دلوں سے غم مٹاتا ہے محمد نام ایسا ہے

 عارفانہ کلام حمد نعت منقبت

دلوں سے غم مٹاتا ہے محمدﷺ نام ایسا ہے

نگر اُجڑے بساتا ہے محمدﷺ نام ایسا ہے

انہی کے نام سے پائی فقیروں نے شہنشاہی

خُدا سے بھی ملاتا ہے محمدﷺ نام ایسا ہے

انہی کے ذکر سے روشن راتیں پھر لوٹ آتی ہیں

نصیبوں کو جگاتا ہے محمدﷺ نام ایسا ہے

کاش وہ چہرہ میری آنکھ نے دیکھا ہوتا

عارفانہ کلام نعتیہ کلام

کاش وہؐ چہرہ میری آنکھ نے دیکھا ہوتا

مجھ کو تقدیر نے اس دور میں لکھا ہوتا

باتیں سنتا میں کبھی پوچھتا معنی انؐ کے

آپؐ کے سامنے اصحاب میں بیٹھا ہوتا

ہر سیاہ رات میں سورج ہیں حدیثیں ان کی

وہﷺ نہ آتے تو زمانے میں اندھیرا ہوتا

کاش سرکار دو عالم کا زمانہ ملتا

عارفانہ کلام نعتیہ کلام

ساری صدیوں پہ جو بھاری ہے وہ لمحہ ملتا

کاش سرکارﷺ دو عالم کا زمانہ ملتا

آپﷺ کو دیکھتا طائف میں دعائیں دیتے

یوں مِرے صبر و تحمل کو سلیقہ ملتا

آپؐ کے پیچھے کھڑے ہو کے نمازیں پڑھتا

آپؐ کے قدموں کے پیچھے مجھے سجدہ ملتا

یہ دنیا اک سمندر ہے مگر ساحل مدینہ ہے

عارفانہ کلام حمد نعت منقبت

 یہ دنیا اک سمندر ہے مگر ساحل مدینہ ہے

ہر اک موجِ بلا کی راہ میں حائل مدینہ ہے

مدینے کے مسافر تجھ پہ میرے جان و دل قربان

تیری آنکھیں بتاتی ہیں، تیری منزل مدینہ ہے

زمانہ دھوپ ہے اور چھاؤں ہے بس اک بستی میں

یہ دنیا جل کے بجھ جاتی، مگر شامل مدینہ ہے

نہ کھاتا اگر میں تو تکرار کیا تھی

مزاحیہ غزل

نہ کھاتا اگر میں تو تکرار کیا تھی

مگر کچھ پکاتے ہوئے عار کیا تھی

کیا ہم کو برباد میک اپ نے تیرے

خطا اس میں بندے کی سرکار کیا تھی

میاں بیوی میں تھی اگر کوئی ان بن

تو گھر میں بچوں کی بھرمار کیا تھی؟

محبت کر کے بھی دیکھا محبت میں بھی دھوکا ہے

محبت کر کے بھی دیکھا محبت میں بھی دھوکا ہے 

(مزاحیہ)

