سر حسین سناں پہ جدھر سے گزرا ہے

 عارفانہ کلام حمد نعت منقبت سلام

سرِ حسینؑ سِناں پہ جِدھر سے گُزرا ہے

خدا کا نام اسی رہ گزر سے گزرا ہے

نبیؐ کے فرش سے عرشِ بریں کے پردے تک

علیؑ ہر اک مقامِ خبر سے گزرا ہے

نہیں ہے اب کوئی معراجِ مصطفیٰؐ میں گماں

بشر کا قافلہ شہرِ قمر سے گزرا ہے

بیزار ہو گئے تھے جو شاعر حیات سے

 کرکٹ میچ

بیزار ہو گئے تھے جو شاعر حیات سے

کرکٹ کا میچ کھیل لیا شاعرات سے

واقف نہ تھے جو دوستو! عورت کی ذات سے

چوکے لگا رہے تھے خیالوں میں رات سے

آئی جو صبح شام کے نقشے بگڑ گئے

سروں سے ہم غریبوں کے اسٹمپ اکھڑ گئے

جو آم میں ہے وہ لب شیریں میں نہیں رس

 در مدحِ آم

جو آم میں ہے وہ لبِ شیریں میں نہیں رس

ریشوں میں ہے جو شیخ کی داڑھی سے مقدس

آتے ہیں نظر آم تو جاتے ہیں بدن کَس

لنگڑے بھی چلے آتے ہیں کھانے کو بنارس

ہونٹوں میں حسینوں کے جو امرس کا مزا ہے

یہ پھل کسی عاشق کی محبت کا صِلہ ہے

ساری جفائیں سارے کرم یاد آ گئے

ساری جفائیں، سارے کرم یاد آ گئے

جیسے بھی یاد آئے ہوں ہم یاد آ گئے

جب بھی کہیں سے پیار ملا یا خوشی ملی

دنیا کے درد و رنج الم یاد آ گئے

دیکھیں ہیں جب بھی گل کے قریں چند تتلیاں

کتنے خیال و خواب بہم یاد آ گئے

اٹھ چلے وہ تو اس میں حیرت کیا

اٹھ چلے وہ تو اس میں حیرت کیا 

ان کے آگے وفا کی قیمت کیا 

اس کے کوچے سے ہو کے آیا ہوں 

اس سے اچھی ہے کوئی جنت کیا

شہر سے وہ نکلنے والے ہیں 

سر پہ ٹوٹے گی پھر قیامت کیا 

کہوں تو کیا میں کہوں پیاری پیاری آنکھوں کو

کہوں تو کیا میں کہوں پیاری پیاری آنکھوں کو
سبو کہوں؟ کہ صراحی تمہاری آنکھوں کو
کچھ ایسا چھایا ہے دل پر مِرے غبارِ الم
گلوں کے سائے بھی لگتے ہیں بھاری آنکھوں کو
جھلک رہے ہیں وہ پلکوں پہ آنسوؤں کی طرح
وہ غم جو تم نے دئیے ہیں ہماری آنکھوں کو

کتنا رنگین محبت ترا افسانہ ہے

جان جانے کو ہے اور رقص میں پروانہ ہے

کتنا رنگین محبت تِرا افسانہ ہے

یہ تو دیکھا کہ مِرے ہاتھ میں پیمانہ ہے

یہ نہ دیکھا کہ غمِ عشق کو سمجھانا ہے

اتنا نزدیک ہوئے ترکِ تعلق کی قسم

جو کہانی ہے مِری آپ کا افسانہ ہے

توبہ توبہ سے ندامت کی گھڑی آئی ہے

توبہ توبہ سے ندامت کی گھڑی آئی ہے

مے کدے پر بڑی گھنگھور گھٹا چھائی ہے

رنگ کچھ اتنا مِری وحشتِ دل لائی ہے

مجمعِ عام ہے اور آپ کا سودائی ہے

اشک پیتا ہوں تو لو دیتے ہیں چھالے دل کے

آہ کرتا ہوں تو پھر عشق کی رسوائی ہے

اب جشن اشک اے شب ہجراں کریں گے ہم

اب جشنِ اشک اے شبِ ہجراں کریں گے ہم

اپنی تباہیوں پہ چراغاں کریں گے ہم

خود تو کبھی نہ آئے گی ہونٹوں پہ اب ہنسی

ہاں دوسروں کے ہنسنے کا ساماں کریں گے ہم

کیا تھی خبر کہ حد سے گزر جائے گا جنوں

ہاتھوں سے اپنے چاک گریباں کریں گے ہم

غالب نے کی یہ عرض خداوند ذوالجلال

غالب دلی میں

غالب نے کی یہ عرض خداوندِ ذوالجلال

جنت سے کچھ دنوں کیلئے کر مجھے بحال

مہ وش مرے کلام کو سازوں پہ گائے ہیں

قسمت نے بعد مرنے کے کیا دن دکھائے ہیں

شاعر جو منحرف تھے وہ مرعوب ہو گئے

ایواں جو میرے نام سے منسوب ہو گئے

ایسی سردی نہ پڑی ایسے نہ دیکھے جاڑے

جاڑے

  

ایسی سردی نہ پڑی ایسے نہ دیکھے جاڑے

دو بجے دن کو اذاں دیتے تھے مرغ سارے

وہ گھٹا ٹوپ نظر آتے تھے دن کو تارے

سرد لہروں سے جمے جاتے تھے مے کے پیالے

ایک شاعر نے کہا چیخ کے ساغر بھائی

عمر میں پہلے پہل چمچے سے چائے کھائی

روٹی کپڑا اور مکان

روٹی کپڑا اور مکان

دل جل رہے ہیں دوستو غم کے الاؤ میں
بچے بھی مبتلا ہیں دماغی تناؤ میں
پانی کی طرح بہتی ہے دولت چناؤ میں
یکجہتی کا تو نام نہیں رکھ رکھاؤ میں
اک آدمی کے واسطے پتلون، شرٹ، کوٹ
اک آدمی  کے واسطے ممکن نہیں لنگوٹ

بیٹھے ہیں ایسے زلف میں کلیاں سنوار کے

بیٹھے ہیں ایسے زلف میں کلیاں سنوار کے

آئے ہوں جیسے ان کے لیے دن بہار کے

اے تیز رو زمانے! تجھے کچھ خبر بھی ہے

لمحے صدی بنے ہیں شبِ انتظار کے

باقی رہے نہ گلشن و گل اور نہ آشیاں

لیکن ہیں چار سُو وہی چرچے بہار کے