زندگی کی تلخیاں سب راحتِ جاں ہو گئیں

 زندگی کی تلخیاں سب راحتِ جاں ہو گئیں

'مشکلیں اتنی پڑیں مجھ پر کہ آساں ہو گئیں'

کشتیٔ عمرِ رواں کو دیکھ کر اس میں مِری

سخت جانی سے مِری موجیں پریشاں ہو گئیں

آج کورونا وائرس سے ہیں سبھی وحشت زدہ

اس کے آگے سب وبائیں طاقِ نسیاں ہو گئیں

کربلا کے جاں نثاروں کو سلام

 عارفانہ کلام منقبت سلام مرثیہ بحضور امام حسینؑ

کربلا کے جاں نثاروں کو سلام

بھوکے پیاسے غم کے ماروں کو سلام

سرخرو ہیں اپنی قربانی سے جو

دین حق کے پاسداروں کو سلام

ہو گئے جو حرمتِ دیں پر نثار

ان بہادر دینداروں کو سلام

وہ جلوہ گاہ ناز میں جس وقت آ گئے

 وہ جلوہ گاہ ناز میں جس وقت آ گئے

ناز و ادا سے ہوش سبھی کے اڑا گئے

دل میں وہ آ کے حسرت و ارماں جگا گئے

امید کے چراغ جلا کر بجھا گئے

اس طرح اپنا جلوۂ زیبا دکھا گئے

آ کر نگاہ شوق سے دل میں سما گئے

لوٹ کر جیسے دور شباب آ گیا

 لوٹ کر جیسے دورِ شباب آ گیا

آپ کیا آ گئے، انقلاب آ گیا

اس طرح دل کے ارمان پورے ہوئے

نامہ بر لے کے خط کا جواب آ گیا

دیکھنے کو ترستی تھیں آنکھیں جسے

سامنے وہ مِرے بے حجاب آ گیا

وجد آور تھا ترا جلوہ نما ہو جانا

 وجد آور تھا تِرا جلوہ نما ہو جانا

روح فرسا ہے مگر مل کے جُدا ہو جانا

غمزہ و ناز و ادا یاد ہے تیرا جس سے

دل کا میرے ہدفِ تیرِ قضا ہو جانا

یاد ہے اب بھی وہ شمعِ رخِ زیبا تیری

مثلِ پروانہ مِرا اس پہ فدا ہو جانا

ارمان اپنے مل گئے سارے غبار میں

 ارمان اپنے مِل گئے سارے غبار میں

’’دو گز زمیں بھی مِل نہ سکی کُوئے یار میں‘‘

آیا نہ وہ بھی پُرسشِ احوال کے لیے

کر دی متاعِ شوق فدا جس کے پیار میں

معلوم ہے نہ آئے گا وعدہ شکن، مگر

ہیں اب بھی اپنے دیدہ و دل انتطار میں

رات بھر خواب میں یوں انجمن آرائی کی

 رات بھر خواب میں یوں انجمن آرائی کی

اس کی تصویر تصور سے دلآرائی کی

جانے کب دے گا درِ دل پہ وہ آ کر دستک

اب تو حد ہو گئی مہجوری و تنہائی کی

جان لے لے نہ کہیں وعدۂ فردا اس کا

مجھ میں طاقت نہیں اب اور شکیبائی کی

جدت فکر و نظر حسن معانی مانگے

جدتِ فکر و نظر حسنِ معانی مانگے

شاعری خون، جگر سوز نہانی مانگے

دن کا شہزادہ ہے جو رات کی رانی مانگے

روز پُر کیف و حسیں شام سہانی مانگے

قصۂ وامق و عذرا سے نہیں اس کو غرض

بُوالہوس روز نئی ایک کہانی مانگے

جا رہے ہیں آپ تو پھر مسکراتے جائیے

 جا رہے ہیں آپ تو پھر مسکراتے جائیے

’’یاد کا سارا سر و ساماں جلاتے جائیے‘‘

خانۂ دل جس میں مہماں تھے وہ ڈھاتے جائیے

نقش ہیں جو لوحِ دل پر وہ مٹاتے جائیے

خونِ دل جتنا جلانا ہے جلاتے جائیے

جشنِ بربادی محبت کا مناتے جائیے