زیر و زبر ہے دھڑکن تحریر ہے سوالی

 عارفانہ کلام حمد نعت منقبت

زیر و زبر ہے دھڑکن تحریر ہے سوالی

در پر نبیؐ کے میری تقدیر ہے سوالی

خوابوں میں سبز گُنبد کا دلنشیں ہے منظر

ہو گا یہ کب حقیقت؟ تعبیر ہے سوالی

لب پر ہو نامِ احمدؐ جب میں جہاں سے جاؤں

رب سے مِری دُعا کی تاثیر ہے سوالی

محبت میں عقیدے کی پذیرائی ضروری ہے

 عارفانہ کلام حمد نعت منقبت

محبت میں عقیدے کی پذیرائی ضروری ہے

محمدﷺ کے لیے لفظوں میں سچائی ضروری ہے

ہو اتنی تاب اِن آنکھوں میں ان کا دیکھ لوں روضہ

مگر اس کے لیے آنکھوں میں بینائی ضروری ہے

میں اس سے پہلے کہ آباد کر لوں قبر کا گوشہ

مجھے اک بار پھر کعبے کی انگنائی ضروری ہے

وہ نور حق رحمتوں کے پیکر سلام ان پر درود ان پر

 عارفانہ کلام حمد نعت مقبت

وہ نورِ حق رحمتوں کے پیکر سلام انؐ پر درود انؐ پر

ہے جن کے دم سے جہاں منور سلام ان پر درود ان پر

فلک پہ جن کو خدا بلائے، رموزِ پیغمبری بتائے

وہ رب کے محبوب اور پیمبر سلام ان پر درود ان پر

غریب و مسکین کے مسیحا، عجم کے مالک وہ شاہِ بطحا

بندھے ہیں جن کے شکم سے پتھر سلام ان پر درود ان پر

کوئی حالات کی گردش سے نکالے مجھ کو

 کوئی حالات کی گردش سے نکالے مجھ کو

مکڑیاں وقت کی پہنا گئیں جالے مجھ کو

جب تِری یادوں کی وادی میں سفر کرتی ہوں

ڈسنے لگتے ہیں اندھیروں میں اجالے مجھ کو

صبر کے شمع تجھے دیکھ کے پگھلی ورنہ

مدتوں تک رہا طوفان سنبھالے مجھ کو

اپنے احساس کو دھڑکن میں چھپاتی ہوئی میں

 اپنے احساس کو دھڑکن میں چھپاتی ہوئی میں

اپنے ہر کرب کو سینے سے لگاتی ہوئی میں

یہ حقیقت ہے، فسانہ نہیں سمجھے کوئی

نوکِ نیزے پہ بیاں حق کا سناتی ہوئی میں

دل کے جذبات کو رسموں میں مقید کر کے

صبر اور ضبط کو اطوار بناتی ہوئی میں

گڑ گئیں جسم میں احساس کے کیلیں کیسے

 گڑ گئیں جسم میں احساس کے کیلیں کیسے

منجمد ہو گئیں جذبات کی جھیلیں کیسے

تلخ پانی کا سمندر ہے ہمارا مسکن

کیا خبر سجتی ہیں ہر سمت سبیلیں کیسے

ہم نے زنبیلِ محبت میں رکھا تھا جن کو

منتشر ہو گئیں وہ درد کی کھیلیں کیسے

احساس کی امین ہوں پتھر نہیں ہوں میں

 احساس کی امین ہوں پتھر نہیں ہوں میں

کیسے تراشوں تجھ کو کہ آزر نہیں ہوں میں

یہ کم نہیں کہ اپنا بتاتے ہیں مجھ کو لوگ

یہ اور بات خود کو میسر نہیں میں

میں تجھ سے چند قطرے طلب کس لیے کروں

مے خانہ میرے نام ہے ساغر نہیں ہوں میں

آشنائی کی ردا اس دھوپ میں تانے کون

آشنائی کی ردا اس دھوپ میں تانے کون

ایسی انجانی فضا میں ہم کو پہچانے گا کون

آبلہ پا، جسم زخمی، اشک آنکھیں، دل لہو

خاک میرے بعد صحراؤں کی یوں چھانے گا کون

جب محبت کے دیوں سے روشنی اڑ جائے گی

چاند تارے توڑ کر لانے کی پھر ٹھانے گا کون

نقش تعبیر کے کانٹوں میں ابھارے گئے ہیں

نقش تعبیر کے کانٹوں میں ابھارے گئے ہیں

خواب آنکھوں میں مِری یوں بھی سنوارے گئے ہیں

پہلے رسموں کی رسن سانسوں میں باندھی گئی ہے

