ گل میں کہ صبا کا جھونکا

طائرِ ہوش کے حق میں پرِ پرواز نہ ہو

دل بہت بلبلِ شیدا کا ہے نازک گلچیں

پھول گلزار کے یوں توڑ کہ آواز نہ ہو

ایک دن بھی تو نہ اپنی رات نورانی ہوئی

ایک دن بھی تو نہ اپنی رات نورانی ہوئی

ہم کو کیا اے مہ جبیں! گر چاند پیشانی ہوئی

سرد مہری کا تِری ساقی! نتیجہ یہ ہوا

آگ کے مولوں جو بکتی تھی وہ مے پانی ہوئی

اللہ اللہ پھوٹ نکلا رنگ چاہت کا مِری

زہر کھایا میں نے پوشاک آپ کی دھانی ہوئی

قاصد آیا مگر جواب نہیں

قاصد آیا، مگر جواب نہیں 

میرے لکھے کا بھی جواب نہیں 

خُم تو ہے ساقیا شراب نہیں 

آسماں ہے، اور آفتاب نہیں 

بن کے بت سب وہ کہہ گزرتے ہیں 

بے دہانی تِرا جواب نہیں 

یہ رنگ گلاب کی کلی کا

یہ رنگ گلاب کی کلی کا

نقشہ ہے کسی کی کم سِنی کا

بلبل کی بہار میں نہ پوچھو

منہ چومتی ہے کلی کلی کا

غنچوں کو صبا نے گُدگُدایا

دشوار ہے ضبط اب ہنسی کا

سخت نازک مزاج دلبر تھا

سخت نازک مزاج دلبر تھا

خیر گزری کہ دل بھی پتھر تھا

مختصر حالِ زندگی یہ ہے

لاکھ سودا تھا، اور اک سر تھا

ان کی رخصت کا دن تو یاد نہیں

یہ سمجھئے کہ روزِ محشر تھا

ناز بھی ہوتا رہے ہوتی رہے بیداد بھی

ناز بھی ہوتا رہے  ہوتی رہے بے داد بھی

سب گوارا ہے جو تم سنتے رہو فریاد بھی

ایک آفت ہیں حسینانِ ستم ایجاد بھی

کرتے ہیں بیداد مجھ پر چاہتے ہیں داد بھی

وقت پڑتا ہے تو کوئی آشنا ہوتا نہیں

دشمنِ فرہاد نکلا تیشۂ فرہاد بھی

غیر الفت کا راز کیا جانے

غیر الفت کا راز کیا جانے

لطف ناز و نیاز کیا جانے

نیم جانوں پہ کیا گزرتی ہے

نرگسِ نیم باز کیا جانے

میرے طولِ شبِ جدائی کو

تیری زلفِ دراز کیا جانے

وصل میں وہ چھیڑنے کا حوصلہ جاتا رہا

وصل میں وہ چھیڑنے کا حوصلہ جاتا رہا

تم گلے سے کیا ملے سارا گِلہ جاتا رہا

یار تک پہنچا دیا بے تابئ دل نے ہمیں

اک تڑپ میں منزلوں کا فاصلہ جاتا رہا

ایک تو آنکھیں دکھائیں پھر یہ شوخی سے کہا

کہیے اب تو کم نگاہی کا گِلہ جاتا رہا

کس قدر تھا گرم نالہ بلبل ناشاد کا

کس قدر تھا گرم نالہ بلبلِ ناشاد کا

آگ پھولوں میں لگی گھر جل گیا صیاد کا

سہل سمجھا تھا ستانا بلبلِ ناشاد کا

چار نالوں میں کلیجا ہل گیا صیاد کا

زیرِ خنجر میں تڑپتا ہوں فقط اس واسطے

خون میرا اڑ کے دامن گیر ہو جلاد کا

موسم گل میں عجب رنگ ہے میخانے کا

موسمِ گل میں عجب رنگ ہے مے خانے کا

 شیشہ جھکتا ہے کہ منہ چوم لے پیمانے کا

خوب انصاف تِری انجمنِ ناز میں ہے

شمع کا رنگ جمے، خون ہو پروانے کا

میں سمجھتا ہوں تِری عشوہ گری اے ساقی

کام کرتی ہے نظر،۔۔ نام ہے پیمانے کا

نگاہ برق نہیں چہرہ آفتاب نہیں

نگاہ برق نہیں،۔۔ چہرہ آفتاب نہیں

وہ آدمی ہے مگر دیکھنے کی تاب نہیں

جوابِ خشک سنوں ساقیا! یہ تاب نہیں

جواب دے کہ نہ دے یہ نہ کہہ شراب نہیں

ہمیں تو دور سے آنکھیں دکھائی جاتی ہیں

نقاب لپٹی ہے اس پر کوئی عتاب نہیں

صبا نے مجھ کو سنگھائی ہے جب سے بو تیری

صبا نے مجھ کو سنگھائی ہے جب سے بُو تیری 

چمن چمن لیے پھرتی ہے جستجُو تیری 

اب اور تیر لگانے کی کیا ضرورت ہے 

کھٹک رہی ہے کلیجے میں آرزُو تیری 

یہ چار چاند مِرے عشق نے لگائے ہیں 

کہ آج حسن میں شہرت ہے چار سُو تیری