کوئی عورت کوئی بوڑھا یا بچہ دیکھ لیتے ہیں

 کوئی عورت کوئی بوڑھا یا بچہ دیکھ لیتے ہیں

جدھر کو تیر پھینکیں وہ نشانہ دیکھ لیتے ہیں

ہمیں گھر سے نکلنے کی ضرورت ہی نہیں پڑتی

ہم آنکھیں بند کر کے ساری دنیا دیکھ لیتے ہیں

پرانے یار ملنے سے پرانے دن نہیں آتے

مگر کچھ دیر بچپن کا زمانہ دیکھ لیتے ہیں

ہم ترے کوچے میں آئیں اتنے سودائی نہیں

 ہم تِرے کوچے میں آئیں اتنے سودائی نہیں

اس طرح تُو ہی بتا کیا تیری رسوائی نہیں

اس طرف اک لشکرِ اعدا ہے مصروفِ قتال

اس طرف برہم صفوں میں ایک بھی بھائی نہیں

اب تمہاری یاد میں رونے کی فرصت بھی کہاں

اب میسر ہی ہمیں وہ شامِ تنہائی نہیں

یہ جانتے تھے کہ ملنا اداس کر دے گا

 یہ جانتے تھے کہ ملنا اُداس کر دے گا

کسے خبر تھی کہ اتنا اداس کر دے گا

یہ جان کر بھی ہے کتنا تِرا خیال عزیز

تِرے خیال کا رہنا اداس کر دے گا

میں کچھ نہیں ہوں تو ہونے کی کوششوں میں ہوں

اگرچہ بعد میں ہونا اداس کر دے گا

عذاب رت میں جو اترے وہ کیا صحیفے تھے

 عذاب رُت میں جو اُترے وہ کیا صحیفے تھے

گُلاب شہر کے حا کم ببُول زادے تھے

جو آج سر سے اُٹھا میر ے باپ کا سایہ

نظر پڑا ہے کہ کتنے یتیم بچے تھے

وہ جس کی لاش کو کاندھا دیا ہے غیروں نے

پرائے دیس میں اس کے بھی چار بیٹے تھے

موسم گل حیران کھڑا ہے

 موسم گل حیران کھڑا ہے

گھر کا گھر ویران پڑا ہے

دل کی بات بتائیں کیسے

یارو! وہ نادان بڑا ہے

ہم اور اس کو سجدہ کرتے؟

کافر نے بُہتان گھڑا ہے

ہر نفس موج بے تاب کی اک صورت ہے

 ہر نفس موجِ بے تاب کی اک صورت ہے

زندگی ذات میں گرداب کی اک صورت ہے

اشک بھی رکھتا ہے اک اپنی زباں سمجھو تو

حرف بھی قطرۂ خونناب کی اک صورت ہے

لوٹ کر آتے ہیں گزرے ہوئے دن کب لیکن

یاد بھی صحبتِ احباب کی اک صورت ہے

بیکار گیا میں نے جو ہتھیار خریدا

 بے کار گیا میں نے جو ہتھیار خریدا

دشمن نے مِری فوج کا سالار خریدا

جتنے تھے فصیلوں پہ کماندار ملائے

شاہ در کا محافظ پسِ دیوار خریدا

بازار سے ہر رنگ کی دستار خریدی

ہر شہر سے اک اپنا نمک خوار خریدا

مقام گفتگو آنے سے پہلے

مقامِ گفتگو آنے سے پہلے 

چلا جاتا ہے تو آنے سے پہلے

مِری آنکھوں میں پانی آ گیا تھا

کنارِ آب جو آنے سے پہلے

مزا آئے گا پھر کتنا زیادہ

جو تو آئے سبو آنے سے پہلے

مجھ کو آتا نہیں ظالم کی اطاعت کرنا

مجھ کو آتا نہیں ظالم کی اطاعت کرنا 

میری تاریخ میں لکھا ہے بغاوت کرنا

گو کہ یہ کام ضروری بھی نہیں ہے اتنا 

دل کی بس ضد ہے تِرے ساتھ محبت کرنا

لفظ میراث میں چھوڑے ہیں تو ڈر لگتا ہے

مِری اولاد سے مشکل ہے حفاظت کرنا

مرے لشکر کے کماندار مرے قاتل تھے

مِرے لشکر کے کماندار مِرے قاتل تھے

مِرے دشمن تو نہیں، یار مرے قاتل تھے

میں نے خود خون دیا تیغِ عدو کو، ورنہ

بھری دنیا میں بڑے خوار مرے قاتل تھے

کتنا آساں تھا مِرے قتل کا لمحہ ان پر

کیسی مشکل سے یہ دو چار مرے قاتل تھے

