آخرش خوابِ پریشاں کو کہاں تک دیکھوں
ہر طرف رات کا سایہ ہے جہاں تک دیکھوں
اب تو عادت ہے سرِ شام بکھر جانے کی
ٹُوٹ جانا تو مقدر ہے یہاں تک دیکھوں
ہے تِرے شہر میں زخموں کی نمائش کا رواج
پھر تِرا شوق لبِ زخمِ گُماں تک دیکھوں
ان پرندوں کو بھی ہجرت کا مزا کیا معلوم
ان کی پرواز کو میں اپنے مکاں تک دیکھوں
درد کے ہاتھ میسر ہوئے اب کے کس کو
کس کی رنجش کو نشاں سے میں کماں تک دیکھوں
حوصلہ ہے تو فقط شوقِ نظارہ کر لوں
ورنہ دیوانے کا غم ہے کہ گُماں تک دیکھوں
یونس ڈار
No comments:
Post a Comment