بنانے والے کو بننے والے کا غم پتا تھا تو کیوں بنایا

 بنانے والے کو بننے والے کا غم پتا تھا تو کیوں بنایا

یہ بن کے اتنے ستم سہے گا وہ جانتا تھا تو کیوں بنایا

میں پوچھتا ہوں کہ کیا ضرورت تھی دین و دنیا کے فلسفے کی

میں سوچتا ہوں کہ سب کو جاں سے گزارنا تھا تو کیوں بنایا

ہزاروں رنگوں کی خواہشوں کے کروڑوں آنکھوں کو خواب دے کر

حقیقتوں کی اذیتوں سے گزارنا تھا تو کیوں بنایا

عجب محبت کے سلسلے ہیں

 عجب محبت کے سلسلے ہیں

نہ مر رہے ہیں نہ جی رہے ہیں

اگر یہی زندگی ہے یا رب

تو ایسے جینے سے ہم بھلے ہیں

گزار آئے ہیں ایک دنیا

یہ درد کیا کوئی آج کے ہیں

جب تم نہیں تو تخت سلیماں کا کیا کریں

 جب تم نہیں تو تختِ سلیماں کا کیا کریں

ہم دولتِ دمشق و خراساں کا کیا کریں

ہوں لاکھ مہربان بہاریں گلاب پر

اندیشۂ فراقِ بہاراں کا کیا کریں

توبہ کا در بھی بند ہے اور میکدہ بھی بند

کوئی بتائے نفسِ پشیماں کا کیا کریں

رگوں میں خون علی ہے مگر غلام حسین

 عارفانہ کلام منقبت سلام مرثیہ

درگاہِ مظلومِ کربلا میں

رگوں میں خونِ علیؑ ہے مگر غلامِ حسینؑ

مجھے بتایا ہے عباسؑ نے مقامِ حسینؑ

میں سوچتا ہوں کہ کارِ خدا ہے ذکرِ رسولؐ

اور آسمان و زمیں زیرِ انتظامِ حسینؑ

اسی لیے تو خدا اس پہ زور دیتا ہے

نماز ہم کو سکھاتی ہے احترامِ حسینؑ

چلا گیا ہے جو دور تم کو نہیں ملے گا

 چلا گیا ہے جو دُور تم کو نہیں ملے گا

رفاقتوں کا سرُور تم کو نہیں ملے گا

چراغ بن کر جلاؤ خود ہی وجود اپنا

کسی کے سورج سے نُور تم کو نہیں ملے گا.

سزا تو دے دو گے تم گواہی کی روشنی میں

مگر ہمارا قصور تم کو نہیں ملے گا

زہر کی بوتل نیند کی گولی پنکھا رسی سب کچھ ہے

 زہر کی بوتل، نیند کی گولی، پنکھا، رسی سب کچھ ہے

موت کا جذبہ، زیست سے نفرت اور اداسی سب کچھ ہے

اک تیرے دیدار کی خاطر، باقی ہے جان آنکھوں میں

ورنہ دل رکنا، دم گھٹنا، موت کی ہچکی سب کچھ ہے

میرے بعد زمیں والوں سے میرا خالق نپٹے گا

جس کے پاس، عقیم، جہنم، آگ اور مٹی سب کچھ ہے