بدن بھیگیں گے برساتیں رہیں گی

 بدن بھیگیں گے برساتیں رہیں گی 

ابھی کچھ دن یہ سوغاتیں رہیں گی 

تڑپ باقی رہے گی جھوٹ ہے یہ 

ملیں گے ہم ملاقاتیں رہیں گی 

نظر میں چہرہ کوئی اور ہو گا 

گلے میں جھولتی بانہیں رہیں گی 

ڈائری کے یہ سادہ ورق اور قلم چھین لو

 ڈائری کے یہ سادہ ورق

اور قلم چھین لو

آئینوں کی دُکانوں میں سب

اپنے چہرے لیے

اک برہنہ تبسم کے محتاج ہیں

سرد بازار میں

ادھر کئی دنوں سے دور دور تک بھی نیند کا پتہ نہیں

 شناسا آہٹیں

ادھر کئی دنوں سے

دور دور تک بھی نیند کا پتہ نہیں

کسیلے کڑوے ذائقے

ٹپک رہے ہیں آنکھ سے

کئی پہر گزر چکے

کس حال میں ہے ان دنوں گھر بار دیکھ لیں

 آنگن میں چھوڑ آئے تھے جو غار دیکھ لیں

کس حال میں ہے ان دنوں گھر بار دیکھ لیں

جب آ گئے ہیں شہرِ طلسمات کے قریب

کیا چاہتی ہے نرگسِ بیمار دیکھ لیں

ہنسنا ہنسانا چھوٹے ہوئے مدتیں ہوئیں

بس تھوڑی دور رہ گئی دیوار دیکھ لیں

ڈولی مری جیون دوار کھڑی کوئی چنری آ کے اڑھا جانا

 ڈولی مِری جیون دوار کھڑی، کوئی چُنری آ کے اُڑھا جانا

شرنگھار کیے بیٹھی ہے عمر، کوئی مہندی ہاتھ رچا جانا

وہی آگ لگی جو ازل گھر میں، مِری خاک میں پھر سے لگا جانا

ٹوٹے ہیں سبھی گھر کے باسن، انہیں چاک پہ پھر سے بٹھا جانا

لپٹے ہیں مجھے جگ کے رستے، سیاں جی مِرے پردیس گئے

بھوساگر میں منجھدار پڑی، مایا دیوار گرا جانا

رونے کو بہت روئے بہت آہ و فغاں کی

 رونے کو بہت روئے، بہت آہ و فغاں کی

کٹتی نہیں زنجیر مگر سُود و زیاں کی

کرتے ہیں طواف آج وہ خود اپنے گھروں کا

جو سیر کو نکلے تھے کبھی سارے جہاں کی

آئیں جو یہاں اہلِ خِرد، سوچ کے آئیں

اس شہر سے ملتی ہیں حدیں شہرِ گماں کی

کس کی تلاش ہے ہمیں کس کے اثر میں ہیں

کس کی تلاش ہے ہمیں، کس کے اثر میں ہیں

جب سے چلے ہیں گھر سے مسلسل سفر میں ہیں

سارے تماشے ختم ہوئے، لوگ جا چکے

اک ہم ہی رہ گئے جو فریبِ سحر میں ہیں 

ایسی تو کوئی خاص خطا بھی نہیں ہوئی

ہاں یہ سمجھ لیا تھا کہ ہم اپنے گھر میں ہیں

جس کی نہ کوئی رات ہو ایسی سحر ملے

جس کی نہ کوئی رات ہو ایسی سحر ملے

سارے تعینات سے اک دن سفر ملے

افواہ کس نے ایسی اڑائی کہ شہر میں

ہر شخص بچ رہا ہے نہ اس سے نظر ملے

دشواریاں کچھ اور زیادہ ہی بڑھ گئیں

گھر سے چلے تو راہ میں اتنے شجر ملے

تمہارے شہر کے رستے عجیب رستے ہیں

تمہارے شہر کے رستے عجیب رستے ہیں

کہ واپسی کے لیے آج تک ترستے ہیں

جو قہقہوں کی عمارت میں ہو گئے محصور

کچھ ایسے لوگوں کی بستی میں ہم بھی بستے ہیں

ہزار شکر، پناہوں سے دور ہیں ہم لوگ

بدن ہمارے ابھی دھوپ میں جھلستے ہیں

ہر ایک بات پہ وہ قہقہے لگاتا ہے

