مہربان گاؤں کے لوگ اور گھر سارے

 کم نصیبی

مہربان گاؤں کے

لوگ اور گھر سارے

جھیل، راستے، جھرنے

سائباں شجر سارے

منتظر ہی رہتے ہیں

سفر لگتا ہے سارا رائیگاں ہے

سفر لگتا ہے سارا رائیگاں ہے

 ہوائیں بھی مخالف تھیں ہماری

شکستہ تھے ہمارے بادباں بھی

مگر اک عزم تھا جوشِ جنوں تھا

سو ہم طُوفاں سے لڑ کر پار اُترے

سبھی کچھ ہار کر بھی شاد تھے ہم

یقیں تھا ہم کو، منزل مِل گئی ہے

جہان ابد وحشت دل فقط ایک لمحہ ٹھہر

  جہانِ ابد

وحشتِ دل! فقط ایک لمحہ ٹھہر

میں ٹٹولوں ذرا دل کی زنبیل کو

اس میں رکھے تھے میں نے گئے دن کہیں

قُرب کے، سرخُوشی، شادمانی کے دن

وہ جوانی کے دن

کچھ تمنّائیں، کچھ حسرتیں، خواب بھی

کیا کبھی بھی یہاں نہ ہو گی سحر

 درد بے درماں

اپنے خوابوں کی راکھ پر بیٹھے

عمر ہی رائیگاں گُزرنے پر

اک تہی دست ہجومِ دل زدگاں

سوچتا ہے مآل رنجِ سفر

مالکِ دو جہاں! شہِ شاہاں

کب تلک تیرگی رہے گی یہاں؟

خواب کے اے نگر ہم کہاں آ گئے

ہم کہاں آ گئے

جبر کے مستقل سلسلے، اور ہم

آندھیوں کے مقابل دِیے، اور ہم

اک سفر خواب کے اک نگر کی طرف

اور بڑھتے ہوئے فاصلے، اور ہم

اے دلِ بے خبر، ہم کہاں آ گئے؟

اے مِرے ہمسفر، ہم کہاں آ گئے؟