غزال آنکھوں کو مہ جبینوں کو دیکھتے ہیں

غزال آنکھوں کو، مہ جبینوں کو دیکھتے ہیں

پرانے شاعر نئی زمینوں کو دیکھتے ہیں

تو علم ہوتا ہے سانپ بِچھو پلے ہوۓ تھے

اگر کبھی اپنی آستینوں کو دیکھتے ہیں

یہ بھید کھلتا ہے تب کہ کوئی رکا نہیں ہے

کھنڈر نما دل میں جب مکینوں کو دیکھتے ہیں

دل بچپن کے سنگ کے پیچھے پاگل ہے

دل بچپن کے سنگ کے پیچھے پاگل ہے

کاغذ، ڈور، پتنگ کے پیچھے پاگل ہے

یار! میں اتنی سانولی کیسے بھاؤں تجھے

ہر کوئی گورے رنگ کے پیچھے پاگل ہے

شہزادی، شہزادہ خوش، اور بنجارہ

ٹوٹی ہوئی اک ونگ کے پیچھے پاگل ہے

ہونے ہیں شکستہ ابھی اعصاب لگی شرط

ہونے ہیں شکستہ ابھی اعصاب، لگی شرط

دھتکارنے والی ہوں میں سب خواب، لگی شرط

اے شام کے بھٹکے ہوئے ماہتاب، سنبھل کر

ہے گھات میں بستی کا یہ تالاب، لگی شرط

اچھا تو وہ تسخیر نہیں ہوتا کسی سے؟

یہ بات ہے تو آج سے احباب، لگی شرط

زرد چہرہ ہے مرا زرد بھی ایسا ویسا

زرد چہرہ ہے مِرا زرد بھی ایسا ویسا 

ہجر کا درد ہے اور درد بھی ایسا ویسا 

ایسی ٹھنڈک کہ جمی برف ہر اک خواہش پر 

سرد لہجہ تھا کوئی سرد بھی ایسا ویسا 

اب اسے فرصت احوال میسر ہی نہیں 

وہ جو ہمدرد تھا ہمدرد بھی ایسا ویسا 

دل کے احساس میں شامل ہے ضرورت اس کی

دل کے احساس میں شامل ہے ضرورت اس کی

میرے سینے میں دھڑکتی ہے محبت اس کی

آئینہ ہو کہ بھی میں دیکھ نہیں پاتا اسے 

آن کی آن بدل جاتی ہے صورت اس کی

میرے ہاتھوں سے یہ کشکول گرے تو مانو 

یوں تو مشہور ہے دنیا میں سخاوت اس کی

ہوا نہ مجھ سے کوئی ہمکلام گردش میں

ہُوا نہ مجھ سے کوئی ہم کلام گردش میں 

دھواں ہوۓ ہیں مِرے صبح و شام گردش میں

خیال و خواب ہوا ہر زمانۂ وحشت 

اتر چکے ہیں سبھی خوش خرام گردش میں

میں بھاگتا ہوں سرِ دشتِ کربلا اور پھر 

اضافہ کرتے ہیں آ کر امام گردش میں

خوشا کے وقت سے اذن سفر ملا ہے مجھے

خوشا کے وقت سے اذنِ سفر ملا ہے مجھے 

تمام شہر سرِ رہگزر ملا ہے مجھے

میں ڈھال سکتا ہوں ہر شے کو اپنے سانچے میں 

مِرے عزیز! بلا کا ہنر ملا ہے مجھے

یہ سوچتا ہوں مجھے کس طرح سے مل پاتا 

سکوں بھی وہ جو تجھے دیکھ کر ملا ہے مجھے

کولاژ

کولاژ

اس نے مٹھی کے گلداں میں ٹہنی رکھی

پتیوں کے کنارے چمکنے لگے

پھول بھرنے لگے اور چھلکنے لگے

اس نے پاؤں دَھرے گھاس کے فرش پر

پاؤں کا دُودھیا پن سوا ہو گیا

سبزہ پہلے سے زیادہ ہرا ہو گیا

مجھے اب اور نا سینا

مجھے اب اور نا سینا

وہ تیزی سے اُدھڑتا جا رہا تھا

ہر اک دن اس کے بخیوں سے الجھ کر رات ہو جاتا

وہ روزانہ

بساطِ روز و شب پہ سانس کے مہرے چلا کر مات ہو جاتا

وہ سینہ کھول دیتا اور گہری سوچ میں رہتا

ہم شاعر ہوتے ہیں

ہم شاعر ہوتے ہیں

ہم پیدا کرتے ہیں

ہم گیلی مٹی کو مٹھی میں بھینچا کرتے ہیں

تو شکلیں بنتی ہیں

ہم ان کی چونچیں کھول کے سانسیں پھونکا کرتے ہیں

جو مٹی تھے، وہ چھو لینے سے طائر ہوتے ہیں

سواگت

سواگت 

گھر کا دروازہ کھلا

کتنے دن بعد اسے سانس آیا

کتنے دن بعد اسے اپنوں کی بچھڑی ہوئی خوشبو آئی

ماں نے پیشانی کو ہونٹوں سے چھوا باپ نے سر پہ ہتھیلی رکھی

دو بھتیجوں نے اسے سہما ہوا پیار کیا

ہم نے سوچا تھا خدوخال کے جادو سے ادھر

ہم نے سوچا تھا خدوخال کے جادو سے ادھر
اپنے جیون کے شب و روز بِتا ڈالیں گے
آرزو حسن پرستی کی مٹا ڈالیں گے
زیست میں راہ نہ دیں گے کسی رنگینی کو
خوش جمالوں کے نہ احسان اٹھائیں گے کبھی
پھول خوابوں کے نہ سوچوں میں کھلائیں گے کبھی