ہر ایک بات پہ وہ قہقہے لگاتا ہے

یہ اور بات کہ ہنسنے سے جی چراتا ہے

ہے انتظار مجھے جنگ ختم ہونے کا

لہو کی قید سے باہر کوئی بلاتا ہے

تمام راستے اب ایک جیسے لگتے ہیں

گمان راہ میں شکلیں بدل کے آتا ہے

دھوپ کے رتھ پر ہفت افلاک

دھوپ کے رتھ پر ہفت افلاک

چوباروں کے سر پر خاک

شہرِ ملامت آ پہنچا

سارے مناظر عبرت ناک

دریاؤں کی نذر ہوئے

دھیرے دھیرے سب تیراک

کوئی غل ہوا تھا نہ شور خزاں

کوئی غل ہوا تھا، نہ شورِ خزاں

اجڑنے لگیں خود بخود بستیاں

جسے دیکھنے گھر سے نکلے تھے ہم

دھواں ہو گیا شام کا وہ سماں

سبھی کچھ تو دریا بہا لے گیا

تجھے اور کیا چاہیے آسماں

اتنا کیوں شرماتے ہیں

اتنا کیوں شرماتے ہیں

وعدے آخر وعدے ہیں

لکھا لکھایا دھو ڈالا

سارے ورق پھر سادے ہیں

تجھ کو بھی کیوں یاد رکھا

سوچ کے اب پچھتاتے ہیں

ہمارے بارے میں کیا کیا نہ کچھ کہا ہو گا

ہمارے بارے میں کیا کیا نہ کچھ کہا ہو گا

چلیں گے ساتھ تو دنیا کا سامنا ہو گا

وہ ایک شخص جو پتھر اٹھا کے دوڑا تھا

ضرور خواب کی کڑیاں ملا رہا ہو گا

ہمارے بعد اک ایسا بھی دور آئے گا

وہ اجنبی ہی رہے گا جو تیسرا ہو گا

کسے بتاتے کہ منظر نگاہ میں کیا تھا

کسے بتاتے کہ منظر نگاہ میں کیا تھا

ہر ایک رنگ میں اپنا ہی بس تماشا تھا

ہم آج تک تو کوئی امتیاز کر نہ سکے

یہاں تو جو بھی ملا ہے وہ تیرے جیسا تھا

عجیب خواب تھا، تعبیر کیا ہوئی اس کی

کہ ایک دریا ہواؤں کے رخ پہ بہتا تھا

بھینی خوشبو سلگتی سانسوں میں

بھینی خوشبو سلگتی سانسوں میں

بجلیاں بھر گئی ہیں ہاتھوں میں

صرف تیرا بدن چمکتا ہے

کالی لمبی اداس راتوں میں

کیا کیا چھینے گا اے امیرِ شہر

اتنے منظر ہیں میری آنکھوں میں

زور بڑھنے لگا ہواؤں میں

زور بڑھنے لگا ہواؤں میں

یاد رکھنا ہمیں دعاؤں میں

کب کے معتوب ہو گئے ہوتے

خاک شدت رہی خطاؤں میں

سوندھی مٹی وہ ادھ جلے چولہے

دل دھڑکتے ہوئے گپھاؤں میں

پھر پلٹنے نکلے ہیں ساری داستانوں کو

پھر پلٹنے نکلے ہیں ساری داستانوں کو

ہم جگاۓ رکھیں گے گھر کے سائبانوں کو

روشنی کے مینارے، شہر میں ہوئے قائم

کالا پوت ڈالو اب، سارے شمع دانوں کو

تیز بہتے قدموں سے ڈھک گئی ہیں سب سڑکیں

آہٹوں کی عادت تھی سُونے پائیدانوں کو

جستجو ہی جستجو بن جائیں گے

جستجو ہی جستجو بن جائیں گے

تجھ سے بچھڑے تو بہت پچھتائیں گے

ذکر سے بھی جن کے کتراتے ہیں لوگ

کل یہ قصے داستاں بن جائیں گے

منتظر آنکھیں لیے بیٹھے رہو

ساتھ میں منظر لیے ہم آئیں گے

بہت ہوا رو دیتے تھے

بہت ہُوا، رو دیتے تھے

تم بھی کتنے سچے تھے

پہلے یہاں آبادی تھی

بستی والے کہتے تھے

ہم بھی اک دن دنیا کو

آگ لگانے نکلے تھے