عارفانہ کلام حمد نعت منقبت
میرے لب پر نام تِرا
ہے یہ خاص انعام ترا
وہ ذرّہ خُورشید بنا
جس پہ ہُوا اِکرام ترا
کوئی تِرا آغاز نہیں
کوئی نہیں انجام ترا
دل کا سکُوں ہے یاد تِری
راحتِ جاں ہے نام ترا
تیرے حوالے خُود کو کِیا
آگے اب ہے کام ترا
اس رشتے پہ نازاں ہوں
کہتے ہیں لوگ غُلام ترا
دل میں ہے تصویر تِری
ہونٹوں پر ہے نام ترا
تُجھ کو پا لوں دے کر جان
اتنا سستا دام ترا؟
جب دُنیا سے جائے جِگر
لب پر ہو بس نام ترا
جگر جالندھری
دھرم پال مرواہا
No comments:
Post a Comment