اپنا سب کچھ بھول گیا کچھ یاد نہیں

اِک دیوانہ رہتا تھا اس بستی میں

اس کا کیا انجام ہوا، کچھ یاد نہیں

تنہائی کی شام اور بارش کی آواز

وہ بھی کیسا موسم تھا، کچھ یاد نہیں

اس کی چھوٹی چھوٹی باتیں یاد رہیں

اپنا سب کچھ بھول گیا، کچھ یاد نہیں

رضی ترمذی

قحط وفا میں شہر سے جنگل اچھا تھا

جب بھی آتا، دل ہی دُکھاتا تھا، لیکن

کیسا شخص تھا پھر بھی اچھا لگتا تھا

خوشبو، رنگ، ہوائیں، نغمے، سب تیرے

میں تیرا بن کر اِترایا پھرتا تھا

دل تو یوں پامال نہ کرتا تھا کوئی

قحطِ وفا میں شہر سے جنگل اچھا تھا

رضی ترمذی

دور رہنے کی سزا دو مجھ کو

دور رہنے کی سزا دو مجھ کو

چاند کا نقش بنا دو مجھ کو

حرفِ اول لہو سے لکھو

حرفِ آخر ہوں مٹا دو مجھ کو

ایک ننھی سے کرن کیا لو گے

دھوپ کے ساتھ ملا دو مجھ کو

کنج عزلت سے اٹھو صبح بہاراں دیکھو

کنجِ عزلت سے اٹھو صبحِ بہاراں دیکھو

دوستو! نغمہ گرو! رقصِ غزالاں دیکھو

مٹ گیا رہگزاروں سے ہر اک نقشِ خزاں

ورقِ گل پہ لکھے اب نئے عنواں دیکھو

مطرباں! بہرِ قدم بوسئ شیریں سخناں

محفلِ گل میں چلو جشنِ بہاراں دیکھو

دل والو کیا دیکھ رہے ہو ان راہوں میں

دل والو کیا دیکھ رہے ہو ان راہوں میں

حدِ نظر تک یہ ویرانی ساتھ چلے گی

گھر کے اندر سارے جنگل کا سناٹا

شام ہوئی تو اس جنگل میں ہوا چلے گی

جن کے ہاتھوں دل کی یہ توہین ہوئی ہے

ان کے لیے بھی یہ دنیا ایسی نہ رہے گی

پارہ پارہ ہوا پیراہن جاں

پارہ پارہ ہُوا، پیراہنِ جاں

پھر مجھے چھوڑ گئے چارہ گراں

کوئی آہٹ، نہ اشارہ، نہ سراب

کیسا ویراں ہے یہ دشتِ امکاں

چار سُو خاک اڑاتی ہے ہوا

از کراں تا بہ کراں ریگِ رواں

سو رہا تھا تو شور برپا تھا

سو رہا تھا تو شور برپا تھا

اٹھ کے دیکھا تو میں اکیلا تھا

خاک پر میرے خواب بکھرے تھے

اور میں ریزہ ریزہ چنتا تھا

چار جانب وجود کی دیوار

اپنی آواز میں ہی سنتا تھا

بھولی بسری چند امیدیں چند فسانے یاد آئے

بھولی بسری چند امیدیں چند فسانے یاد آئے
تم یاد آئے اور تمہارے ساتھ زمانے یاد آئے
دل کا چمن شاداب تھا پھر بھی خاک سی اڑتی رہتی ہے
کیسے زمانے، اے غمِ جاناں! تیرے بہانے یاد آئے
ہنسنے والوں سے ڈرتے تھے چھپ چھپ کر رو لیتے تھے
گہری گہری سوچ میں ڈوبے دو دیوانے یاد آئے

نہ ابر ہے نہ ہوا نیند کیوں نہیں آتی

نہ ابر ہے نہ ہوا نیند کیوں نہیں آتی
برس چکی ہے گھٹا، نیند کیوں نہیں آتی
نئے نئے تھے جدائی کے دن تو بات بھی تھی
وہ دور بیت چکا،  نیند کیوں نہیں آتی

بچھڑ بھی جاتے ہیں دنیا میں چاہنے والے

چلو ہوا سو ہوا،  نیند کیوں نہیں آتی

جب یہ جان حزیں وقف آلام ہوئی

جب یہ جانِ حزیں وقفِ آلام ہوئی 

وہ ساعت کیسے کیسے بدنام ہوئی

دل میں میٹھے میٹھے درد کے پھول کھلے 

پھر یادوں کی ہوا چلی پھر شام ہوئی

تیری خاطر تیرا نام نہ لیتے تھے 

لیکن چپ کی بات بہت بدنام ہوئی