دیے سے جب دیا جلتا رہے گا

دِیے سے جب دِیا جلتا رہے گا 

اجالا پھُولتا پھلتا رہے گا 

زمیں پر بارشیں ہوتی رہیں گی 

سمندر ابر میں ڈھلتا رہے گا

تلاطم ہو کہ دریا میں سکوں ہو

گُہر تو سیپ میں پلتا رہے گا

استقلال؛ دھیرے دھیرے چلتے رہنا

اِستقلال

دھیرے دھیرے چلتے رہنا

ہے درپیش طویل  مسافت

تھک جاؤ گے تیز روی سے

تھوڑی دیر میں قوت ساری

ہو جائے گی صَرف سفر میں

ایسے میں منزل کی جانب

کسی طرح تم جا نہ سکو گے

شجر بے دست و پا ہیں ابتلا کو کون روکے گا

شجر بے دست و پا ہیں ابتلاء کو کون روکے گا 

ہوا پتے گرائے گی، ہوا کو کون روکے گا؟

یہی بہتر ہے افشاء خود ہی کر دے اپنے رازوں کو

نہیں تو کل تِرے راز آشنا کو کون روکے گا؟

چلو بالفرض ہم ایماں نہیں لاتے تغیر پر

خیال اٹھتا ہے یہ، صبح و مسا کو کون روکے گا

اچھا نہیں کہ اوج سے پندار گر پڑے

اچھا نہیں کہ اوج سے پندار گر پڑے

اتنا نہ سر اُٹھا کہ دستار گر پڑے

ہو گا تمہیں بھی رنج ہنسے گا اگر کوئی

ٹھوکر سے تم جہاں سرِ بازار گر پڑے

جلتے ہیں دھوپ میں کہ یہ رہتا ہے ڈر ہمیں

سائے میں بیٹھتے ہی نہ دیوار گر پڑے

پانی ٹوٹ نہیں سکتا

پانی ٹوٹ نہیں سکتا

لیکن ضد پر آ جاۓ تو

 پتھر چھلنی ہو جاتے ہیں

لوہے کی زنجیریں، تالے اور سلاخیں

زنگ میں ڈوب کے مر جاتی ہیں

عابی مکھنوی

عمر اب کیوں نہیں آتا

عمرؓ اب کیوں نہیں آتا

میں آنکھیں جو ذرا کھولوں

کلیجہ منہ کو آتا ہے

سڑک پر سرد راتوں میں

پڑے ہیں برف سے بچے

دسمبر لوٹ آیا ہے

عمرؓ اب بھی نہیں آیا

سورج سانجھا ہوتا ہے نا

سورج سانجھا ہوتا ہے نا؟

سورج سب کا ہوتا ہے نا؟

تیری دنیا روشن کیسے؟

مجھ کو کِرنیں ڈستی کیوں ہیں؟

سانسیں سانسیں ہوتی ہیں نا؟

تیری ہوں یا میری ہوں وہ

اے دست شناسو بتلاؤ

