خلوص و خیر کے جتنے بھی استعارے ہیں

 عارفانہ کلام حمد نعت منقبت

خلوص و خیر کے جتنے بھی استعارے ہیں

وہ سب خدا نے تمہارے لیے اتارے ہیں

وہ چند روز مِری زندگی کا حاصل ہیں

وہ چند روز مدینے میں جو گُزارے ہیں

یہ معجزے، یہ عجائب، یہ کائنات کے بھید

جو اہلِ عقل ہیں ان کے لیے اشارے ہیں

کتنے اخبار فروشوں کو صحافی لکھا

 کتنے اخبار فروشوں کو صحافی لکھا

نا مکمل کو بھی خادم نے اضافی لکھا

تُو نے بُھولے سے نہ سمجھی مِرے جذبے کی کسک

میں نے برسوں تِری آنکھوں کو غلافی لکھا

ہاتھ اٹھا سکتے تھے میرے بھی بغاوت کا علم

میں نے ہر ظلم کے خانے میں معافی لکھا

اب نہ موسم نہ موسموں کے اصول

 اب نہ موسم، نہ موسموں کے اصول

اڑ رہی ہے بھری بہار میں دھول

اب ملیں تو کہاں ملیں اس سے

یار! پھر بند ہو گیا اسکول

میں بہت سے گھروں میں دیکھتا ہوں

نیم کی شاخ پر گلاب کا پھول

عدو کی چھوڑیے دلدار کی نہیں سنتا

 عدو کی چھوڑیے دلدار کی نہیں سنتا

دل اپنے یارِ طرحدار کی نہ سنتا

کسی طرح نہیں رکھتا ہماری نبض پہ ہاتھ

عجب طبیب ہے بیمار کی نہیں سنتا

ہر ایک شاخ پہ کھلتے نہیں ہیں درد کے پھول

خدا ہر ایک عزادار کی نہیں سنتا

کئی دنوں سے مجھے بھی نفی کیا ہوا ہے

 کئی دنوں سے مجھے بھی نفی کیا ہوا ہے

تِرے خیال نے اتنا دکھی کیا ہوا ہے

وہ ایک پل تو تجھے یاد بھی نہیں ہو گا

وہ ایک پل جسے ہم نے صدی کیا ہوا ہے

تِری طرح مِرے اندر بھی دھول اڑ رہی ہے

مِرا لباس ذرا استری کیا ہوا ہے

دنیا سنوارنی ہے کہ عقبیٰ نہیں پتا

 دنیا سنوارنی ہے کہ عقبیٰ، نہیں پتا

عالم کو جاہلوں سے زیادہ نہیں پتا

اس بار بے حسی کا سماں دیکھنے کا ہے

اس بار تو کسی کو کسی کا نہیں پتا

ہم تو تمہارے نام پہ دے دیں گے جان بھی

کیا ہے تمہارے دل میں، تمہارا نہیں پتا

بستی چھوڑ کے جانے والے اچھے لگتے ہیں

 بستی چھوڑ کے جانے والے اچھے لگتے ہیں

کچھ لوگوں کو کُنڈی تالے اچھے لگتے ہیں

عام روش سے ہٹ کر چلنے والے زندہ باد

اُلٹے ہاتھ سے لکھنے والے اچھے لگتے ہیں

کبھی کبھی خاموشی اپنا رنگ جماتی ہے

کبھی کبھی ہونٹوں پر تالے اچھے لگتے ہیں

جھوٹ سچائی کا حصہ ہو گیا

 جھوٹ سچائی کا حصہ ہو گیا 

اک طرح سے یہ بھی اچھا ہو گیا 

اس نے اک جادو بھری تقریر کی 

قوم کا نقصان پورا ہو گیا 

شہر میں دو چار کمبل بانٹ کر 

وہ سمجھتا ہے مسیحا ہو گیا

سفر سے لوٹ جانا چاہتا ہے

 سفر سے لوٹ جانا چاہتا ہے

پرندہ آشیانہ چاہتا ہے🕊

کوئی سکول کی گھنٹی بجا دے

یہ بچہ مسکرانا چاہتا ہے

یہاں سانسوں کے لالے پڑ رہے ہیں

وہ پاگل زہر کھانا چاہتا ہے

چاہت کی لو کو مدھم کر دیتا ہے

چاہت کی لَو کو مدھم کر دیتا ہے 

ڈر جاتا ہے، ملنا کم کر دیتا ہے 

جلدی اچھے ہو جانے کا جذبہ بھی 

