کسی سے اور تو کیا گفتگو کریں دل کی

 کسی سے اور تو کیا گفتگو کریں دل کی 

کہ رات سن نہ سکے ہم بھی دھڑکنیں دل کی 

مگر یہ بات خرد کی سمجھ میں آ نہ سکی 

وصال و ہجر سے آگے ہیں منزلیں دل کی 

جلو میں خواب نما رت جگے سجائے ہوئے 

کہاں کہاں لیے پھرتی ہیں وحشتیں دل کی 

ہوا کچھ ایسی چلی تھی بکھر گئے ہوتے

ہوا کچھ ایسی چلی تھی، بکھر گئے ہوتے

رگوں میں خوں جو ہوتا تو مر گئے ہوتے

یہ سرد رات، یہ آوارگی، یہ نیند کا بوجھ

ہم اپنے شہر میں ہوتے تو گھر گئے ہوتے

نئے شعور کو جن کا شکار ہونا ہے

وہ حادثے بھی ہمیں پر گزر گئے ہوتے

ہائے اک شخص جسے ہم نے بھلایا بھی نہیں

ہائے اک شخص جسے ہم نے بھلایا بھی نہیں 

یاد آنے کی طرح یاد وہ آیا بھی نہیں 

جانے کس موڑ پہ لے آئی ہمیں تیری طلب 

سر پہ سورج بھی نہیں راہ میں سایا بھی نہیں 

وجہ رسوائی احساس ہوا ہے کیا کیا 

ہائے وہ لفظ جو لب تک مِرے آیا بھی نہیں 

اک ایسا مرحلۂ رہ گزر بھی آتا ہے

اک ایسا مرحلۂ رہگزر بھی آتا ہے

کوئی فصیلِ انا سے اتر بھی آتا ہے

تِری تلاش میں جانے کہاں بھٹک جاؤں

سفر میں دشت بھی آتا ہے گھر بھی آتا ہے

تلاش سائے کی لائی جو دشت سے تو کھلا

عذاب صورتِ دیوار و در بھی آتا ہے

ذہن و دل میں کچھ نہ کچھ رشتہ بھی تھا

ذہن و دل میں کچھ نہ کچھ رشتہ بھی تھا

اے محبت! میں کبھی یکجا بھی تھا

مجھ میں اک موسم کبھی ایسا نہ تھا

ایسا موسم جس میں تُو مہکا بھی تھا

کج کلاہوں پر کہاں ممکن ستم

ہاں مگر اس نے مجھے چاہا بھی تھا

ان کی مدحت کو قلم تحریر کر سکتا نہیں

نعتِ رسول مقبولﷺ

ان کی مدحت کو قلم تحریر کر سکتا نہیں

حرفِ موجِ نور کو زنجیر کر سکتا نہیں

جس کا مسلک پیرویٔ اسوۂ سرکارؐ ہے

کوئی اس انسان کو تسخیر کر سکتا نہیں

ذہن و دل کا مرکز و محور نہ ہو جب تک وہ ذات 

کوئی اپنی ذات کی تعمیر کر سکتا نہیں

وہ خواب ہی سہی پیش نظر تو اب بھی ہے

وہ خواب ہی سہی پیشِ نظر تو اب بھی ہے

بچھڑنے والا شریکِ سفر تو اب بھی ہے

زباں بریدہ سہی، میں خزاں گزیدہ سہی 

ہرا بھرا مرا زخمِ ہنر تو اب بھی ہے

لاکھ کڑے وقت نے دیوار ہجر اٹھا دی مگر 

خیال یار میرا ہمسفر تو اب بھی ہے

جانے یہ کیسا زہر دلوں میں اتر گیا

جانے یہ کیسا زہر دلوں میں اتر گیا

پرچھائیں زندہ رہ گئی، انسان مر گیا

بربادیاں تو میرا مقدر ہی تھیں مگر

چہروں سے دوستی ملمع اتر گیا 

اے دوپہر کی دھوپ! بتا کیا جواب دوں

دیوار پوچھتی ہے کہ سایا کدھر گیا؟

اے دل خود ناشناس ایسا بھی کیا

اے دلِ خود ناشناس ایسا بھی کیا

آئینہ،۔ اور اس قدر تنہا بھی کیا

اس کو دیکھا بھی، مگر دیکھا بھی کیا 

عرصۂ خواہش میں اک لمحہ بھی کیا

درد کا رشتہ بھی ہے تجھ سے بہت 

اور پھر یہ درد کا رشتہ بھی کیا 

کب تلک پیاس کے صحرا میں جھلستے جائیں

کب تلک پیاس کے صحرا میں جُھلستے جائیں
اب یہ بادل جو اٹھے ہیں تو برستے جائیں
کون بتلائے تُمہیں کیسے وہ موسم ہیں کہ جو
مجھ سے ہی دور رہیں، مجھ میں ہی بستے جائیں
ہائے کیا لوگ یہ آباد ہوئے ہیں مجھ میں
پیار کے لفظ لکھیں، لہجے سے ڈستے جائیں

اپنی فضا سے اپنے زمانوں سے کٹ گیا

اپنی فضا سے اپنے زمانوں سے کٹ گیا
پتھر خدا بنا،۔ تو چٹانوں سے کٹ گیا
پھینکا تھکن نے جال تو کیونکر کٹے گی رات
دن تو بلندیوں میں اڑانوں سے کٹ گیا
وہ سر کہ جس میں عشق کا سودا تھا کل تلک
اب سوچتا ہوں کیا مِرے شانوں سے کٹ گیا

سنگ جب آئینہ دکھاتا ہے

سنگ جب آئینہ دکھاتا ہے
تیشہ کیا کیا نظر چراتا ہے
سلسلہ پیاس کا بتاتا ہے
پیاس دریا کہاں بجھاتا ہے
ریگزاروں میں جیسے تپتی دھوپ
یوں بھی اس کا خیال آتا ہے

مقتل جاں سے کہ زنداں سے کہ گھر سے نکلے

مقتلِ جاں سے کہ زنداں سے کہ گھر سے نکلے

ہم تو خوشبو کی طرح نکلے، جدھر سے نکلے

مقتل جاں سے کہ زنداں سے کہ گھر سے نکلے

ہم تو خوشبو کی طرح نکلے جدھر سے نکلے

گر قیامت یہ نہیں ہے تو قیامت کیا ہے

شہر جلتا رہا اور لوگ نہ گھر سے نکلے