دل کے گھاؤ جب آنکھوں میں آتے ہیں

 دل کے گھاؤ جب آنکھوں میں آتے ہیں

کتنے ہی زخموں کے شہر بساتے ہیں

کرب کی ہاہا کار لیے جسموں میں ہم

جنگل جنگل صحرا صحرا جاتے ہیں

دو دریا بھی جب آپس میں ملتے ہیں

دونوں اپنی اپنی پیاس بجھاتے ہیں

یاد آئیں گے زمانے کو مثالوں کے لیے

 یاد آئیں گے زمانے کو مثالوں کے لیے

جیسے بوسیدہ کتابیں ہوں حوالوں کے لیے

دیکھ یوں وقت کی دہلیز سے ٹکرا کے نہ گِر

راستے بند نہیں سوچنے والوں کے لیے

⛪آؤ، تعمیر کریں اپنی وفا کا معبد

ہم نہ مسجد کے لیے ہیں نہ شوالوں کے لیے

یہی ہے دور غم عاشقی تو کیا ہو گا

 یہی ہے دورِ غمِ عاشقی تو کیا ہو گا؟

اسی طرح سے کٹی زندگی تو کیا ہو گا

ابھی تو ہم نفسوں کو ہے وہمِ چارہ گری

ہوئی نہ درد میں پھر بھی کمی تو کیا ہو گا

یہ تیرگی تو بہر حال چھٹ ہی جائے گی

نہ راس آئی ہمیں روشنی تو کیا ہو گا

دو گھڑی بیٹھے تھے زلف عنبریں کی چھاؤں میں

 دو گھڑی بیٹھے تھے زلف عنبریں کی چھاؤں میں

چبھ گیا کانٹا دل حسرت زدہ کے پاؤں میں

کم نہیں ہیں جب کہ شہروں میں بھی کچھ ویرانیاں

کس توقع پر کوئی جائے گا اب صحراؤں میں

کچی کلیاں پکی فصلیں سر چھپائیں گی کہاں

آگ شہروں کی لپک کر آ رہی ہے گاؤں میں

حواس لوٹ لیے شورش تمنا نے

 حواس لوٹ لیے شورشِ تمنا نے

ہری رُتوں کے لیے بن گئے ہیں دیوانے

بدلتے دیر نہیں لگتی اب حقیقت کو

جو کل کی باتیں ہیں وہ آج کے ہیں افسانے

ہے اب تو قطعِ تعلق کی ایک ہی صورت

خدا کرے تُو ہمیں دیکھ کر نہ پہچانے

دیکھا تجھے تو آنکھوں نے ایواں سجا لئے

 دیکھا تجھے تو آنکھوں نے ایواں سجا لیے

جیسے تمام کھوئے ہوئے خواب پا لیے

جتنے تھے تیرے مہکے ہوئے آنچلوں کے رنگ

سب تتلیوں نے اور دھنک نے اڑا لیے

ایسے گھٹی فضاؤں میں کیسے جئیں گے وہ

کچھ قافلے جو آئے ہیں تازہ ہوا لیے

ہمیں سلیقہ نہ آیا جہاں میں جینے کا

 ہمیں سلیقہ نہ آیا جہاں میں جینے کا

کبھی کیا نہ کوئی کام بھی قرینے کا

تمہارے ساتھ ہی اس کو بھی ڈوب جانا ہے

یہ جانتا ہے مسافر تِرے سفینے کا

کچھ اس کا ساتھ نبھانا محال تھا یوں بھی

ہمارا اپنا تھا انداز ایک جینے کا

میں کہ اب تیری ہی دیوار کا اک سایا ہوں

 میں کہ اب تیری ہی دیوار کا اک سایا ہوں

کتنے بے خواب دریچوں سے گزر آیا ہوں

مجھ کو احساس ہے حالات کی مجبوری کا

بے وفا کہہ کے تجھے آپ بھی شرمایا ہوں

مجھ کو مت دیکھ مرے ذوق سماعت کو تو دیکھ

کہ تِرے جسم کی ہر تان پہ لہرایا ہوں

ایک تصویر سے البم کو سجا رکھا ہے

تیری خاطر یہ فسوں ہم نے جگا رکھا ہے

ورنہ "آرائش" افکار میں کیا رکھا ہے

ہے تِرا "عکس" ہی آئینۂ دل کی زینت

ایک تصویر سے البم کو "سجا" رکھا ہے

برگ صد چاک کا "پردہ" ہے شگفتہ گل سے

قہقہوں سے کئی زخموں کو چھپا رکھا ہے

کوئی منظر بھی سہانا نہیں رہنے دیتے

کوئی منظر بھی سہانا نہیں رہنے دیتے

آنکھ میں رنگ تماشا نہیں رہنے دیتے

چہچہاتے ہوئے پنچھی کو اڑا دیتے ہیں

کسی سر میں کوئی سودا نہیں رہنے دیتے

روشنی" کا کوئی "پرچم" جو اٹھا کر نکلے"

اس طرحدار کو زندہ نہیں رہنے دیتے

دیکھ کر روپ کے سمندر کو

دیکھ کر اس "حسیں" پیکر کو

نشہ" سا آ گیا "سمندر" کو"

