رنگ اردو دنیا بھر کے نامور کلاسیک اور نوجوان اردو شعراء کے شاہکار کلام پر مبنی بلاگ🌷Rung E Urdu a blog of worldsfamous poetry of past & present era
من کا سورج کب چمکے گا کتنی دور سویرا ہے
چنتا بن میں گھور اندھیرا پنچھی بہت اکیلا ہے
بادل کے پردے میں چھپ کر جس نے امرت چھڑکا ہے
ساون کی مہندی سے لکھ کر روپ سندیسہ بھیجا ہے
بند کواڑے کھل جاتے ہیں ایسا گیت بھی آتا ہے
میلے کپڑوں میں کیا ملنا سوچ کے من شرماتا ہے
آندھی کو گلی میں جگ بیتا
وہ دیپک آج بھی جلتا ہے
نکلے تھے گھر سے شام ڈھلے
ہم پل سے گُگ کی اور چلے
جو پھول کھلے تھے رستوں میں
لگتے ہیں بھلے گلدستوں میں
جاتی رُت نے سندیسہ دیا ہے
دیکھ سورج سے دیپک بڑا ہے
دونوں پلڑے برابر بھرے ہیں
چاند سورج سفر کر رہے ہیں
تُو نے موسم بنا تو دئیے ہیں
جنگلوں کے عجب راستے ہیں
گیت
موہے اپنی لگن کے بندھن نے کچھ ایسا باندھا جیون بھر
کبھی کھول کواڑ نہ دیکھ سکے مِرے نین کہ سرسوں پھول رہی
من پوجا میں مِری دیوی نے خود میرے سیس نوائے ہیں
رکھ نین کنول مِرے چرنوں میں موہے سندر تلک لگائے ہیں
موہے ساگر کہہ کے پکارا ہے خود ندیا بن کے اتر گئی
کبھی کھول کواڑ نہ دیکھ سکے مِرے نین کہ سرسوں پھول رہی
گیت
مہندی سے لکھ دو ری
ہاتھوں پہ سکھیو
میرے سانوریا کا نام
کتنا سہانا سمے ہے ملن کا
مجھ کو سنورنے سے کام
جاتی رُت نے سندیسہ دیا ہے
دیکھ سورج سے دیپک بڑا ہے
دونوں پلڑے برابر بھرے ہیں
چاند سورج سفر کر رہے ہیں
تُو نے موسم بنا تو دئیے ہیں
جنگلوں کے عجب راستے ہیں
