تیری آنکھیں بہت گہری

 تیری آنکھیں بہت گہری

بہت ہی خوبصورت ہیں

اجازت ہو تو میں کچھ دیر

ان میں جھانک کر دیکھوں

کہ مجھ کو چاند کی مانند

جھیلوں میں اُترنا

ذرا اے راہ رو اک بات سننا

 ذرا اے راہرو اک بات سننا

میں پربت پار کا نادار بندہ

تیری بستی کی جانب آ گیا ہوں

کہ اک نازک بدن، شیریں سخن نے

ہریری پیرہن مانگا ہے مجھ سے

تجھ کچھ علم ہے ان وادیوں میں

مجھے عزیز ہے کوئی بھی نور پارہ ہو

 مجھے عزیز ہے کوئی بھی نور پارا ہو

چراغِ شام ہو یا صبح کا ستارا ہو

ہمارے بیچ محبت کی نہر بہتی ہے

میں اک کنارا ہوں تم دوسرا کنارا ہو

افق میں دور ستارا گرا تو ایسے لگا

کہ جیسے تم نے مجھے بام سے پکارا ہو

رنگ اور نور کی دنیا میں ذرا لے جائے

رنگ اور نور کی دنیا میں ذرا لے جائے

کوئی تو ہو جو مجھے شہرِ سبا لے جائے

وہ مجھے ڈھونڈنے نکلے تو اسے کہہ دینا

دھوپ ہے تیز بہت، سر پہ گھٹا لے جائے

یوں تِری یاد مجھے ساتھ لیے جاتی ہے

جیسے پھولوں کی مہک بادِ صبا لے جائے

خزاں کی رت میں‌ بھی نقش بہار باقی ہے

خزاں کی رُت میں‌ بھی نقشِ بہار باقی ہے

کہ ایک پھول سرِ شاخسار باقی ہے

تِرے فریب کا جادو ابھی نہیں ٹوٹا

ابھی تو تجھ پہ مِرا اعتبار باقی ہے

گھروں کو لوٹ گئے لوگ شام ڈھلتے ہی

بس ایک شخص سرِ رہگزار باقی ہے

رات بیٹھا تھا میرے پاس خیالوں میں کوئی

رات بیٹھا تھا میرے پاس خیالوں میں کوئی

انگلیاں پھیر رہا تھا میرے بالوں میں کوئی

دیدۂ تر نے بڑی دیر میں پہچانا اسے

روپ کھو بیٹھا ہے دو چار ہی سالوں میں کوئی

غمزدہ شب کی گلو گیر ہوا کہتی ہے

یاد کرتا ہے مجھے چاہنے والوں میں کوئی

رخ حیات کو رنگ نشاط مل جائے

رخِ حیات کو رنگِ نشاط مل جائے

کبھی جو تُو از رہِ التفات مل جائے

میں اس امید پہ صحرا میں آگے بڑھتا ہوں

کہ اگلے موڑ پہ شاید فرات مل جائے

یہ ٹوٹ پھوٹ ہے میرے وجود کا خاصہ

میں مرنہ جاؤں جو مجھ کو ثبات مل جائے

مجهے عزیز ہے کوئی بهی نور پاره ہو

مجهے عزیز ہے کوئی بهی نور پاره ہو

چراغِ شام ہو یا صبح کا ستاره ہو

ہمارے بیچ محبت کی نہر بہتی ہے

میں اک کناره ہوں تم دوسرا کناره ہو

افق میں دور ستاره گرا تو ایسے لگا

کہ جیسے تم نے مجهے بام سے پکارا ہو

کوئی تو عکس ہو ایسا جو معتبر ٹھہرے

کوئی تو عکس ہو ایسا جو معتبر ٹھہرے

کہیں تو جا کے بھٹکتی ہوئی نظر ٹھہرے

کوئی نہ ساتھ چلا، راستہ ہی ایسا تھا

مِرے ہی نقشِ قدم میرے ہمسفر ٹھہرے

جو روشنی سے نگاہیں ملا نہیں سکتے

دیارِ شب میں وہی صاحبِ نظر ٹھہرے

دل بہل جائے گا اس کا مجھے اندازہ ہے

دل بہل جائے گا، اس کا مجھے اندازہ ہے

بات یہ ہے کہ مِرا زخم ابھی تازہ ہے

جانے کس طرح صبا تیری خبر لائے گی

میرے زِنداں میں نہ روزن ہے نہ دروازہ ہے

ہاں تِرے جبر کی شہرت بھی بہت تھی لیکن

اب تو بستی میں مِرے صبر کا آوازہ ہے

سکوت شب سے تکلم کی ابتدا تو کرو

