دو دو گھونٹ ہی پی کر دیکھو

 دو دو گھونٹ ہی پی کر دیکھو

تھوڑی دیر تو جی کر دیکھو

سب کچھ دل میں ہی نہ رکھو

بات کوئی پوری کر دیکھو

مے خانے سے ڈرنے والو

زہر پیالہ پی کر دیکھو

یہ غم نہ دے کہ مجھ سے بھلایا نہ جائے گا

 یہ غم نہ دے کہ مجھ سے بھلایا نہ جائے گا

پِھر دل کسی بھی دل سے لگایا نہ جائے گا

روشن ہوئے چراغ تو دیوار گر پڑی

اب گھر کا کوئی راز چھپایا نہ جائے گا

دیکھا اسے تو دل نے مجھے روک کر کہا

ان پتھروں سے ہاتھ ملایا نہ جائے گا

نہ سوال بن کے ملا کرو نہ جواب بن کے ملا کرو

 نہ سوال بن کے ملا کرو، نہ جواب بن کے ملا کرو

میری زندگی میرے خواب ہیں مجھے خواب بن کے ملا کر

ارے شام کو میرے دوستو! نہ عذاب بن کے ملا کرو

مجھے مے کدے میں ملو اگر تو شراب بن کے ملا کرو

رات بھر آنکھ تو نہیں جاگی

 رات بھر آنکھ تو نہیں جاگی

کوئی خواہش مگر کہیں جاگی

سو گیا آسماں ستاروں پر

آندھیوں کے تلے زمیں جاگی

میں جو سوئی تیرے خیالوں میں

چاندنی سی کہیں کہیں جاگی

اک جوگی کا پیار نہ آیا اس لڑکی کو راس

دور دور تک سناٹا ہے، کوئی نہیں ہے پاس 

آ جا دریا ہونٹ سے لگ جا پی لے میری پیاس 

عشق کے پہلے پہلے وار سے وہ بھی ٹوٹ گئی 

اک جوگی کا پیار نہ آیا، اس لڑکی کو راس 

روزانہ پوشاکیں بدلوں، اور خوشبوئیں بھی 

میرے جسم سے اترے نا میری مٹی کی باس 

ایسی لڑکی آج تک دیکھی نہیں ہے مال پر

جو ملا کرتی تھی مجھ کو لکڑیوں کی ٹال پر 

ایسی لڑکی آج تک دیکھی نہیں ہے مال پر 

آنکھ میں سائے کی خواہش پیٹ میں روٹی کی بھوک 

پھر بھی کیسی تازگی تھی پھول جیسے گال پر 

اس کو دیکھا تو اسے بس دیکھتا ہی رہ گیا 

جیسے اک زخمی سی تتلی ایک ٹوٹی ڈال پر 

کھلا اب شام کو بھی گھر کا دروازہ نہیں ہوتا

تِری آواز میں بھی کوئی آوازہ نہیں ہوتا

تری باتوں سے اب تو کوئی اندازہ نہیں ہوتا

کبھی بیٹھک تری دوپہر میں آباد رہتی تھی

کھلا اب شام کو بھی گھر کا دروازہ نہیں ہوتا

کبھی وہ اک اشارے سے سمجھ جاتا تھا ساری بات

جتن کرنے سے بھی اب اس کو اندازہ نہیں ہوتا

مسائل اپنی آنکھوں کے بڑے ہیں

مسائل اپنی آنکھوں کے بڑے ہیں

بہت سے خواب ان دیکھے پڑے ہیں

یہاں لوگوں کی عادت اور سی ہے

میرے اندر تو پاگل پن بڑے ہیں

یہاں آ کر تو پیاسا مر گیا ہوں

سنا تھا شہر میں دریا چڑھے ہیں

مری آنکھوں کو آنکھوں کا کنارہ کون دے گا

مِری آنکھوں کو آنکھوں کا کنارہ کون دے گا
سمندر کو سمندر میں سہارا کون دے گا
مِرے چہرے کو چہرہ کب عنایت کر رہے ہو
تمہیں میرے سوا چہرہ تمہارا کون دے گا
مِرے دریا نے اپنے ہی کنارے کاٹ ڈالے
بپھرتے پانیوں کا اب سہارا کون دے گا

اپنے خوں کو خرچ کیا ہے اور کمایا شہر

اپنے خوں کو خرچ کیا ہے اور کمایا شہر
سارے منظر ٹوٹ گئے اور کام نہ آیا شہر
بے گھر ہونا، بے گھر رہنا سب اچھا ٹھہرا
گھر کے اندر گھر نہیں پایا، شہر میں پایا شہر
سات سمندر پار بھی آنکھیں میرے ساتھ نہ آئیں
چاروں جانب خواب ہیں میرے اور پرایا شہر

ہم سے اپنے گاؤں کی مٹی کے گھر چھینے گئے

ہم سے اپنے گاؤں کی مٹی کے گھر چھینے گئے
جس طرح شہری پرندوں سے شجر چھینے گئے
تتلیوں نے کاغذی پھولوں پہ ڈیرا کر لیا
راستے میں جگنوؤں کے بال و پر چھینے گئے
اس قدر بڑھنے لگے ہیں گھر سے گھر کے فاصلے
دوستوں سے شام کے پیدل سفر چھینے گئے

مجھ کو ایسے نہ خداؤں سے ڈرایا جائے

مجھ کو ایسے نہ خداؤں سے ڈرایا جائے
میرا کیا جرم ہے، اتنا تو بتایا جائے
میری پہچان کی گٹھڑی مجھے واپس کر دو
میرے چہرے پہ مِرا چہرہ سجایا جائے
میری آنکھوں پہ مِری آنکھیں لگائی جائیں
اب کوئی قیمتی پتھر نہ لگایا جائے