مِرا مولیٰ منور یوں زمیں کی خاک کرتا ہے
کہ پل میں کم نظر کو صاحبِ ادراک کرتا ہے
وہی تاریک ذہنوں میں اُگاتا ہے نئے سُورج
وہی روشن دماغوں کو خس و خاشاک کرتا ہے
صبا کو جو بنا دیتا ہے صرصر اک اشارے میں
چراغوں کو وہی تو سرکش و بے باک کرتا ہے
وہ مٹی جس سے ساری عمر ہم بچ کر گُزرتے ہیں
اسی کو وہ ہمارے جسم کے پوشاک کرتا ہے
وہی ہے جو ملاتا ہے ہمارا کِبر مٹی میں
وہی کیڑے مکوڑوں کی ہمیں خوراک کرتا ہے
ندیم عرشی
No comments:
Post a Comment