اگر اپنی زبان سے جاؤں

اگر اپنی زبان سے جاؤں

جان بہتر ہے جان سے جاؤں

یہ مکاں بھی تو لامکاں سا ہے

کدھر اب اس مکاں سے جاؤں

آسمان و زمیں کا فاصل ہوں

گر نکل درمیان سے جاؤں

بچانے کے لیے لفظوں کی حرمت جیتے مرتے تھے

 بچانے کے لیے لفظوں کی حرمت جیتے مرتے تھے

سنا ہے سادہ ان پڑھ لوگ جو کہتے تھے کرتے تھے

عجب دن تھے کسی کو مبتلائے درد پاتے تو

ہمیں بھی درد ہوتا اور ہم بھی آہ بھرتے تھے

بساطِ سوگ پر گھمسان سا رہتا تھا یادوں میں

کھڑی فصلیں، کچلتے روندتے، لشکر گزرتے تھے

تھا دل کو ذوق زخم شماری نہیں رہا

 تھا دل کو ذوقِ زخم شماری نہیں رہا

اہلِ نظر کا فیض تھا، جاری، نہیں رہا

مارے جو تم نے پھول، لگے صبر آزما

اب کوئی وار دوستو! کاری نہیں رہا

بہرِ وِداع آ گئے احبابِ جاں سپار

جاں دادگی کا مرحلہ بھاری نہیں رہا

ہوا تنکے اٹھائے پھر رہی ہے آشیاں کے

 اکھڑتی سانس کی الجھن

ہوا تنکے اٹھائے پھر رہی ہے آشیاں کے

بہت محفوظ تھا یہ

پیڑ تھا جب تک سلامت

گھنی شاخوں میں اس کی

آندھیوں کو

وار کرنے کی نہ تھی طاقت

مایۂ افتخار

 مایۂ افتخار

سلیماں جانے کب آیا یہاں

لیکن ہے پابوسی کے باعث سر کشیدہ

‘‘آج بھی ’’تخت سلیماں

یہیں شاید کیا تھا

مور بے مایہ نے اک طنزِ ملیح

افلاک میں اڑتے ہوئے اُس نے مگر

جب بھی کشتی کے مقابل بھنور آتا ہے کوئی

جب بھی کشتی کے مقابل بھنور آتا ہے کوئی

جگمگاتا سرِ ساحل نظر آتا ہے کوئی

بے رخی اس کی دِلاتی ہے جہاں کا احساس

لیے دنیا کی خبر، بے خبر آتا ہے کوئی

شدتِ یاس میں چپکے سے اجالوں کی طرح

میرے تاریک خیالوں میں در آتا ہے کوئی

دل سے ہارا زمانے سے بھی رہ گیا

دل سے ہارا زمانے سے بھی رہ گیا

وہ کہیں جانے سے سے بھی رہ گیا

کر نہ پایا سفر دور کے چاند تک

اور پرندہ ٹھکانے سے بھی رہ گیا

خواب تھا دوسروں کا سہارا بنوں

بوجھ اپنا اٹھانے سے بھی رہ گیا

سویا ہوا نصیب جگانے لگا تھا میں

مسمار ہوں کہ خود کو اٹھانے لگا تھا میں

مٹی سے "آسمان" بنانے لگا تھا میں

بے اختیار آنکھوں سے آنسو نکل پڑے

تصویر سے "غبار" ہٹانے لگا تھا میں

آواز دے کے روک لیا اس نے جس گھڑی

مایوس ہو کے لوٹ کے جانے لگا تھا میں

اے دربدری لوٹ کے گھر آنے لگا ہوں

تھا بامِ فلک، خاک بسر آنے لگا ہوں

جس سمت اشارہ تھا ادھر آنے لگا ہوں

جب تک تری آنکھوں میں نہیں تھا تو نہیں تھا

اب دیکھنے والوں کو نظر آنے لگا ہوں

مت کاٹنا رستہ مِرا بن کر خط امکاں

اے دربدری لوٹ کے گھر آنے لگا ہوں

دے رہا ہے دستکیں در پر کوئی

دے رہا ہے دستکیں در پر کوئی

کہہ رہا ہوں میں نہیں گھر پر کوئی

مطمئن ہوں یوں کہ حافظ ہے خدا

ہے کھڑا خنجر بہ کف سر پر کوئی

خود کشی ہے جرم لیکن انحصار

کیا کرے اب ٭لاؤ لشکر پر کوئی

رہ گئے انجم دھرے مہتاب رکھا رہ گیا

رہ گئے انجم دھرے مہتاب رکھا رہ گیا

رات کی دہلیز پر ہر خواب رکھا رہ گیا

اڑ گئے سہمے پرندے آب و دانہ چھوڑ کر

ہجرتیں واجب ہوئیں، اسباب رکھا رہ گیا

ملتوی کر دی اچانک اس نے تقریبِ وِصال

اور دل سا تحفۂ نایاب رکھا رہ گیا

بینائی کو پلکوں سے ہٹانے کی پڑی ہے

بینائی کو پلکوں سے ہٹانے کی پڑی ہے

شہ کار پہ جو گرد زمانے کی پڑی ہے

آساں ہوا سچ کہنا تو بولے گا مؤرخ

فی الحال اسے جان بچانے کی پڑی ہے

چھوٹا سا پرندہ مگر سعی تو دیکھو

جنگل سے بڑی آگ بجھانے کی پڑی ہے

اشک سیلاب سہی ٹیس یہ جانے کی نہیں

اشک سیلاب سہی ٹیس یہ جانے کی نہیں

داغ دھلنے کے نہیں، یاد مٹانے کی نہیں

اب ندامت نے وہ گھیرا ہے کہ اک لمحے کو

بے حسی جشنِ غمِ ذات منانے کی نہیں 

کیمرے تھے جو دکھاتے رہے چھلنی منظر

عام آنکھوں سے قیامت نظر آنے کی نہیں

کوئی چراغ جب انکار شام بھی نہ کرے

عارفانہ کلام منقبت سلام مرثیہ بر امام عالی مقام

کوئی چراغ جب انکارِ شام بھی نہ کرے

کرے گا کون، اگر یہ امام بھی نہ کرے

مِری کسی سے نہیں دشمنی مگر جو شخص 

نہیں حسین کا، مجھ سے کلام بھی نہ کرے

گِراں گزرتی ہے جس دل پہ یادگارِ حسین 

حضورِ حق میں سجود و قیام بھی نہ کرے

ترا کلام سمجھ کر سلام کرتا ہوں

نعتِ رسولِ مقبولﷺ

تِرا کلام سمجھ کر سلام کرتا ہوں

میں روشنی کا بہت احترام کرتا ہوں

مجھے شعور نہیں نعت کیسے ہوتی ہے

قلم کے ساتھ سجود و قیام کرتا ہوں

میں دان کرتا ہوں گھر گھر جو دُر عقیدت کے

خدا کی خاص عنایت کو عام کرتا ہوں