اے دست شناسو! بتلاؤ

جو ہاتھ لکیریں کھو بیٹھے

پھر ان کی قسمت کیا ہو گی

جو سب کو جنت دیتے ہیں

وہ دوزخ میں کیوں جلتے ہیں

فیل بانو

فیل بانو 

گھر میں ہاتھی کون رکھتا ہے

زرا تم اپنے دروازوں کے قد تو ناپ لیتے

جہاں پر فیل بانی ہو

وہاں اگر چیونٹیاں پامال ہو جائیں تو حیرانی نہیں ہوتی

وحید احمد

فقط ہم تم ہی بدلے ہیں

فقط ہم تم ہی بدلے ہیں

چلو پھر لوٹ جائیں ہم جہاں پہ کچھ نہیں بدلا

نہ ماہ و سال ہیں بدلے نہ ماضی حال ہیں بدلے

وہاں پہ لوٹ جائیں ہم جہاں معلوم ہو کے بس

نہیں کچھ اور ہے بدلا فقط ہم تم ہی بدلے ہیں

وہی مٹی وہی خوشبو وہی سوندھی فضائیں ہیں

وہی گلزار منظر تو وہی من چاہی راہیں ہیں

محبت چھوڑ دو کرنا

محبت چھوڑ دو کرنا

محبت ہی نہیں لازم 

نبھانا بھی ضروری ہے 

اگر ایسا نہیں ممکن

محبت چھوڑ دو کرنا  

محبت تب ہی تم کرنا 

کہ جب احساس شامل ہو 

کیا مٹی میں ڈھونڈ رہے ہو کیا رکھا ہے جالوں میں

دیواروں پہ چڑھ جاتی ہیں بیلیں اتنے سالوں میں

کیا مٹی میں ڈھونڈ رہے ہو کیا رکھا ہے جالوں میں

سونے جیسے لمحے جھونکے ہم نے وقت کی بھٹی میں

کندن بنتے بنتے اب تو چاندی اتری بالوں میں

منظر ایسا دیکھا ہے کیا چاند بھنور میں کھونے کا

ڈِمپل پڑتے دیکھے ہیں کیا تم نے اس کے گالوں میں

یک طرفہ محبت

یکطرفہ محبت

یک طرفہ محبت بھی

کیا خوب محبت ہے

دیوار کے پیچھے سے

دیوار نکلتی ہے

برسوں‌ کی ریاضت بھی

اکیلے ایک ہم نہیں

اکیلے ایک ہم نہیں

کبھی کبھی یہ سوچ کر بهی

اپنے رنج کم ہوئے

کہ اس کٹهن سراب میں

حیات کے عذاب میں

اکیلے ایک ہم نہیں

بہت ہیں لوگ اور بهی

تو کیا تم اتنی ظالم ہو

تو کیا

تو کیا تم اتنی ظالم ہو
مِرے تیمار داروں سے
مسیحا جب یہ کہہ دیں گے
دوا تاثیر کھو بیٹھی
دُعا کا وقت آ پہنچا

