اسی کا حکم جاری ہے زمینوں آسمانوں میں

 عارفانہ کلام حمد نعت منقبت

اسی کا حکم جاری ہے زمینوں آسمانوں میں

اور ان کے درمیان جو ہیں مکینوں اور مکانوں میں

ہوا چلتی ہے باغوں میں تو اس کی یاد آتی ہے

ستارے، چاند، سورج ہیں سبھی اس کے نشانوں میں

اسی کے دم سے طے ہوتی ہے منزل خوابِ ہستی کی

وہ نام اک حرفِ نورانی ہے ظلمت کے جہانوں میں

خواب جمال عشق کی تعبیر ہے حسین

 عارفانہ کلام حمد نعت منقبت سلام

خوابِ جمالِ عشق کی تعبیر ہے حُسینؑ

شامِ ملالِ عشق کی تصویر ہے حسینؑ

حیراں وہ بے یقینیِ اہلِ جہاں سے ہے

دنیا کی بے وفائی سے دلگیر ہے حسینؑ

یہ زیست ایک دشت ہے لا حد و بے کنار

اس دشتِ غم پہ ابر کی تاثیر ہے حسینؑ

منیر نیازی (شخصی و علمی تعارف و حالات زندگی)

 منیر نیازی

منیر نیازی (اصل نام منیر احمد خان) 9 اپریل 1923سن عیسوی کو متحدہ ہندوستان کے ضلع ہوشیار پور کے ایک نواحی گاؤں خانپور میں پیدا ہوئے۔ آپ ایک سال کے تھے جب آپ والد فتح محمد خان نیازی کا انتقال ہو گیا، والدہ کی دوسری شادی کے بعد کے خانگی مسائل کی وجہ سے ان کا بچپن نہایت نامساعد حالات میں گزرا۔ ابتدائی تعلیم سری نگر سے حاصل کی، میٹرک (منٹگمری) ساہیوال سے کیا،  دیال سنگھ کالج سے بی اے تک تعلیم حاصل کی۔ منیر نیازی نے 17 سال کی کچی عمر میں ایک خوبصورت بیوہ خاتون صغریٰ خانم کو اپنا رفیق زندگی بنایا، جو 1985 میں کینسر میں مبتلا ہو کر انتقال کر گئیں۔ پہلی اہلیہ کے انتقال کے بعد منیر نیازی کی تنہائی کو دیکھتے ہوئے بانو قدسیہ اور اشفاق احمد نے ان کی دوسری شادی رامپور، یو پی سے مہاجرت کر کے کراچی آ کر بس جانے والے خاندان کی ناہید بیگم سے کروا دی۔ دوسری شادی کے بعد بے چین منیر نیازی کی زندگی میں بڑی حد تک ٹھہراؤ آ گیا۔ منیر نیازی 26 دسمبر 2006 سن عیسوی کو انتقال کر گئے اور لاہور ماڈل ٹاؤن میں مدفون ہوئے۔ 

اپنی ہی تیغ ادا سے آپ گھائل ہو گیا

 آج منیر نیازی جی کا یوم وفات ہے

اپنی ہی تیغِ ادا سے آپ گھائل ہو گیا

چاند نے پانی میں دیکھا اور پاگل ہو گیا

وہ ہوا تھی شام ہی سے رستے خالی ہو گئے

وہ گھٹا برسی کے سارا شہر جل تھل ہو گیا

میں اکیلا اور سفر کی شام رنگوں میں‌ ڈھلی

پھر یہ منظر میری آنکھوں سے بھی اوجھل ہو گیا

میری دعائیں پیچیدہ بہت ہیں

 مختصر نظم

میری دعائیں پیچیدہ بہت ہیں

شام کا وقت ہے

دعاؤں کی منظوری کا وقت ہے

میں کن دعاؤں کو یاد کروں

میری دعائیں پیچیدہ بہت ہیں

خزاں ایک بہار رنگ موسم ہے

 خزاں ایک بہار رنگ موسم ہے

درختوں سے پتے جھڑ رہے ہیں

کبھی ایک کر کے ہوا کے مطابق

کبھی اچانک بے شمار ہوا کے مطابق

خزاں کے بہاروں میں خوب دلکشی ہے

وسوسوں اور وہموں سے بھری ہوئی

لال گلاب کے پھول تجھے تو روگ لگا ہے

 بیمار گلاب

لال گلاب کے پھول

تجھے تو روگ لگا ہے

وہ کیڑا جو شور مچاتے طوفانوں میں

رات کو اڑتا پھرتا ہے

اور آنکھ سے اوجھل رہتا ہے

یہ لڑکی جو اس وقت سر بام کھڑی ہے

 یہ لڑکی جو اس وقت سرِ بام کھڑی ہے

اُڑتا ہوا بادل ہے کہ پھولوں کی لڑی ہے

شرماتے ہوئے بندِ قبا کھولے ہیں اس نے

یہ شب کے اندھیروں کے مہکنے کی گھڑی ہے

اک پیرہنِ سُرخ کا جلوہ ہے نظر میں

اک شکل نگینے کی طرح دل میں جڑی ہے

بس اتنی بات کہنے میں لگے بارہ برس مجھ کو

 بس اتنی بات کہنے میں

مجھے تم سے محبت ہے

بس اتنی بات کہنے میں

لگے بارہ برس مجھ کو

منیر نیازی

ابھی ان گنت دلربا صورتیں ہیں

 فنا اور بقا

ابھی ان گنت دلربا صورتیں ہیں

جو مٹی کے ذروں، ہوا کے جھکوروں، فلک کے ستاروں، گُلوں کے تعطر میں پوشیدہ و نادمیدہ پڑی ہیں