زندگی کے لیے پھر ہم ہی پکارے گئے ہیں

پانی پینا بھی نہیں، پیاس بجھانی بھی نہیں

جانے کیوں لوگ وہ دریا کے کنارے گئے ہیں

خودی کو آ گئی ہنسی امید کے سوال پر

خودی کو آ گئی ہنسی امید کے سوال پر

اندھیرے تلملا اٹھے چراغ کی مجال پر

یہ چاہتوں کا درد ہے یہ قربتوں کا حشر ہے

جو دھوپ چھپ کے روئی آفتاب کے زوال پر

یہ جان کر کہ چاند میرے گھر میں جگمگائے گا

ستارے آج شام سے ہی آگئے کمال پر

تیز جب گردش حالات ہوا کرتی ہے

تیز جب گردش حالات ہوا کرتی ہے 

روشنی دن کی سِیہ رات ہوا کرتی ہے 

رنج اور غم کی جو برسات ہوا کرتی ہے 

دولتِ عشق کی خیرات ہوا کرتی ہے 

جب خیالوں میں دبے پاؤں وہ آ جاتا ہے 

وہ ملاقات "ملاقات" ہوا کرتی ہے 

جو لوگ یہ سمجھتے ہیں انساں نہیں ہوں میں

جو لوگ یہ سمجھتے ہیں انساں نہیں ہوں میں

ان کو خبر نہیں یہ کہ بے جاں نہیں ہوں

خوشبو ہوں، تازگی ہوں، گھٹا ہوں، بہار ہوں

بادِ صبا کا لمس ہوں، طوفاں نہیں ہوں میں

میرے بدن کو تکتی نگاہو! ذرا سنو

چادر حیا کی اوڑھے ہوں عُریاں نہیں ہوں میں

جذب آنکھوں میں اگر خواب نہیں ہونے کے

جذب آنکھوں میں اگر خواب نہیں ہونے کے

معتبر عشق کے آداب نہیں ہونے کے

ہم نے پلکوں میں چھپا رکھے ہیں اپنے آنسو

رائیگاں گوہرِ نایاب نہیں ہونے کے

بے حسی لے گئی جذبات کی ساری خوشبو

اب یہ غنچے کبھی شاداب نہیں ہونے کے

وہ ہے اپنا یہ جتانا بھی نہیں چاہتے ہم

وہ ہے اپنا، یہ جتانا بھی نہیں چاہتے ہم

دل کو اب اور دُکھانا بھی نہیں چاہت ہم

آرزو ہے کہ وہ ہر بات کو خود ہی سمجھے

دل میں کیا کیا ہے دِکھانا بھی نہیں چاہتے ہم

ایک پردے نے بنا رکھا ہے دونوں کا بھرم

اور وہ پردہ ہٹانا بھی نہیں چاہتے ہم

جب تعلق کو نبھانے کے بھی لالے پڑ جائیں

جب تعلق کو نبھانے کے بھی لالے پڑ جائیں

کیوں ہرن دشتِ محبت کے نہ کالے پڑ جائیں

چاہتیں کس طرح داخل ہوں گھروں کے اندر

دل کی دہلیز پہ نفرت کے جو تالے پڑ جائیں

سچ اگر کہہ دوں تو ہے دار و رسن کا خطرہ

جھوٹ بولوں تو مِری روح میں چھالے پڑ جائیں

محبتوں میں وفا کا نصاب دے گا کون

محبتوں میں وفا کا نصاب دے گا کون

اندھیری شب کے لیے آفتاب دے گا کون

تم اپنی نیند سے جاگو تو اک سوال کریں

کہ رت جگوں کا ہمارے حساب دے گا کون

اگر رہے گا یہی حال بے نیازی کا

تمہارے ہاتھ میں دل کی کتاب دے گا کون

کیسے لے جائیں کسی کو عشق کی گہرائی تک

کیسے لے جائیں کسی کو عشق کی گہرائی تک

سوز سے اپنے جلا لیتی ہے لب شہنائی تک

عشق کی لو آ گئی ہے روح کی گہرائی تک

کاش یہ شعلہ نہ پہنچے دامنِ رسوائی تک

لمحہ لمحہ اس کے آنے کا گماں ہوتا رہا

آہٹیں آتی رہیں دہلیز سے انگنائی تک

کبھی زیادہ کبھی کم رہا ہے آنکھوں میں

کبھی زیادہ کبھی کم رہا ہے آنکھوں میں

اک انتظار کا موسم رہا ہے آنکھوں میں

کبھی وہ خشک کبھی نم  رہا ہے آنکھوں میں

ٹھہر ٹھہر کے یہ زم زم  رہا ہے آنکھوں میں

بسا ہوا ہے تصور میں اک حسیں پیکر

کوئی خیال مجسم  رہا ہے آنکھوں میں