میں جب بھی نعت لکھتی ہوں مدینہ یاد آتا ہے

 عارفانہ کلام حمد نعت منقبت

میں جب بھی نعت لکھتی ہوں مدینہ یاد آتا ہے

کہ محبوبِ خدا سے میرا تو صدیوں کا ناطہ ہے

محبت کس کو کہتے ہیں کوئی پوچھے تو اللہ سے

کسی کے عشق میں کیسے کوئی دنیا سجاتا ہے

کہ جنت کی بشارت اس کو مل جاتی ہے دنیا میں

جو عشقِ مصطفٰیﷺ میں ساری دنیا کو بھلاتا ہے

نبی کے عشق میں ہر بات ہی بھلا کے چلیں

 عارفانہ کلام حمد نعت منقبت

نبیﷺ کے عشق میں ہر بات ہی بُھلا کے چلیں

چلو مدینے میں سر اور نظر جُھکا کے چلیں

کہ جس زمین پہ محبوبِ حقﷺ کا ڈیرہ ہے

وہیں پہ دِیپ عقیدت کے ہم جلا کے چلیں

کہاں پہ میں ہوں کہاں پہ تِرا خیال نبی ﷺ

چلو کہ دل سے سبھی وسوسے مِٹا کے چلیں

کتنا دلکش خیال بنتا ہے

 کتنا دلکش خیال بنتا ہے

دودھیا ہو رہا ہے منظر یہ 

ہاتھ میں چائے کی پیالی ہے

درمیاں بھاپ کی حسین  لپک

ساتھ تم  اور شام سردی کی

کتنا دلکش خیال بنتا ہے

اے غمگسار مرے دوست آزماتے نہیں

اے غمگسار! مرے دوست، آزماتے نہیں

جو جا رہے ہوں مِری جاں انہیں بلاتے نہیں

یہ درد و غم کے ہیں قصے تمہیں رلائیں گے

ہو مختصر بھی کہانی مگر سناتے نہیں

تمہیں ملیں گی دریچے میں منتظر شمعیں

کہیں بھی جائیں ہم آنکھوں کو لے کے جاتے نہیں

میری خزاں تو سبز ہوئی اس خمار میں

 میری خزاں تو سبز ہوئی اس خمار میں

آنے کا اس نے وعدہ کیا ہے بہار میں

رکھی ہوئی ہے لاج مِری میرے عشق نے

ورنہ تو کیا رکھا ہوا ہے انتظار میں

گھر بھی مجھے تو دشت سا لگتا ہے تیرے بن

لگتا نہیں ہے دل مِرا اجڑے دیار میں

آپ جب بھی کبھی مسکرانے لگے

 آپ جب بھی کبھی مسکرانے لگے

درد جتنے تھے میرے سہانے لگے 

رات پوری کھڑی ہے ابھی صحن میں

تارے مجھ کو ابھی سے جگانے لگے

خواب جلتے ہوئے رکھ دئیے راہ پر

بے سہارا تھے وہ سب ٹھکانے لگے

میں اپنے خواب میں کچھ خاک میں ملاتی ہوں

 میں اپنے خواب میں کچھ خاک میں ملاتی ہوں

نہ جانے خاک سے ایسا میں کیا اٹھاتی ہوں

ستارے بھر کے میں دامن میں جب بھی لاتی ہوں

تمہاری راہ میں پھر شوق سے بچھاتی ہوں

پیاس دیکھ رہے ہیں یہ تشنہ لب میرے

میں اشک پیتی ہوں اور تشنگی مٹاتی ہوں

وہ تیرا مجھ سے کہا حرف حرف سچ نکلا

 وہ تیرا مجھ سے کہا حرف حرف سچ نکلا

بھلا میں کون تِرا حرف حرف سچ نکلا

کہا تھا اس نے محبت فریب ہے دل کا

وہ جب بھی دور گیا حرف حرف سچ نکلا

انا پرستی میں اپنی مثال آپ تھا وہ

جو اس نے چاہا کیا حرف حرف سچ نکلا

عطا ہے عشق اگر ہجر بھی عطائی ہے

 عطا ہے عشق اگر ہجر بھی عطائی ہے

کسی کی بات سے یہ بات یاد آئی ہے

تمہارے نام سے لکھے ہوئے خطوں کی قسم

تمہاری یاد سے کب دل کو اب رہائی ہے

پرانا دیکھ کے البم مجھے خیال آیا

ہماری عمر سے لمبی تو یہ جدائی ہے

سن اے بہار یہ دستک تری لہو ہو گی

