بہت دنوں کے بعد جو دیکھا اتنا سکوں اور اتنی خوشی

برہا کا گیت​

بہت دنوں کے بعد جو دیکھا اتنا سکوں اور اتنی خوشی​

دکھ اور درد کی کیا اوقات میں آنکھ جھپکنا بھول گئی​

سوچا تھا وہ آئے گا تو لگ کے گلے میں روؤں گی​

سکتا ہو گیا مجھ پہ طاری میں تو بلکنا بھول گئی​

جیسے چھوٹے بچے اپنی ماں کے لئے رو پڑتے ہیں​

ہائے وصل کی بے تابی میں تو رو پڑنا بھول گئی

سچا دکھائی دے کبھی جھوٹا دکھائی دے

 سچا دکھائی دے کبھی جھوٹا دکھائی دے

ہنستا دکھائی دے کبھی روتا دکھائی دے

مجھ کو تو اس کا روپ روپہلا دکھائی دے

امید ہے کہ پھر وہ دوبارہ دکھائی دے

ہونٹوں سے اس کے پھول جھڑیں بات جب کرے

اور گال اس کا روئی کا گالا دکھائی دے

درد بھی دکھتا ہے خوشبو بھی نظر آتی ہے

 درد بھی دِکھتا ہے، خوشبو بھی نظر آتی ہے

دل میں ہو جذبہ تو یہ مٹی بھی نغماتی ہے

مسکراتا ہے ہر اک غنچہ و گل، ہوں جو خفا

ہولے ہولے سے صبا بھی مجھے بہلاتی ہے

یاد رہتا نہیں غم ہائے غریب الوطنی

کُونج جب اُڑتے ہوئے زور سے کُرلاتی ہے

کرتے رہے خطا پہ خطا بار بار ہم

 کرتے رہے خطا پہ خطا بار بار ہم

الفت میں میں ہو گئے ہیں جنوں آشکار ہم

کُھلنے لگے ریاضِ محبت کے ہم پہ در

روئے تھے آج رات فقط زار زار ہم

نو عمر اتنے جیسے کوئی ادھ کِھلا گلاب

دھول اتنی تجربات کی جیسے غبار ہم

شہر کو گھیر لے تاریکی سر شام اب کے

 شہر کو گھیر لے تاریکی سرِ شام اب کے

شہر کا نام تو بس رہ گیا ہے نام اب کے

اپنے ہی گھر میں سکوں ملنا ہے دشوار بہت

جنگلوں میں ہی چلو کرنے کو آرام اب کے

میں نے جنگل جو کہا شہر کو، جگنو بولا

تھا فقط میرا ہی گھر، کرنے کو بدنام اب کے

تنہا تنہا اتنے تھے دونوں کہ تنہائی نہ پوچھ

 تنہا تنہا اتنے تھے دونوں کہ تنہائی نہ پوچھ

کون تھا اس سارے افسانے میں ہرجائی نہ پوچھ

دل ہمارا ہے سمندر، اس کی گہرائی نہ پوچھ

اور اس گہرائی میں کتنی ہے تنہائی نہ پوچھ

ہم نے چاہا تھا تمہیں کہ چاہتے تھے ہم تمہیں

اتنی سی ہی تو خطا تھی، اتنی رسوائی، نہ پوچھ