ان کے در پر گئے گرد راہ سفر جسم پر رکھ کے ہم

 عارفانہ کلام حمد نعت منقبت

اُنؐ کے دَر پر گئے گردِ راہِ سفر جسم پر رکھ کے ہم

اور پھر یہ ہُوا، پہروں روتے رہے در پہ سر رکھ کے ہم

راستوں کی ہوا رہنما بن گئی، سارباں بن گئی

جب چراغ ان کی چاہت کا لےکر چلے ہاتھ پر رکھ کے ہم

جِس کی تقدیر میں فرق کوئی نہیں، شام کوئی نہیں

نُور کے شہر سے لائے ہیں، آنکھ میں وہ سحر رکھ کے ہم

دل میں ٹیسیں جاگ اٹھتی ہیں پہلو بدلتے وقت بہت

 دل میں ٹیسیں جاگ اٹھتی ہیں پہلو بدلتے وقت بہت

اپنا زمانہ یاد آتا ہے، سورج ڈھلتے وقت بہت

وہ پرچم وہ سر کے طُرے اور وہ سفینے اپنے تھے

جن کو دیکھ کے شعلے بھی روئے تھے جلتے وقت بہت

ان شیشوں کے ریزوں کا مرہم ہے اپنے زخموں پر

لمحہ لمحہ جو ٹوٹے تلواریں چلتے وقت بہت

دیکھو اس نے قدم قدم پر ساتھ دیا بیگانے کا

 دیکھو اس نے قدم قدم پر ساتھ دیا بے گانے کا

اختر جس نے عہد کیا تھا تم سے ساتھ نبھانے کا

آج ہمارے قدموں میں ہے کاہکشاں شہر مہتاب

کل تک لوگ کہا کرتے تھے خواب اسے دیوانے کا

تیرے لب و رخسار کے قصے تیرے قد و گیسو کی بات

ساماں ہم بھی رکھتے ہیں تنہائی میں دل بہلانے کا

رونق ہی نہیں اس کی ہم روح و رواں بھی ہیں

 رونق ہی نہیں اس کی ہم روح و رواں بھی ہیں

لیکن ہمیں دنیا کی خاطر پہ گِراں بھی ہیں

اک تیرے ہی کوچے پر موقوف نہیں ہے کچھ

ہر گام ہیں تعزیریں، ہم لوگ جہاں بھی ہیں

گُل چیں کو نہیں شاید اس راز سے آگاہی

شبنم میں نہائے گل شعلوں کی زباں بھی ہیں

سوئے مقتل کوئی دم ساتھ چلے

 سُوئے مقتل کوئی دم ساتھ چلے

جس کو رکھنا ہو بھرم، ساتھ چلے

اسی حسرت میں کٹی راہِ حیات

کوئی دو چار قدم ساتھ چلے

خار زاروں میں جہاں کوئی نہ تھا

بن کے ہمدم تِرے غم ساتھ چلے

اب درد کا سورج کبھی ڈھلتا ہی نہیں ہے

 اب درد کا سورج کبھی ڈھلتا ہی نہیں ہے

اب دل کوئی پہلو ہو سنبھلتا ہی نہیں ہے

بے چین کئے رہتی ہے جس کی طلب دید

اب بام پہ وہ چاند نکلتا ہی نہیں ہے

اک عمر سے دنیا کا ہے بس ایک ہی عالم

یہ کیا کہ فلک رنگ بدلتا ہی نہیں ہے

دل کے ہر زخم کو پلکوں پہ سجایا تو گیا

 دل کے ہر زخم کو پلکوں پہ سجایا تو گیا

آپ کے نام پہ اک جشن منایا تو گیا

مئے کُہنہ نہ سہی، خونِ تمنا ہی سہی

ایک پیمانہ مِرے سامنے لایا تو گیا

خیر اپنا نہیں باغی ہی سمجھ کر ہم کو

تیری محفل میں کسی طور بلایا تو گیا