چاندنی پیشہ ور طوائف ہے

 چاندنی

پیشہ ور طوائف ہے

وادیوں، جنگلوں

پہاڑوں میں

اس کی آوارگی کے چرچے ہیں

نوجواں، مرمریں

نہیں قبول مجھے آفتاب کی مرضی

 نہیں قبول مجھے آفتاب کی مرضی

مِری زمیں پہ چلے گی جناب کی مرضی

یہ خودکشی نہیں تاثیر ہے محبت کی

خود اپنا خون کرے گر گلاب کی مرضی

اٹھا کے رات کی باہوں میں اس کو ڈال دیا

کسی نے پوچھی نہیں ماہتاب کی مرضی

دل تجھے دیکھ دیکھ ڈولے گا

 دل تجھے دیکھ دیکھ ڈولے گا

منہ سے اک لفظ بھی نہ بولے گا

دیکھنا، یہ حقیر پُر تقصیر

سارے اسرار تیرے کھولے گا

چل بسا رات وہ ستارہ بھی

اب یہ کھڑکی کوئی نہ کھولے گا

جو کبھی کہہ سکا نہ کہنے دے

 جو کبھی کہہ سکا نہ کہنے دے

آج لفظوں سے خون بہنے دے

اب کوئی اور بات کر مجھ سے

یہ فراق و وصال رہنے دے

ایک ہی جیسے رات دن کب تک

کوئی تازہ عذاب سہنے دے

اس لڑکیوں کی بھیڑ میں لیلیٰ نہیں کوئی

 اس لڑکیوں کی بھیڑ میں لیلیٰ نہیں کوئی

مجنوں بہت ہیں شہر میں صحرا نہیں کوئی

ہاتھوں میں ہاتھ دے کے یہاں گھومتے ہیں یہ

اب زندگی سے موت کا جھگڑا نہیں کوئی

اب آپ کی نگاہ کسی اور سمت ہے

اچھا ہے دل کے جانے کا خطرہ نہیں کوئی

چھپا ملا تھا جو اک خواب کی رداؤں میں

چھپا ملا تھا جو اک خواب کی رداؤں میں

وہ شہر میں نظر آیا کہیں، نہ گاؤں میں

الم نصیبو! یہ دکھ سارے بھول جاؤ گے

بڑا سکوں ہے محبت کی ٹھنڈی چھاؤں میں

کہیں پہ دھوپ میں صورت تِری نظر آئی

جھلک ملی ہے کبھی بھاگتی گھٹاؤں میں

تری نگاہ کا نیلم ترے لبوں کے عقیق

تِری نگاہ کا نیلم، تِرے لبوں کے عقیق

سوادِ غم میں سدا سے مِرے جنوں کے رفیق

زمانہ اس لیے سب تجھ پہ جان دیتا ہے

تِری نگاہ عنایت،۔ تِری زبان خلیق

یہ آسمان کی ہم عصر نیلگوں آنکھیں

نظر ملائیں تو گہرے سمندروں سے عمیق

چاہنے والے خوب جیتے ہیں

چاہنے والے خوب جیتے ہیں

زخم کھاتے ہیں اشک پیتے ہیں

تِری یادیں بھی ساتھ چھوڑ گئیں

ایسے لمحے بھی ہم پہ بیتے ہیں

ایسے لوگوں کی اب ضرورت ہے

وہ دلوں کے جو چاک سیتے ہیں

ہمارے عشق کا چرچا رہے گا

یہاں ہر وقت یہ میلہ رہے گا

مگر یہ دل یونہی تنہا رہے گا

جلیں گے جب تلک یہ چاند تارے

ہمارے عشق کا چرچا رہے گا

یہ دل بھی ڈوب جائے گا کسی دن

چڑھا جب حسن کا دریا رہے گا

دل میں پوشیدہ کیا خزینے ہیں

دل میں پوشیدہ کیا خزینے ہیں

آنسو نکلے ہیں یا نگینے ہیں💧

آسماں تیری جھیل میں کب سے

روشنی کے رواں سفینے ہیں

جس پہ مرتے ہیں اس سے ڈرتے ہیں

چاہتوں کے عجب قرینے ہیں

جس کو اپنانے میں اک عرصہ لگا

جس کو اپنانے میں اک عرصہ لگا

اجنبی ہونے میں بس لمحہ لگا

لوگ تو پہلے سے تھے ناآشنا

آج آئینہ بھی بے گانہ لگا

اس لیے دل میں بلایا ہے تجھے

اپنا اپنا سا تیرا چہرہ لگا

بدل گیا ہے وہ فرسودہ عاشقی کا نظام

بدل گیا ہے وہ فرسودہ عاشقی کا نظام
چنا ہے مجھ کو نئے عاشقوں نے اپنا اِمام
جہاں سے سیکھ کے آتے ہیں گفتگو دریا
وہیں سے مجھ پہ اتارا گیا یہ درد کلام
کھلا مِلا تھا وہ آنکھوں کا مے کدہ شب بھر
نہ پوچھ کیسے چڑھاۓ ہیں ہم نے جام پہ جام

وہ اس زمین پہ رہتی تھی آسماں کی طرح

وہ اس زمین پہ رہتی تھی آسماں کی طرح
کوئی نہیں ہے یہاں آج میری ماں کی طرح
اب آنسوؤں کی کتابیں کبھی نہ لِکھوں گا
کہ ڈال دی ہے نئی نالہ و فغاں کی طرح
اسی کے دَم سے یہ مٹی کا گھر منور تھا
وہ جس کی قبر چمکتی ہے کہکشاں کی طرح

سوال ایک تھا لیکن ملے جواب بہت

سوال ایک تھا، لیکن مِلے جواب بہت

پڑھی ہے میں نے محبت کی یہ کتاب بہت

گئی بہار تو پھر کون حال پوچھے گا

کرو نہ چاہنے والوں سے اِجتناب بہت

یہ آسمان و زمیں سب تمہیں مبارک ہوں

مرے لیے ہے یہ ٹوٹا ہوا رباب بہت

ان نگاہوں کو ہم آواز کیا ہے میں نے

ان نِگاہوں کو ہم آواز کیا ہے میں نے
تب کہیں گِیت کا آغاز کیا ہے میں نے
ختم ہو تاکہ ستاروں کی اجارہ داری
خاک کو مائلِ پرواز کیا ہے میں نے
آپ کو اِک نئی خِفت سے بچانے کے لیے
چاندنی کو نظر انداز کیا ہے میں نے