اے چارہ گر غم نہ دوا دے نہ دعا دے

 اے چارہ گر غم نہ دوا دے نہ دعا دے

جو رُوٹھ گیا ہے مجھے تُو اس سے ملا دے

اے ذوقِ طلب! تُو جو ذرا ساتھ مِرا دے

خود بھُولنے والا مجھے اُٹھ اُٹھ کے صدا دے

مانا کہ مئے ناب، مئے ناب ہے ساقی

تُو ہاتھوں سے دے اپنے تو کچھ اور مزا دے

آرزو کب کوئی محتاج بیاں ہوتی ہے

 آرزو کب کوئی محتاج بیاں ہوتی ہے

خامشی خود ہی محبت کی زباں ہوتی ہے

راحت و عیش میں یہ بات کہاں ہوتی ہے

زندگی درد میں ڈوبے تو جواں ہوتی ہے

طالب عشق و محبت ہیں نہ پوچھو ہم سے

شب کہاں صبح کہاں شام کہاں ہوتی ہے

شام غم صبح مسرت کی خبر ہونے تک

شامِ غم صبحِ مسرّت کی خبر ہونے تک

جانے کیا دل پہ گزر جائے سحر ہونے تک

جوشِ وحشت ہی سہی نغمۂ عشرت نہ سہی

شغل کچھ چاہیے تسکینِ جگر ہونے تک

جذبۂ 💖عشق رہینِ نگہِ شوق نہ ہو

دل پہ پابندیٔ آدابِ نظر ہونے تک💓

بے وجہ یہ ہنگام بہاراں تو نہیں ہے

بے وجہ یہ ہنگامِ بہاراں تو نہیں ہے

کچھ سازشِ اربابِ گلستاں تو نہیں ہے

اے جوشِ جنوں کھول کے آنکھیں تو ذرا دیکھ

ہاتھوں میں کہیں ان کا گریباں تو نہیں ہے

ہونے کو ہے یہ نظم جہاں درہم و برہم

آنسو کوئی لرزاں سرِ مژگاں تو نہیں ہے