ہر کسی کو نہ آزمایا کرو

 ہر کسی کو نہ آزمایا کرو

میں جو کہتا ہوں مان جایا کرو

دل میں کافی جگہ بچی ہے ابھی

تم نئے زخم ڈھونڈ لایا کرو

پھول آہٹ سے سہم جاتے ہیں

تتلیو🦋 ننگے پاؤں آیا کرو

یوں وفا کا قرض اتارا کیجئے

 یوں وفا کا قرض اتارا کیجیۓ

جیت کر بھی ان سے ہارا کیجیۓ

جب زمینیں پاؤں کے نیچے نہ ہوں

آسمانوں کا نظارہ کیجیۓ

رک گئے دنیا کے سارے سلسلے

ایک ہلکا سا اشارہ کیجیۓ

کہیں بھی زندگی اپنی گزار سکتا تھا

 کہیں بھی زندگی اپنی گزار سکتا تھا

وہ چاہتا، تو میں دانستہ ہار سکتا تھا

زمین پاؤں سے میرے لِپٹ گئی، ورنہ

میں آسمان سے تارے✬ اُتار سکتا تھا

جلا رہی ہیں جسے تیز دُھوپ کی نظریں

وہ ابر☁، باغ کی قسمت سنوار سکتا تھا

کہاں سے منظر سمیٹ لائے نظر کہاں سے ادھار مانگے

 کہاں سے منظر سمیٹ لائے نظر کہاں سے ادھار مانگے

روایتوں کو نہ موت آئے تو زندگی انتشار مانگے

سفر کی یہ کیسی وسعتیں ہیں کہ راستہ ہے نہ کوئی منزل

تھکن کا احساس بھی نہ اترے قدم قدم رہگزار مانگے

تلاش کے باوجود سچ ہے کہ میرے حصے میں کچھ نہ آیا

کہ میں نے خوشیاں ہزار ڈھونڈیں کہ درد میں نے ہزار مانگے

خشک پتوں کی یہ مجبوری طرفداری نہ تھی

خشک پتوں کی یہ مجبوری، طرفداری نہ تھی

آندھیوں کے ساتھ ہو لینے میں دُشواری نہ تھی

تم نے کیسے اپنی دنیا سے الگ جانا مجھے؟

میرے حصے میں بھی بے ہوشی تھی سرشاری نہ تھی

بس یوں ہی بیٹھے بٹھائے دھک سے رہ جاتا ہے دل

زندگی پہلے کبھی ایسی تھکی ہاری نہ تھی