زخموں کو وقفِ مرہم کر دیتا ہے 

موت تو پھر بھی اپنے وقت پہ آتی ہے 

موت کا آدھا کام تو "غم" کر دیتا ہے 

رشتوں کی دلدل سے کیسے نکلیں گے

رشتوں کی دلدل سے کیسے نکلیں گے

ہر سازش کے پیچھے اپنے نکلیں گے

چاند ستارے گود میں آ کر بیٹھ گئے

سوچا یہ تھا، پہلی بس سے نکلیں گے

سب امیدوں کے پیچھے مایوسی ہے

توڑو، یہ بادام بھی کڑوے نکلیں گے

یہی تو ہے جو خیالوں سے جا نہیں رہا ہے

یہی تو ہے جو خیالوں سے جا نہیں رہا ہے

یہ آدمی جو مِرا فون اٹھا نہیں رہا ہے

ہمارے بیچ کوئی باوفا نہیں رہا ہے

یہ بات کوئی کسی کو بتا نہیں رہا ہے

کسی کا ساتھ میاں جی سدا نہیں رہا ہے

مگر دلوں کو ابھی صبر آ نہیں رہا ہے

نہ کوئی خواب کمایا نہ آنکھ خالی ہوئی

نہ کوئی خواب کمایا نہ آنکھ خالی ہوئی

تمہارے ساتھ ہماری بھی رات کالی ہوئی

خدا کا شکر ادا کر، وہ بے وفا نکلا

خوشی منا کہ تِری جان کی بحالی ہوئی

ذرا سے خواب بنے تھے کہ سانس پھول گئی

قدم دکاں پہ رکھا تھا کہ جیب خالی ہوئی

کوئی بھی دار سے زندہ نہیں اترتا ہے

کوئی بھی دار سے زندہ نہیں اترتا ہے

مگر جنون ہمارا نہیں اترتا ہے

تباہ کر دیا احباب کو سیاست نے

مگر مکان سے جھنڈا نہیں اترتا ہے

میں اپنے دل کے اجڑنے کی بات کس سے کہوں

کوئی مزاج پہ پورا نہیں اترتا ہے

جھیل بھی کھو گئی شکارا بھی

جھیل بھی کھو گئی، شکارا بھی

ورنہ، اک خواب تھا ہمارا بھی

میں تمہیں کیسے بھول سکتا ہوں

مجھ پہ کچھ قرض ہے تمہارا بھی

تیرے آنسو بھی سوکھ جائیں گے

زخم بھر جائے گا ہمارا بھی

وفاداروں پہ آفت آ رہی ہے

وفاداروں پہ آفت آ رہی ہے

میاں لے لو جو قیمت آ رہی ہے

میں اس سے اتنے وعدے کر چکا ہوں

مجھے اس بار غیرت آ رہی ہے

نہ جانے مجھ میں کیا دیکھا ہے اس نے

مجھے اس پر محبت آ رہی ہے

فراز عشق تیری انتہا نہیں ہوئے ہم

فرازِ عشق! تیری انتہا نہیں ہوئے ہم

کسی پہ قرض تھے لیکن ادا نہیں ہوئے ہم

تیری گلی کے سوا اور کیا "ٹھکانا" ہے؟

یہیں ملیں گے، اگر لاپتہ نہیں ہوئے ہم

تمہارے بعد بڑا "فرق" آ گیا ہم میں

تمہارے بعد کسی پر خفا نہیں ہوئے ہم

سب کے ہوتے ہوئے لگتا ہے کہ گھر خالی ہے

سب کے ہوتے ہوئے لگتا ہے کہ گھر خالی ہے

یہ تکلف ہے کہ جذبات کی پامالی ہے

آسمانوں سے اترنے کا ارادہ ہو تو سن 

شاخ پر ایک پرندے کی جگہ خالی ہے 

جس کی آنکھوں میں شرارت تھی وہ محبوبہ تھی
یہ جو مجبور سی عورت ہے یہ گھر والی ہے

لوگ کہتے ہیں کہ اس کھیل میں سر جاتے ہیں

لوگ کہتے ہیں کہ اس کھیل میں سر جاتے ہیں
عشق میں اتنا "خسارہ" ہے تو "گھر" جاتے ہیں
موت کو ہم نے کبھی کچھ نہیں سمجھا، مگر آج
اپنے بچوں کی طرف دیکھ کے ڈر جاتے ہیں
زندگی "ایسے" بھی "حالات" بنا دیتی ہے
لوگ سانسوں کا کفن اوڑھ کے مر جاتے ہیں