ہماری پلکوں سے چند قطرے جو اشک بن کر ڈھلک پڑیں گے

ہماری پلکوں سے چند قطرے جو اشک بن کر ڈھلک پڑیں گے

یہ اجڑے گلشن میں پھول سارے ہمیں یقیں ہے مہک پڑیں گے

یہ چاند مکھرا، نشیلی آنکھیں، مثال ریشم گھنیری زلفیں

بچارے رندوں کی خیر یارب جو دیکھیں زاہد بہک پڑیں گے

خزاں رتوں میں بہار بن کر اے جان جاناں جو تم ملو گے

ہماری آنکھوں میں بجھتے تارے مثال جگنو چمک پڑیں گے

تم ہو انجم ہے کہ اک انجمن آرائی ہے

 تم ہو، انجم ہے کہ اک انجمن آرائی ہے

ہم ہیں، اک دشت ہے اور گوشۂ تنہائی ہے

تم خفا، گُل بھی خفا، اہلِ گُلستاں بھی خفا

ہم نے پُھولوں سے محبت کی سزا پائی ہے

اب تجھے میری جفاؤں پہ ہے شکوہ کیوں کر

میں نہیں اہلِ وفا، تُو بھی تو ہرجائی ہے

سنتے ہیں وفا کے رستے میں ہم تم کبھی منزل پا نہ سکے

 سنتے ہیں وفا کے رستے میں ہم تم کبھی منزل پا نہ سکے

اک ڈور جو پہلے اُلجھی تھی، ہم آج تلک سُلجھا نہ سکے

جب فصل بہاراں آئی تھی کچھ خواب بُنے تھے دونوں نے

ہم عہدِ وفا پر قائم ہیں،۔ ہاں آپ کرم فرما نہ سکے

یہ لالہ و گُل رنگین قبا میرے ہی لہو سے آج بھی ہیں

وہ آنکھ ہمیں دِکھلاتے ہیں جو آنسو بھی چھلکا نہ سکے

اے جان وفا اب تو ہی بتا

 اے جان وفا اب تُو ہی بتا

یاد تمہاری جب آئی دل میں آیا گیت لکھوں

ساون کے سنہرے موسم میں تیری اک تصویر لکھوں

زلفین تمہاری شام لکھوں، باتوں کو سنگیت لکھوں

کچھ اور بتا اے جانِ وفا میں تجھ کو کیا کیا چیز لکھوں

صبح بنارس تیرا چہرہ، زُلفیں اودھ کی شام لکھوں

گالوں کو شفق آنکھوں میں چمک، ہونٹوں کو شرابی جام لکھوں

میں خود کو ڈھونڈتا ہوں نہ جانے کہاں کہاں

 میں خود کو ڈھونڈتا ہوں نہ جانے کہاں کہاں

بچھڑا ہوں جس چمن سے میں وہ گلستاں کہاں 

منزل کی جستجو مجھے لے آئی کس جگہ

 جس کارواں کی گرد ہوں وہ کارواں کہاں 

اب خاک بھی نہیں کہ اڑایا کریں جسے

وہ شاخِ گل، وہ گلستاں، وہ آشیاں کہاں