اسلام کی تعلیم ہے فرمان محمد

 عارفانہ کلام حمد نعت مقبت

اسلام کی تعلیم ہے فرمان محمدﷺ

توحید کا نشہ مئے عرفانِ محمدﷺ

ملتی ہے یہاں روح کو برنائی و تسکیں

ہے سایۂ حق، سایۂ دامانِ محمدﷺ

ہر نقشِ قدم اس کا نشانِ سرِ منزل

سب قافلے والے ہیں ثناء خوانِ محمدﷺ

فرشتے امتحان بندگی میں ہم سے کم نکلے

 فرشتے امتحانِ بندگی میں ہم سے کم نکلے

مگر اک جرم کی پاداش میں جنت سے ہم نکلے

غمِ‌ دنیا و دیں ان کو نہ فکرِ نیک و بد ان کو

محبت کرنے والے بے نیاز بیش و کم نکلے

غرض کعبہ سے تھی جن کو نہ تھا مطلب کلیسا سے

حدِ دَیر و حرم سے بھی وہ آگے دو قدم نکلے

یہ کون بزم سے اٹھا کہ بزم ہی نہ رہی

یہ کون بزم سے اٹھا کہ بزم ہی نہ رہی

دلوں میں آگ، چراغوں میں روشنی نہ رہی

بنائی عاقبت اپنی تو پاک بازوں نے

یہ اور بات ہے، دنیا رہی، رہی، نہ رہی

نہ پوچھ رک گئیں کیوں گردشیں زمانے کی

بنے وہ دوست تو دنیا سے دشمنی نہ رہی

جاتی ہیں سبھی راہیں مے خانے کو کیا کہیے

جاتی ہیں سبھی راہیں میخانے کو، کیا کہیۓ

توبہ کے ہوئے ٹکڑے، پیمانے کو کیا کہیۓ

آنا ہے تو جانا ہے، جانا ہے تو آنا ہے

اس آنے کو کیا کہیۓ، اس جانے کو کہیۓ

سو بجلیاں رقصاں ہیں ہر تِنکے کے سینے میں

تعمیرِ خرابی ہے، کاشانے کو کیا کہیۓ 

رہ وفا میں ضرر سود مند ہے یارو

رہِ وفا میں ضرر سُود مند ہے یارو

ہے درد اپنی دوا، زہر قند ہے یارو

گھٹا بڑھا کے بھی دیکھا، مگر نہ بات بنی

غزل کا روپ "روایت پسند" ہے یارو

کُھلا جسے غلطی سے میں چھوڑ آیا تھا

مِرے لیے وہی دروازہ بند ہے یارو

حال دل ان سے کسی عنواں بیاں کر دیکھتے

حالِ دل ان سے کسی عنواں بیاں کر دیکھتے

اپنی رُوداد محبت، داستاں کر دیکھتے

دیکھ لیتے برقِ سوزاں میں ہے کتنا حوصلہ 

ہم بھی شاخ گُل پہ تعمیر آشیاں کر دیکھتے

ضبط اگر دیتا اجازت ہم کو اے پاسِ وفا

جوشِ غم میں جرأتِ آہ و فغاں کر دیکھتے

بہکی بہکی ہیں نگاہوں کو نہ جانے کیا ہوا

بہکی بہکی ہیں، نگاہوں کو نہ جانے کیا ہوا 

کھوئی کھوئی سی ہیں، راہوں کو نہ جانے کیا ہوا 

دل کی رگ رگ میں رواں تھا جن سے خون زندگی 

ان تمنّاؤں کو، چاہوں کو نہ جانے کیا ہوا 

نا مکمّل تھا فسانہ دِہر کا جن کے بغیر 

ان گداؤں، بادشاہوں کو نہ جانے کیا ہوا 

نظر سے نظر ملانا کوئی مذاق نہیں

نظر سے نظر ملانا کوئی مذاق نہیں

ملا کے آنکھ چرانا کوئی مذاق نہیں

پہاڑ کاٹ تو سکتا ہے تیشۂ فرہاد

پہاڑ سر پہ اٹھانا کوئی مذاق نہیں

اڑانیں بھرتے رہیں لاکھ طائران خیال

ستارے توڑ کے لانا کوئی مذاق نہیں

لو آج سمندر کے کنارے پہ کھڑا ہوں

لو آج سمندر کے کنارے پہ کھڑا ہوں

غرقاب سفینوں کے سسکنے کی صدا ہوں

اک خاک بہ سر برگ ہوں ٹہنی سے جدا ہوں

جوڑے گا مجھے کون کہ میں ٹوٹ گیا ہوں

اب بھی مجھے اپنائے نہ دنیا تو کروں کیا

ماحول سے پیمانِ وفا باندھ رہا ہوں

خود سری کا بھرم نہ کھل جائے

خود سری کا بھرم نہ کھُل جائے

آدمی کا بھرم نہ کھل جائے

تیرگی کا طلسم ٹوٹ گیا 

روشنی کا بھرم نہ کھل جائے

موت کا راز فاش تو کر دوں 

زندگی کا بھرم نہ کھل جائے

کیا کیا پیام غم کدہ دل سے آئے ہیں

کیا کیا پیام غم کدۂ دل سے آئے ہیں

ہم نامراد حسن کی محفل سے آئے ہیں

زنجیر کھل گئی، درِ زنداں بھی کھل گئے

پیغام کیا بہار کی منزل سے آئے ہیں

ہے لذتِ فراق حیاتِ دلِ حزیں

فردا کی فکر، حال کا غم، اضطرابِ شوق

دنیا مری نظر سے تجھے دیکھتی رہی

دنیا مِری نظر سے تجھے دیکھتی رہی 

پھر میرے دیکھنے میں بتا کیا کمی رہی 

کیا غم اگر قرار و سکوں کی کمی رہی 

خوش ہوں کہ کامیاب مِری زندگی رہی 

اک درد تھا جگر میں جو اٹھتا رہا مدام 

اک آگ تھی کہ دل میں برابر لگی رہی 

سمجھ میں چارہ گر کی آئے گا کیا

سمجھ میں چارہ گر کی آئے گا کیا

مِرا غم کیا، مِرے غم کی دوا کیا

فریبِ زیست کھائے جا رہے ہیں

حقیقت آشنا،۔۔۔ نا آشنا کیا

مجھے دھوکا دیا میری نظر نے

کروں تجھ سے شکایت کیا، گِلا کیا

آنکھ میں آنسو لب پر نالے

آنکھ میں آنسو، لب پر نالے

کیسے ہیں یہ چاہنے والے

پرِیتم کا سندیسہ لے کر

گھِر آئے ہیں بادل کالے

ہم کو لے آئے منزل تک

راہ کے کانٹے، پاؤں کے چھالے

رگ احساس میں نشتر ٹوٹا

رگِ احساس میں نشتر ٹوٹا

ہاتھ سے چھوٹ کے ساغر ٹوٹا

ٹوٹنا تھا دل نازک کو نہ پوچھ

کب کہاں کس لیے کیونکر ٹوٹا

سینہ دھرتی کا لرز اٹھا ہے

آسماں سے کوئی اختر ٹوٹا

اک قیامت مری حیات بنی

اک قیامت مِری حیات بنی 

گرمئی بزم کائنات بنی 

آشنائے سکوں تھی لاعلمی 

آگہی فکرِ شش جہات بنی 

موت نے جب فنا کی دی تعلیم 

وہ گھڑی مژدۂ حیات بنی