وہ کھیل محبت کا

وہ کھیل محبت کا

کردار تھے ہم جس کے
وہ کھیل محبت کا
جس شخص نے لکھا تھا
اس شخص نے جو چاہا
وہ کر کے دکھایا بھی
اور آخری منظر میں
اس کھیل میں باقی تھا

ہم نے کوشش بھی کی

ہم نے  کوشش بھی کی
اک ملاقات ہو
وصل کا دن چڑھے
ختم یہ رات ہو
دوستوں نے مگر
ایک چلنے نہ دی
وہ جو ڈھل سکتی تھی
رات ڈھلنے نہ دی

چاہتا ہے کہ اسے چاند پکارا جائے

ہاتھ کو ہاتھ سجھائی نہیں دیتا لیکن
وہ جو آیا ہے مِرے گھر میں اندھیرے لے کر
چاہتا ہے کہ اسے چاند پکارا جائے

راشد مراد

گل فروشوں کا شہر ہے اس میں

گُل فروشوں کا شہر ہے، اس میں

پھول ملتے نہیں ٹھکانے پر

تتلیاں جا بجا بھٹکتی ہیں

راشد مراد

میں تجھے چاہتا نہیں لیکن

تجزیہ

میں تجھے چاہتا نہیں، لیکن

پھر بھی جب پاس تُو نہیں ہوتی

خود کو کتنا اداس پاتا ہوں

گم سے اپنے حواس پاتا ہوں

جانے کیا دھن سمائی رہتی ہے

اک خموشی سی چھائی رہتی ہے

دل سے بھی گفتگو نہیں ہوتی

انگارے

انگارے

تم؟

تمہارا نام؟

لیکن میں نے یہ نام 

آج پہلی بار تم سے ہی سنا ہے

کون ہو تم؟

کون تھیں تم؟

دکھ ہیں اور میں ہوں

دُکھ ہیں اور میں ہوں

میں ہوں اور دُکھ ہیں

قاتل تر سُکھ ہیں

شنکر جی! گونگے شنکر جی

ہونٹ میرے کُکھ ہیں

میں ہوں اور دُکھ ہیں

جون ایلیا

مجھے قلم دو

مجھے قلم دو کہ میں تمہیں اک کتاب لکھ دوں

تمہاری راتوں کے واسطے اپنے خواب لکھ دوں

کتاب جس میں ہدایتیں ہیں

کتاب جس میں تمہارے امراض کی شفا ہے

مجھے قلم دو

مجھے قلم دو

یہ محسوس ہوتا ہے چھٹ کر کسی سے

یہ محسوس ہوتا ہے چھٹ کر کسی سے
کوئی چیز کم ہو گئی زندگی سے
زمانہ ابھی تک سزا پا رہا ہے
خطا ہو گئی تھی کبھی آدمی سے
ستاتی ہے غربت میں یادِ وطن جب
گلے مل کے روتا ہوں ہر اجنبی سے

