دست نادیدہ گلو گیر تو ہے

 دستِ نادیدہ گلو گیر تو ہے

صورتِ حال یہ گمبھیر تو ہے

شور حالات کی تصویر تو ہے

ہُو کا عالم بھی ہمہ گیر تو ہے

جانے کب اترے کمر میں خنجر

مجھ سے اک شخص بغلگیر تو ہے

اک تماشا بنا دیا انصاف

 اک تماشا بنا دیا انصاف

ہر نظر سے گرا دیا انصاف

بس اسی دن سے ہیں زوال کی سمت

ہم نے جب سے بھلا دیا انصاف

میرے منصف نے بھاری قدموں کے

راستے میں بچھا دیا انصاف

یہ کس حساب سے آئی ہمارے حصے موت

 یہ کس حساب سے آئی ہمارے حصے موت

تمام عمر قیامت، تمام رستے موت

کُھلا کہ واعظِ عیار غیر کا ہے رفیق

سو ہم تو شوقِ شہادت میں مر گئے بے موت

ہے میرے گرد مسلسل کسی کرم کا حصار

گزر رہی ہے مسلسل نظر بچا کے موت

گھر کو جنت نما بنائے وے ہیں

گھر کو جنت نما بنائے وے ہیں

آج کل وہ میرے گھر آئے وے ہیں

ہم سے  اپنا مقابلہ نہ کرو

ہم بڑے گہرے زخم کھائے وے ہیں

کچھ بُرا کر، گزر نہ جائیں کہیں

لوگ حالات کے ستائے وے ہیں

دشت بلا میں ابر نظر آ گیا تو کیا

دشتِ بلا میں ابر نظر آ گیا تو کیا

میں دور ہوں، وہ پاس اگر آ گیا تو کیا

ہم کو تو جھیلنا ہے مسلسل سفر کا دکھ

رستے میں اتفاق سے گھر آ گیا تو کیا

صحراؤں کے سفر سے بھی لوٹا ہوں سرخرو

آگے سمندروں کا سفر آ گیا تو کیا

کبھی عذاب طلب ہوں کبھی امان تلاش

کبھی عذاب طلب ہوں کبھی امان تلاش

میں دھوپ اوڑھ کے کرتا ہوں سائبان تلاش

خلانورد سے مشکل ہے اپنا کام، کہ ہم

زمیں کی گود میں کرتے ہیں آسمان تلاش

کہیں  جگہ نہ ملی ہم کو سر چھپانے کی

گھروں کے شہر میں کرتے رہے مکان تلاش

فضا خاموش غم آلود منظر لگ رہا ہے

فضا خاموش، غم آلود منظر لگ رہا ہے

بھلے کچھ بھی نہ ہو لیکن مجھے ڈر لگ رہا ہے

زمیں سے پاؤں جب لگ جائیں تو نظریں ملانا

ابھی تو آسماں سے آپ کا سر لگ رہا ہے

بہت جلدی میں ہوں، تصدیق پھر آ کر کروں گا

بظاہر دور سے تو وہ مِرا گھر لگ رہا ہے

نجانے کس راستے پہ ہم لوگ چل پڑے ہیں

نجانے کس راستے پہ ہم لوگ چل پڑے ہیں

کہ برسوں پہلے جہاں تھے اب بھی وہیں کھڑے ہیں

وگرنہ، سچ کے سفر میں تنہائی مار دیتی

چلو، یہ دو چار لوگ تو ساتھ چل پڑے ہیں

ابھی اجازت نہیں ملی رزق بانٹنے کی

جہاز ساحل پہ حکم کے منتظر کھڑے ہیں

اجل نظر کرم ان پر یہ جتنے لوگ بیٹھے ہیں

اجل نظرِ کرم ان پر، یہ جتنے لوگ بیٹھے ہیں

کہ بستی جل رہی ہے اور مزے سے لوگ بیٹھے ہیں

اندھیرے میں سفر ہوتا رہا تو کون دیکھے گا

تھکن سے رہنما بیٹھا کہ پہلے لوگ بیٹھے ہیں

قرینہ مے کشی کا ہے، نہ قدرِِ بادہ و مِینا

یہ کیسا میکدہ ہے اور کیسے لوگ بیٹھے ہیں

تلاش کون کرے گا مجھے گماں سے پرے

تلاش کون کرے گا مجھے گماں سے پرے؟

میں چھپ گیا ہوں کہیں اپنے جسم و جاں سے پرے

بس ایک دھوپ کی شدت کے یاد کچھ بھی نہیں

تمام عمر گزاری ہے سائباں سے پرے

ذرا سی بات پہ ہم سے خدا گریزاں ہے

ذرا سی دیر کو سوچا تھا آسماں سے پرے

زمیں کا درد ہے اور خوف آسمان کا ہے

زمیں کا درد ہے اور خوف آسمان کا ہے

ہمارے واسطے یہ وقت امتحان کا ہے

میں شہر بھر کا ہدف ہوں یقیں سے کیسے کہوں

جو آ رہا ہے ادھر تیر، کس کمان کا ہے؟

یہ دھوپ ہے جو مسلسل سفر میں رکھتی ہے

رکاوٹوں میں بڑا ہاتھ سائبان کا ہے

پھر نئی شب نئی کہانی سن

پھر نئی شب نئی کہانی سُن

ہو گئی اک بھری جوانی سن

یہ گھڑی پھر نصیب ہو کہ نہ ہو

زندگی آ، میری کہانی سن

کشتیاں  زیرِ آسماں محبوس

یخ ہوا کر گئی ہے پانی سن

جس کے پلو سے چمکتے ہوں شہنشاہ کے بوٹ

جس کے پلو سے چمکتے ہوں شہنشاہ کے بوٹ

ایسی دربار سے بخشی ہوئی دستار پہ تھو

جو فقط اپنے ہی لوگوں کا گلا کاٹتی ہو

ایسی تلوار مع صاحبِ تلوار پہ تھو

شہر آشوب زدہ، اس پہ قصیدہ گوئی

گنبدِ دہر کے اس پالتو فنکار پہ تھو

روشنی مر گئی اندھیروں میں

اک دیا بھی نہیں بچا گھر میں

روشنی مر گئی اندھیروں میں

مونگ دلتے ہیں روز سینے پر

حوصلہ ہے بلا کا سڑکوں میں

کھا گیا ان کا غم جو مدت سے

جی رہے ہیں سیاہ کمروں میں

شراب و ابر و گل موجود ہو تب وہ نہیں ہوتا

شراب و ابر و گل موجود ہو، تب وہ نہیں ہوتا

ہم اکثر سوچتے ہیں جس طرح، سب وہ نہیں ہوتا

مرے جاتے ہیں کیوں ہم عارضی شہرت کی خواہش میں

جسے کھونا ہو دن میں، حاصلِ شب وہ نہیں ہوتا

یہاں ہر شے جگہ سے بے جگہ محسوس ہوتی ہے

یہاں جو جس جگہ ہے، اس کا منصب وہ نہیں ہوتا

اک تماشہ ہے تری خلد سے آیا ہوا شخص

اک تماشا ہے تِری خُلد سے آیا ہوا شخص

ہو گیا تجھ سے خفا، تیرا بنایا ہوا شخص

شوقِ کردار کشی نےتجھے رسوا رکھا

سرخرو اب بھی ہے بہتان لگایا ہوا شخص

حدِ پاتال سے بھی نیچے چلا جاتا ہے

خانۂ چشم کی کھڑکی سے گِرایا ہوا شخص