لے کے بڑھتے ہی رہو مشعلِ رفتار ابھی
مسندِ وقت پہ بیٹھے ہیں گُنہ گار ابھی
ایک کا ہاتھ اگر کٹ بھی گیا، غم نہ کرو
اپنے لشکر میں بہت سے ہیں علمدار ابھی
تم پیمبر تو نہیں ہو کہ ہے بیعت لازم
اپنے دو ہاتھ کے ہم بھی ہیں طرفدار ابھی
سب ہی جھانکیں گے تو یہ ٹُوٹ کے گِر جائے گی
اتنی مضبوط نہیں جِسم کی دیوار ابھی
میں ہی یہ دستِ شفا اس کے بدن پر رکھ دوں
یہ صدی خُود بھی ہے زخموں سے دُھواں دھار ابھی
تھال پُوجا کے ریاض اور بچا کر رکھیے
ایک سے ایک ہیں اس شہر میں اوتار ابھی
صغیر ریاض
No comments:
Post a Comment