خالی ہاتھ

خالی ہاتھ

جب اس کے ساتھ تھی

میں اس وسیع کائنات میں

نفس نفس، قدم قدم

نظر نظر امیر تھی

اور اب

نہ بام و دشت نہ دریا نہ کوہسار ملے

نہ بام و دشت، نہ دریا، نہ کوہسار ملے

جنوں کی راہ تھی حالات سازگار ملے

لبوں پہ حرفِ شکایت بھی آ کے ٹوٹ گیا

وہ خود فگار تھے جو ہاتھ سنگبار ملے

ادھر فصیلِ شبِ غم، ادھر ہے شہر پناہ

صبا سے کہیو وہیں آ کے ایک بار ملے

آشوب آگہی

آشوبِ آگہی

جیسے دریا کنارے

کوئی تشنہ لب

آج میرے خدا

میں یہ تیرے سوا اور کس سے کہوں

میرے خوابوں کے خورشید و مہتاب سب

بے جنبش ابرو تو نہیں کام چلے گا

بے جنبشِ ابرو تو نہیں کام چلے گا

آ کر مِرے قصے میں تِرا نام چلے گا

ٹھہرا ہے مِرے ذہن میں جو قافلۂ گل

تھوڑا سا تو لے کر یہاں آرام چلے گا

زہاد کی مالا نہیں جو رات کو نکلے

رِندوں کا پیالہ ہے سرِ شام چلے گا

ہلکا ہلکا سرور ہے ساقی

ہلکا ہلکا سرور ہے ساقی

بات کوئی ضرور ہے ساقی

تیری آنکھوں کو کر دیا سجدہ

میرا پہلا قصور ہے ساقی

تیرے رخ پر ہے یہ پریشانی

اک اندھیرے میں نور ہے ساقی

ماضی کو بھی دیکھیں گے اب اپنی ہی نظر سے

ماضی کو بھی دیکھیں گے اب اپنی ہی نظر سے

اس کی بھی خبر کچھ نہ ملی اہلِ خبر سے

کچھ گم ہوئے اوراق روایت میں نہ آ کر

کچھ مسخ ہوئے حسنِ روایت کے اثر سے

گردش میں ہیں سب دشت و دیار و در و دیوار

وہ بھی ہیں سفر میں کہ جو نکلے نہیں گھر سے

گو نظر اکثر وہ حسن لا زوال آ جائے گا

گو نظر اکثر وہ حسنِ لا زوال آ جائے گا

راہ میں لیکن سرابِ ماہ و سال آ جائے گا

یا شکن آلود ہو جائے گی منظر کی جبیں

یا ہماری آنکھ کے شیشے میں بال آ جائے گا

ریت پر صورت گری کرتی ہے کیا بادِ جنوب

کوئی دم میں موجۂ بادِ شمال آ جائے گا

میں سوچتا تھا کہ وہ زخم بھر گیا کہ نہیں

میں سوچتا تھا کہ وہ زخم بھر گیا کہ نہیں

‘کھلا دریچہ، در آئی صبا، کہا کہ ’نہیں

ہوا کا رُخ تو اسی بام و در کی جانب ہے

پہنچ رہی ہے وہاں تک مِری صدا کہ نہیں

زباں پہ کچھ نہ سہی سن کے میرا حال تباہ

تِرے ضمیر میں ابھری کوئی دعا کہ نہیں

گاؤں کے اک چھوٹے گھر میں کچھ لمحے مہتاب رہا

گاؤں کے اک چھوٹے گھر میں کچھ لمحے مہتاب رہا

لیکن اس کی یاد کا پودا برسوں تک شاداب رہا

فصل خزاں کی شاخ سے لپٹا بیلے کا اک تنہا پھول

کچھ کلیوں کی یاد سمیٹے راتوں کو بے خواب رہا

بچھڑے تھے تو ساکت پلکیں سوکھے پیڑ کی شاخیں تھیں

اس سے بچھڑ کر دُور چلے تو کوسوں تک سیلاب رہا

ایزی لوڈ

ایزی لوڈ

دل کی سِم میں جانِ جاں

جس قدر بھی بیلنس تھا

قرض تھا محبت کا

خرچ کر دیا ہم نے سانس کی تجارت میں

کیش کے زمانے میں