 سن، اے  بہار! یہ دستک تِری لہو ہو گی

نہ گھر پہ کوئی اگر ہو تو کھٹکھٹاتے نہیں

طبیب میرا یہ کہتا ہے میں  ہوا بدلوں 

کوئی بتائے کہ بدلاؤ راس آتے نہیں 

تم اپنے دل کا یہ پنجرہ بھی چاہے کھول رکھو

ہم ایسے پنچھی کبھی پر کو بھی ہلاتے نہیں 

پیروں میں جو پائل ہے

ماہیا/ثلاثی/سہ حرفی/ہائیکو/تروینی/ترائلے

پیروں میں جو پائل ہے

تُو دیکھ پلٹ کر ہی

دل کتنوں کا گھائل ہے

دلشاد نسیم

ان آندھیوں کے ساتھ کئی گھونسلے گئے

 ان آندھیوں کے ساتھ کئی گھونسلے گئے

تم کیا گئے کہ میرے تو سب حوصلے گئے 

اک خواب میں نے دیکھا تھا پچھلے پہر کوئی 

اگلے پہر کی نیند کے لو سلسلے گئے 

اک چاند آسمان پہ اک میرے سامنے 

ان قربتوں میں دل کے سبھی فاصلے گئے 

زمانے کو الفت کا دستور کر دوں

 زمانے کو الفت کا دستور کر دوں

میں تیری کہانی کو مشہور کر دوں

تِرے سامنے رو لوں جی چاہتا ہے

تِرے دل کو بھی غم سے میں چور کر دوں

مسیحا کا احساں نہیں چاہتی ہوں

میں زخموں کو اپنے ہی انگور کر دوں

نہ جانے کیسی محبت کے وعدے رات جلے

 نہ جانے کیسی محبت کے وعدے رات جلے

جلا جو خط📧 تو میرے دونوں ہاتھ جلے

گنوا کے بیٹھی ہوں میں آج اپنا صبر و قرار 

کہ ساتھ چاند کے میری تو ساری رات جلے 

میں اس کہانی کا کردار ہوں کہ جس میں سدا 

وفا کو لکھنے سے پہلے ہی میرا ہاتھ جلے 

تیری الفت وصول ہو جیسے

 تیری الفت وصول ہو جیسے 

نعمتوں کا نزول ہو جیسے 

تُو مرے آسماں کا تارہ ہے 

دل تری رہ کی دھول ہو جیسے 

تیرے تابع ہی چلنے لگتا ہے 

وقت تیرا اصول ہو جیسے 

اس قدر تلخیاں ہیں جیون میں

تلخیاں

 ہیں جدائی سے پہلے کی باتیں

شوخ تھا اور وہ ہنستا رہتا تھا

کافی اس کو کسیلی لگتی تھی

چائے پیتا مٹھاس کی خاطر

اب ملا مجھ کو وہ زمانے بعد

ہم نے خوابوں کی فصل اگائی

 استقبال

ہم نے خوابوں کی فصل اگائی لیکن

تعبیروں کی فصل نہیں کاٹی

بے موسمی بارشوں نے ہم کو بہت نقصان پہنچایا 

زندہ رہے تو اگلے برس 

بارش کے ہونے سے پہلے ہی 

راستہ کوئی دیکھتا ہو گا

 راستہ کوئی دیکھتا ہو گا

کوئی آگے نکل گیا ہو گا

رات پہلو میں سو گئی میرے

رات کو چین آ گیا ہو گا 

مری آنکھوں میں اشک آنے لگے

کیا مجھے عشق اب عطا ہو گا

وہ تو گریہ بھی مسلسل نہیں ہونے دیتے

 وہ تو گریہ بھی مسلسل نہیں ہونے دیتے

یہ مرا سوگ مکمل نہیں ہونے دیتے

مجھ کو رونے بھی نہیں دیتے ہیں تنہائی میں

میری آنکھوں کو وہ بادل نہیں ہونے دیتے

تھام لیتے ہیں وہ بپھری ہوئی لہروں کو بھی

اور دریا کو بھی جل تھل نہیں ہونے دیتے

آگ کو پانیوں سے خطرہ ہے

آگ کو پانیوں سے خطرہ ہے

تیری تابانیوں سے خطرہ ہے

جو سمجھتے ہیں عقلِ کل خود کو

ان کی نادانیوں سے خطرہ ہے

کچھ بھی کہتی نہیں ہے یہ بارِش

مجھ کو طغیانیوں سے خطرہ ہے