دل لگی سی دل لگانے سے رہی

دل لگی سی دل لگانے سے رہی

ایک رونق اس بہانے سے رہی

اس قدر صدمے پڑے ہیں جان پر

زندگی اب مسکرانے سے رہی

ایک تو پہلو بدلتے بج گیا

آج شب پھر نیند آنے سے رہی

وہ لگ گیا ہے جان کو آزار دوستا

وہ لگ گیا ہے جان کو آزار دوستا

بیٹھا ہوا ہوں جان سے بیزار دوستا

صد شکر آستینوں میں پنہاں نہیں ہے کچھ

صد حیف تیرے ہاتھ میں تلوار دوستا

ہم نے سنا تھا تجھ سا مسیحا نہیں کوئی

ہم نے سنا کہ مر گیا بیمار دوستا

گھر چھوڑ کر مکین گھروں کے چلے گئے

گھر چھوڑ کر مکین گھروں کے چلے گئے

قسمت میں اس مکان کی جالے لکھے گئے

پہلے تو قتل آلِ پیمبرﷺ کیا گیا

پھر کربلا کی شام پر ماتم کیے گئے

ہر بے خطا کو دار و رسن کی سزا ملی

جب منصفی کے واسطے قاتل چنے گئے

اک شہر غریباں میں فقیروں کی طرح تھے

اک شہرِ غریباں میں فقیروں کی طرح تھے

وہ لوگ جو توقیر میں شاہوں کی طرح تھے

جن لوگوں کو ہم دشمنِ جاں کہتے رہے ہیں

وہ لوگ بھی اپنے ہی عزیزوں کی طرح تھے

وہ یادیں جو مجھ کو مِری ہستی کا نشاں تھیں

وہ خواب جو مجھ کو مِری آنکھوں کی طرح تھے

ٹھہر کے دیکھتے ہیں قافلے سفر والے

ٹھہر کے دیکھتے ہیں قافلے سفر والے

تمہارے روپ سے رشتے ہیں بام و در والے

ہمارے شہر سے طوفاں گزرنے والا ہے

کہ پر سمیٹ کے بیٹھے ہوئے ہیں پر والے

زبان دانوں نے پائی ہیں خلعتیں، لیکن

تمہارے شہر میں رسوا ہوئے ہیں سر والے

کانے دیو نے نگری نگری منتر پھونکا پتھر کا

آدھا دھڑ انسانوں جیسا آدھا دھڑ تھا پتھر کا

کانے دیو نے نگری نگری منتر پھونکا پتھر کا

پتھر کے پانی سے سارے پتھر کے تالاب بھرے

پہلے پتھر آندھی آئی،۔ مینہ پھر برسا پتھر کا

میں نے جس کے دامن کو خوشبو خوشبو رکھا تھا

اس نے میرے صحن کے اندر پھول اگایا پتھر کا

زلف یوں رخ سے ہٹانے کا ہنر جانتا ہے

زلف یوں رخ سے ہٹانے کا ہُنر جانتا ہے
رات کو دن میں ملانے کا ہنر جانتا ہے
گرچہ وہ چاند نہیں، عام سا اِک چہرہ ہے
پھر بھی وہ بزم سجانے کا ہنر جانتا ہے
میری آنکھوں میں مِرا غم ہی نہیں پڑھ سکتا
یوں تو وہ شخص زمانے کا ہنر جانتا ہے

اک تار بھی گریباں کا نہ تار میں رہے

اِک تار بھی گریباں کا نہ تار میں رہے
کب تک کوئی یوں عشق کے آزار میں رہے
ہم کو بھی رنجِ فرقتِ خُوباں نے آ لیا
ہم جو نشاطِ صحبتِ دلدار میں رہے
حاصل اگر نہ ناخنِ تدبیر کا ملے
لذت اگر نہ کاوشِ بے کار میں رہے

اندر سے کھلے گا کہ یہ باہر سے کھلے گا

اندر سے کھلے گا، کہ یہ باہر سے کھلے گا
اس غار کا منہ، کون سے منتر سے کھلے گا
مٹی کو مِری چاک پہ رکھا تو گیا ہے
میں کیا ہوں کسی دستِ ہنرور سے کھلے گا
دستک میں کسی اور کے دروازے پہ دوں گا
دروازہ کوئی اور برابر سے کھلے گا

شہر ویران ہے خبر ہے تمہیں

شہر ویران ہے، خبر ہے تمہیں
کس کا نقصان ہے، خبر ہے تمہیں
عشق کی راہ چل پڑے ہو تم
کتنی سُنسان ہے، خبر ہے تمہیں
یہاں آتی ہے روز بادِ صبا
یہ گلستان ہے، خبر ہے تمہیں