وطن سے دور آ کر جو بڑی دولت کماتے ہیں

پردیسی

وطن سے دور آ کر جو بڑی دولت کماتے ہیں

کبھی آؤ! ہمیں دیکھو کہ غم کتنا اٹھاتے ہیں

بڑا مہنگا پسینہ ہے، بڑے سستے کھلونے ہیں

یہاں ارماں لٹا کر ہم بڑے ڈالر بچاتے ہیں

اقامہ ہے، کفالت ہے، یہاں دینار ملتے ہیں

فراوانی ہے پیسوں کی یہی سب کو بتاتے ہیں

عدو سے جا کے کہہ دینا

عدو سے جا کے کہہ دینا

شجاعت کا حسِیں جذبہ

دماغ و دل میں مت ڈھونڈے

شہادت وہ تمنا ہے

جسے مردِ مجاہد کا لہو تجسِیم کرتا ہے

بدن سے ماوراء ہے جو

دیکھ آیا ہوں ہر اک دشت و بیاباں جاناں

دیکھ آیا ہوں ہر اک دشت و بیاباں جاناں

کوئی ملتا ہی نہیں چاک گریباں جاناں

پھر دلِ زار کو لے آیا جنوں محفل میں

پھر ہوئی زلف تِری کھل کے پریشاں جاناں

ہم نے ہر شب کو بنا رکھا ہے عاشور کی شب

اب تو ہر شام لگے شامِ غریباں جاناں

منتظر ایوبی کے غزنوی کی آمد کے

منتظر ایوبی کے

غزنوی کی آمد کے

بِن سروں‌ کے لاشوں‌ پر

بین کرتے جاتے ہیں‌

اپنے اپنے بچوں‌ کے

چھید چھید جسموں‌ کو

دشمن سے بڑھ گئی ہے تری رسم و راہ، واہ

دشمن سے بڑھ گئی ہے تِری رسم و راہ، واہ

تُو بھی ہے میرے سامنے لے کر سپاہ، واہ

اب تیری دسترس میں سنا کائنات ہے

مٹھی میں آ گئے ہیں تِری مہر و ماہ، واہ

تیری ستم گری کا تو اک شہر تھا گواہ

مجھ پر بھی پڑگئی ہے تِری اب نگاہ، واہ

تمہاری آنکھوں کی آبیاری کو صرف تھوڑا سا جل لگے گا

تمہاری آنکھوں کی آبیاری کو صرف تھوڑا سا جل لگے گا

کہ پھر تو مِژگاں کی ڈالیوں پہ ہر ایک موسم میں پھل لگے گا

حِنائی ہاتھوں میں پھول پہنو گی جب بھی زُود آشنائے غیراں

وہ لمسِ شب گیر یاد آیا تو ہاتھ گجروں میں شٙل لگے گا

ابھی تو کیمپس کی راہداری میں قہقہے تیرے گونجتے ہیں

چھِڑے گا جب ذکر ان دنوں کا تو آنکھ بھرنے میں پَل لگے

کوئی منزل نہ کچھ سبیل ہوئی

کوئی منزل نہ کچھ سبیل ہوئی

راہ اندھی ہوئی، طویل ہوئی

ساری دنیا ہی ہو گئی منصف

کیا محبت مِری وکیل ہوئی

تیرے جانے سے چلو یہ تو ہوا

مختصر زندگی طویل ہوئی

کس طرح کہیں تجھ سے

مختصر نظم

کس طرح کہیں تجھ سے

تیرے روٹھ جانے سے

ہم دُکھوں کے ماروں پر

دو ٹکے کے لوگوں نے

انگلیاں اٹھائی ہیں

زین شکیل

شاعروں کے بختوں میں

شاعروں کے بختوں میں

رونقیں نہیں ہوتیں

یہ عجیب ہوتے ہیں

جنگلوں، پہاڑوں میں اک نگر بساتے ہیں

خواب کے سہارے پر

شہر میں تو رہتے ہیں 

بَس مگر نہیں پاتے 

اکثر ایسا ہو جاتا ہے

اکثر

آنسو راہ بھٹک جاتے ہیں

آنکھیں بنجر ہو جاتی ہیں

سپنے مردہ ہو جاتے ہیں

نیندیں ماتم کر لیتی ہیں

اکثر ایسا ہو جاتا ہے

بھولی بسری یادیں آ کر