کبھی شام آئے گی

جب ہر جگہ ان کی باتوں کی بجتی ہوئی گھنٹیوں کے مدھُر شور کی لَے سے بھر جائے گی

ہر گلی ان کے نازک دبے پاؤں چلنے کی آہٹ کے جادو میں کھو جائے گی

ہر بجھی صبح ان کے تنفس کی جلتی ہوئی خوشبوؤں سے مہک جائے گی

خواہشیں ہیں دل میں اتنی جتنے اس دنیا میں غم

 ایک اور خواہش

خواہشیں ہیں دل میں اتنی جتنے اس دنیا میں غم

شوق سے جلتی جبینیں اور جادو کے صنم

مہرباں سرگوشیاں، نا مہربانی کے ستم

آنکھ کے پُر پیچ رستے، ریشمی زلفوں کے خم

اصل میں کیا ہے یہ سب، کچھ بھی پتہ چلتا نہیں

چاند جیسے آسماں کا جو کبھی ڈھلتا نہیں

دور ہی دور رہی بس مجھ سے

 دوری

دور ہی دور رہی بس مجھ سے

پاس وہ میرے آ نہ سکی تھی

لیکن اس کو چاہ تھی میری

وہ یہ بھید چھپا نہ سکی تھی

اب وہ کہاں ہے اور کیسی ہے

اے دوشیزہ مت گھبرا

 اے دوشیزہ مت گھبرا

اب سورج ڈوبنے والا ہے

سورج ڈوب کے ایک اندھیری کالی رات کو لائے گا

لاکھوں انہونی باتوں کا میلہ دھیان میں لائے گا

پھر بادل گھِر کر آئیں گے

گرج گرج کر چمک چمک کر تیرا جی دہلائیں گے

کسی سائے کا نقش گہرا نہیں ہے

 کسی سائے کا نقش گہرا نہیں ہے

ہر اک سایہ اک آنکھ ہے

جس میں عشرت کدوں نارسا خواہشوں

ان کہی دل نشیں داستانوں کا میلا لگا ہے

مگر آنکھ کا سحر پلکوں کی چلمن کی ہلکی سی جنبش ہے

اور کچھ نہیں ہے

دیتی نہیں اماں جو زمیں آسماں تو ہے

 دیتی نہیں اماں جو زمیں آسماں تو ہے

کہنے کو تو اپنے دل میں کوئی داستاں تو ہے

یوں تو ہے رنگ زرد مگر ہونٹ لال ہیں

صحرا کی وسعتوں میں کہیں گلستاں تو ہے

اک چیل ایک ممٹی پہ بیٹھی ہے دھوپ میں

گلیاں اجڑ گئی ہیں مگر پاسباں تو ہے

اس کو مجھ سے حجاب سا کیا ہے

اس کو مجھ سے حجاب سا کیا ہے

آئینے میں سراب سا کیا ہے

آنکھ نشے میں مست سی کیوں ہے

رخ پہ زہرِ شباب سا کیا ہے

گھر میں کوئی مکیں نہیں لیکن

سیڑھیوں پر گلاب سا کیا ہے

کوئی آئے باغ میں اس طرح

کار اصل زیست 

کوئی آئے باغ میں اس طرح 

کوئی دید جیسے بہار میں

کوئی رنگدار سحر اڑے 

کسی گوشۂ شب تار میں 

کوئی یاد اس میں ہو اس طرح

کوئی رنج جیسے خمار میں

زندگی شام کا سورج خود اپنے ہی لہو کی دھار

زندگی

شام کا سورج خود اپنے ہی لہو کی دھاریوں میں ڈوب کر

دیکھتا ہے بجھتی آنکھوں سے سوادِ شہر کے سونے کھنڈر

اس کو لے جائے گی پل بھر میں فنا کے گھاٹ پر

رات کے بحرِ سیہ کی موج ہے گرمِ سفر

دیکھتی آنکھوں افق کے سرد ساحل پر اندھیرا چھائے گا

ڈوبتا سورج ابھی بھولے دنوں کی داستاں بن جائے گا

راستے کی تھکن

راستے کی تھکن

آس پاس کوئی گاؤں نہ دریا اور بدریا چھائی ہے

شام بھی جیسے کسی پرانے سوگ میں ڈوبی آئی ہے

پل پل بجلی چمک رہی ہے اور میلوں تنہائی ہے

کتنے جتن کیے ملنے کو پھر بھی کتنی دوری ہے

چلتے چلتے ہار گیا میں پھر بھی راہ ادھوری ہے

گھائل ہے آواز ہوا کی اور دل کی مجبوری ہے

منیر نیازی

وہاں جس جگہ پر صدا سو گئی ہے

تُو

وہاں، جس جگہ پر صدا سو گئی ہے

ہر اک سمت اونچے درختوں کے جھنڈ

ان گنت سانس روکے ہوئے کھڑے ہیں

جہاں ابر آلود شام اڑتے لمحوں کو روکے ابد بن گئی ہے

وہاں عشق پیچاں کی بیلوں میں لپٹا ہوا اک مکاں ہو

اگر میں کبھی راہ چلتے ہوئے اس مکاں کے دریچوں کے