شوہر

تجھے کشمیر سمجھا تھا مگر تھرپارکر نکلا

نہ اماں تیری افسر ہیں، نہ ابا ڈاکٹر نکلا

تِرے اس حسن کے پیچھے بیوٹی پارلر نکلا

میں نیلے لینس میں ڈوبا تو جا کر کاشغر نکلا

نہ جھمکے تیرے اصلی ہیں نہ اصلی تیرا کوکا ہے

محبت کر کے بھی دیکھا محبت میں بھی دھوکا ہے

ایک نہیں ہم پہ کئی وار کرے گا

ایک نہیں ہم پہ کئی وار کرے گا

ہر بار نئے لشکری تیار کرے گا

بپھرے ہوئے دریا سے بھی پہرے نہ اٹھانا

وہ لمحۂ غفلت میں اسے پار کرے گا

ہر نیند کے موسم میں ہمیں جاگنا ہو گا

مودی ہے کسی وقت بھی یلغار کرے گا

ہر ایک رت میں اداس نسلوں ‌نے خواب دیکھے

ہر ایک رُت میں اداس نسلوں ‌نے خواب دیکھے

وطن میں فصلِ بہار دیکھی، گلاب دیکھے

ہر ایک موسم کی ایک جیسی شبیہ دیکھی

سبھی درختوں پہ ایک جیسے عذاب دیکھے

جو بند آنکھوں سے بارشوں میں نہا رہے تھے

کھلی جو آنکھیں تو دشت دیکھا سراب دیکھے

میں کہ افسردہ مکانوں میں رہوں

میں کہ افسردہ مکانوں میں رہوں

آج بھی گزرے زمانوں میں رہوں

رات ہے سر پر کوئی سورج نہیں

کس لیے پھر سائبانوں میں رہوں

کیا وسیلہ ہو مِرے اظہار کا

لفظ ہوں گونگی زبانوں میں رہوں

محبت کے سفر میں کوئی بھی رستہ نہیں دیتا

محبت کے سفر میں کوئی بھی رستا نہیں دیتا

زمیں واقف نہیں بنتی، فلک سایا نہیں دیتا

خوشی اور دکھ کے موسم سب کے اپنے اپنے ہوتے ہیں

کسی کو اپنے حصے کا کوئی لمحہ نہیں دیتا

نہ جانے کون ہوتے ہیں جو بازو تھام لیتے ہیں

مصیبت میں سہارا کوئی بھی اپنا نہیں دیتا

پتھر کس کو مارو گے جب ان کے سر بھی اپنے ہیں

پتھر کس کو مارو گے جب ان کے سر بھی اپنے ہیں

سانجھی ہیں دیواریں سب کی، سارے گھر بھی اپنے ہیں

ایسی الجھی باتیں مت کر ، دیکھ یہ بستی اپنی ہے

خوشبو بن کر دستک دینا، بام و در بھی اپنے ہیں

جلتے پتھر پر بیٹھے ہو، گھر کی جانب لوٹ آؤ

شام کے سائے دُور ہیں اور پھر تیرے پر بھی اپنے ہیں

ہمارے خواب کا منظر بدلنے والا ہے

ہمارے خواب کا منظر بدلنے والا ہے

چراغ رہنے دو سورج نکلنے والا ہے

شبِ سیاہ کا خیمہ اکھڑنے والا ہے

سرائے جاں میں سویرا اترنے والا ہے

ہمارے اشک بھی اب رائیگاں نہ جائیں گے

یہ سیل تجھ کو بہا کر گزرنے والا ہے

اسے اپنے فردا کی فکر تھی وہ جو میرا واقف حال تھا

اسے اپنے فردا کی فِکر تھی، وہ جو میرا واقفِ حال تھا
وہ جو اُس کی صبحِ عروج تھی، وہی میرا وقتِ زوال تھا
میرا درد کیسے وہ جانتا، میری بات کیسے وہ مانتا
وہ تو خود فنا کے سفر پہ تھا، اسے روکنا بھی محال تھا
کہاں جاؤ گے مجھے چھوڑ کر، میں یہ پوچھ پوچھ کے تھک گیا
وہ جواب مجھ کو نہ دے سکا، وہ تو خود سراپا سوال تھا

چہرے پہ اپنا دست کرم پھیرتی ہوئی

چہرے پہ اپنا دستِ کرم پھیرتی ہوئی
ماں رو پڑی ہے سَر کو مِرے چومتی ہوئی
اب کتنے دن رہو گے مِرے پاس تم یہاں
تھکتی نہیں ہے مجھ سے یہی پوچھتی ہوئی
رہتی ہے جاگتی وہ مِری نیند کے لیے
بچوں کو مجھ سے دور پرے روکتی ہوئی