سکوتِ شب سے تکلّم کی ابتدا تو کرو

حدیثِ دل تو کہو، ذکرِ آشنا تو کرو

زمانے والے کبھی اہلِ دل سے جیتے ہیں

شکست ان کا مقدر ہے، تم دعا تو کرو

تمہِیں میں عکس تمہارا دکھا نہ دوں تو کہو

تم آئینے کی طرح میرا سامنا تو کرو

ملائک خیر و شر سے کہنا

ملائکِ خیر و شر سے کہنا

کہ میری جتنی بھی نیکیاں ہیں

انہیں وہ دریا کی نذر کر دیں

کہ میں نے جو بھی بھلائی کی ہے 

کسی صِلے یا جزا کی امید پر نہیں کی

مگر جہاں تک مِری خطاؤں کا ہے تعلق

فرد جرم فقیہ شہر بولا بادشاہ سے

فرد جرم 

فقیہِ‌ شہر بولا بادشاہ سے 

بڑا سنگین مجرم ہے یہ آقا 

اسے مصلوب ہی کرنا پڑے گا 

کہ اس کی سوچ ہم سے مختلف ہے 

مقبول عامر

میری تعریف کرے یا مجھے بدنام کرے

میری تعریف کرے یا مجھے بدنام کرے

جس نے جو بات بھی کرنی ہے سرِعام کرے

زخم پر وقت کا مرہم تو لگا دیتی ہے

اور کیا اس کے سوا گردشِ ایام کرے

محتسب سے میں اکیلا ہی نمٹ سکتا ہوں

جس نے جرم کیا ہے، وہ مرے نام کرے

آنکھوں کے خواب زار کو تاراج کر گئی

آنکھوں کے خواب زار کو تاراج کر گئی 

پاگل ہوا چلی تو حدوں سے گزر گئی 

دو گام تک ہی سبز مناظر تھے، اس کے بعد 

اک دشتِ بے کراں تھا، جہاں تک نظر گئی 

پھر شام کی ہوا نے تری بات چھیڑ دی 

پھر میرے چار سُو تری خوشبو بکھر گئی

یہ عہد کرب مرے نقش کو ابھارے گا

یہ عہدِ کرب مرے نقش کو ابھارے گا 

زمانہ اس کو مرے نام سے پکارے گا 

ازل سے آدمؑ و فطرت ہیں‌ برسرِ پیکار 

خبر نہیں ہے کہ یہ جنگ کون ہارے گا 

ہمیں‌ یہ غم ہے نگارِ‌ وطن کہ ہم نہ رہے 

تو جانے کون ترا قرضِ غم اتارے گا 

ہاں کچھ تو مزاج اپنا جنوں خیز بہت ہے

ہاں کچھ تو مزاج اپنا جنوں خیز بہت ہے

اور کچھ یہ رہِ عشق، دلآویز بہت ہے

مرنے کے لیے تیشۂ فرہاد ہے کافی

جینے کے لیے حیلۂ پرویز بہت ہے

اب کے نہ کوئی قصر نہ ایوان بچے گا

اب کے جو چلی ہے، وہ ہوا تیز بہت ہے

اب اس کے بعد ترا اور کیا ارادہ ہے

اب اس کے بعد ترا اور کیا ارادہ ہے

کہ میرا صبر ترے جبر سے زیادہ ہے

تُو بُوئے گل کی طرح اڑ رہا ہے اور کوئی

تری تلاش میں برسوں سے پا پیادہ ہے

میں جنگ جیت کے تم کو معاف کر دوں گا

تمہاری سوچ سے بڑھ کر یہ دل کشادہ ہے

وہ خود بھی پیاس کے سوکھے نگر میں بستا ہے

وہ خُود بھی پیاس کے سُوکھے نگر میں بستا ہے

جو اَبر بَن کے مِرے دشت پر برستا ہے

چھلک نہ جائے یہ پیمانہ اس کشاکش میں

کہ خُون موج میں ہے اور دل شکستہ ہے

نظر اٹھاؤں تو منزل کا فاصلہ ہے وہی

پلٹ کے دیکھوں تو پیچھے طویل رَستہ ہے

سلگ رہی ہے فضا سائباں کے ہوتے ہوئے

سُلگ رہی ہے فضا سائباں کے ہوتے ہوئے 

زمیں پہ اِتنے سِتم آسماں‌ کے ہوتے ہوئے 

کسی بھی گھاٹ نہ اُترا مرا سفینۂ دل 

ہَوا کے رُخ‌ پہ کُھلے بادباں‌ کے ہوتے ہوئے 

کہ جیسے اُس کو فضاؤں‌ سے خاص نِسبت ہو 

پرندہ اُڑتا رہا آشیاں کے ہوتے ہوئے