"ڈولتی، "ڈگمگاتی" سی "ناؤ

پی گئی آ کے سارے سمندر کو

خشک پیڑوں میں جان پڑنے لگی

دیکھ کر "روپ" کے سمندر کو

چاندنی نے رات کا موسم جواں جیسے کیا

چاندنی نے رات کا موسم جواں جیسے کیا 

ہم نے بھی چہرہ فروزاں شیشۂ مے سے کیا 

پاسِ خودداری تو ہے لیکن وفا دشمن نہیں 

تم  نے ہم پر ترکِ الفت کا گماں کیسے کیا 

ہم گناہوں کی شریعت سے ہوئے جب آشنا 

جسم نے جو فیصلہ جیسے دیا، ویسے کیا 

دیکھے کوئی جو چاک گریباں کے پار بھی

دیکھے کوئی جو چاک گریباں کے پار بھی 

آئینۂ خزاں میں ہے عکس بہار بھی 

اب ہر نفس ہے بھیگی صداؤں کی اک فصیل 

موجِ ہوس تھی گردشِ لیل و نہار بھی 

کیا شورشِ جنوں ہے، ذرا کم نہیں ہوا 

قربت کے باوجود تِرا انتظار بھی 

کیا عدو کیا دوست سب کو بھا گئیں رسوائیاں

کیا عدو کیا دوست سب کو بھا گئیں رسوائیاں 

کون آ کر ناپتا احساس کی پہنائیاں 

اب کسی موسم کی بے رحمی کا کوئی غم نہیں 

ہم نے آنکھوں میں سجائی ہیں تِری انگڑائیاں 

آپ کیا آئے بہاروں کے دریچے کھل گئے 

خوشبوؤں میں بس گئیں ترسی ہوئی تنہائیاں 

ہم کہ جو ایک آدم کی اولاد ہیں

ایک آدمؑ کی اولاد

ہم کہ جو ایک آدمؑ کی اولاد ہیں
ایک دھرتی پہ، ایک آسماں کے تلے، سانس لیتے ہیں جو
بے لباسی کے ملبوس میں آنکھ کھلتی ہے سب کی
اور دو گز زمیں میں، اسی جامۂ اصلی میں لوٹ جاتے ہیں سب
دھوپ، بارش، ہوا، روشنی کی سبھی نعمتیں
سب پہ ارزاں ہیں یکساں

دشمن خود اپنے ہی در و دیوار ہو گئے

دشمن خود اپنے ہی در و دیوار ہو گئے

ہم تم سے پیار کر کے گنہ گار ہو گئے

پھیلے تو سب جہاں کو ملی ہم سے روشنی 

سمٹے تو تیرا سایۂ دیوار ہو گئے

اک سازِ بے صدا کی طرح ہم خموش تھے

گویا ہوئے تو شعلۂ اظہار ہو گئے

حسین نوع بشر کی ہے آبرو تجھ سے

عارفانہ کلام منقبت سلام مرثیہ بر امام عالی مقام

حسینؓ نوعِ بشر کی ہے آبرو تجھ سے

حدیثِ حرمتِ انساں ہے سرخرو تجھ سے

ملایا خاک میں تُو نے ستمگروں کا غرور

یزیدیت کے ارادے ہوئے لہو تجھ سے

بہت بلند ہے تیری جراحتوں کا مقام

صداقتوں کے چمن میں ہے رنگ و بُو تجھ سے

میں شعلہ اظہار ہوں کوتاہ ہوں قد تک

میں شعلۂ اظہار ہوں کوتاہ ہوں قد تک

وسعت مِرِی دیکھو تو ہے دیوارِ، ابد تک

ماحول میں سب گھولتے ہیں اپنی سیاہی

رخ ایک ہی تصویر کے ہیں نیک سے بد تک

کچھ فاصلے ایسے ہیں جو طے ہو نہیں سکتے

جو لوگ کہ بھٹکے ہیں، وہ بھٹکیں کے ابد تک

کفر کا رنگ جھلکتا ہے نہ اسلام کا رنگ

کفر کا رنگ جھلکتا ہے نہ اسلام کا رنگ

کچھ عجب ہے میرے افکار کے اصنام کا رنگ

چند افراد یہاں رنگوں کے سوداگر ہیں

کتنے چہرے ہیں کہ جن پر ہے فقط نام کا رنگ

منجمد غم کی فصیلوں میں گھِرے ہیں ہم لوگ

دل کے آئینے میں ہے حسرتِ ناکام کا رنگ

جبیں کا چاند بنوں آنکھ کا ستارا بنوں

جبیں کا چاند بنوں آنکھ کا ستارا بنوں

کسی جمالِ شفق تاب کا سہارا بنوں

محبتوں کی شکستوں کا اک خرابہ ہوں

خدارا! مجھ کو گراؤ کہ میں دوبارا بنوں

یہ بھیگی بھیگی ہواؤں کی سرد سرد مہک

جو دل کی آگ میں اترے تو کچھ گوارا بنوں