مِری وفاؤں کا تجھ کو اگر یقیں ہوتا
ضرور دل سے مِرے آج تُو قریں ہوتا
اثر جو آہ میں ہوتا تو کیا نہیں ہوتا
جمال و حُسن کا مظہر دلِ حزیں ہوتا
شعور ہوتا جو تجھ کو مِری محبت کا
تو زندگی کا ہر اک لمحہ دلنشین ہوتا
تمہارے ہِجر کی نیرنگیوں سے یہ جانا
اگر وصال بھی ہوتا تو جاں گزیں ہوتا
قدم قدم پہ مسرّت کے پھُول کِھلتے ہیں
غمِ زمانہ اے نسریں! تجھے نہیں ہوتا
صبیحہ نسرین
No comments:
Post a Comment