رنگ اردو دنیا بھر کے نامور کلاسیک اور نوجوان اردو شعراء کے شاہکار کلام پر مبنی بلاگ🌷Rung E Urdu a blog of worldsfamous poetry of past & present era
دُنیائے حُسن و عشق کے سب رنگ و بُو سفید تھے
اس مے کدے کے بام و در، جام و سبُو سفید تھے
ہم نے تو اپنے خُون سے لکھی وفا کی داستاں
ان کو سمجھ نہ آ سکی جن کے لہُو سفید تھے
آنکھیں جو محوِ خواب تھیں تیرے سیاہ پوش کی
شب تھی، کہ تیرے شہر کے سب کُوبُکو سفید تھے
میرے گھر کے بام و در بھی مجھ سے تیرا پُوچھتے ہیں
شہر کے شام و سحر بھی مجھ سے تیرا پوچھتے ہیں
کیا بتاؤں لوٹ آیا ہوں تِرے کوچے سے یوں
رکھے جو دل پر حجر بھی مجھ سے تیرا پوچھتے ہیں
تُو ہی کہہ دے کیا بتاؤں ان کو میں تیرا پتہ؟
جو نہیں تھے با خبر وہ بھی مجھ سے تیرا پوچھتے ہیں
محبتوں کا سفر کاش پھر دوبارہ ہو
ہو دل کے پاس کوئی اور غم کا چارہ ہو
کوئی تو ہو جو غم زندگی سمجھ پائے
کوئی تو ہو جو مِری زیست کا سہارا ہو
یہی دعا ہے کہ اللہ ہی صبر دے اس کو
کہ میری طرح کہیں جو بھی غم کا مارا ہو
نوجوانو! بات ہے جرأت کی، تم سوئے رہو
کیا ضرورت ہے تمہیں ہمت کی، تم سوئے رہو
دیکھ لو تم کس طرح اغیار کے ہاتھوں سے بس
لٹ رہی ہے آبرو ملت کی، تم سوئے رہو
واعظانِ قوم! بس محراب و منبر کے سوا
کچھ خبر تم کو نہیں اُمت کی، تم سوئے رہو
