کفر نابود ہوا شرک نگوں سار ہوا

 عارفانہ کلام حمد نعت منقبت

کُفر نابود ہوا، شِرک نِگوں سار ہٗوا

آپؐ کا حُسنِ عمل زیست کا معیار ہوا

نشۂ خواب میں ڈُوبا تھا ضمیرِ انساں

آپؐ کے لُطفِ فراواں سے وہ بیدار ہوا

آپؐ آئے تو جہالت کا فسُوں ٹُوٹ گیا

عالمِ تِیرہ و تاریک ضیاء بار ہوا

گنبد سبز اگر دیدۂ تر میں آ جائے

 عارفانہ کلام حمد نعت منقبت

گُنبدِ سبز اگر دیدۂ تر میں آ جائے

نُور کا سَیل مِرے فکر و نظر میں آ جائے

دل کے آنگن میں نمویاب ہو اِک شاخِ درودؐ

زندگی اُجڑے ہوئے خاک کے گھر میں آ جائے

جس پہ لکھا ہو؛ مدینہ ہے یہاں سے نزدیک

سنگِ میل ایسا مِری راہ گُزر میں آ جائے

فاراں کی چوٹیوں پہ جو چمکا عرب کا چاند

 عارفانہ کلام حمد نعت منقبت

 فاراں کی چوٹیوں پہ جو چمکا عرب کا چاند

ہر سمت کر گیا ہے اُجالا عرب کا چاند

وہ سر زمین بوسہ گہِ قُدسیاں ہوئی

جس سرزمیں کی خاک پہ اُترا عرب کا چاند

اُس پر بصارتوں کا صحیفہ تمام ہے

جس خوش نصیب آنکھ نے دیکھا عرب کا چاند

بام امید سے پھر ایک اشارہ ہوا ہے

بامِ اُمید سے پھر ایک اشارہ ہُوا ہے

چشمِ بے خواب میں روشن کوئی تارہ ہوا ہے

تلخئ غم کا فُسوں ہے کہ فسانہ نہ ہُوا

نشۂ تیز کو ہر گام خسارہ ہوا ہے

تیری خُوشبو سے مہکتا ہے جہانِ ہِجراں

دشتِ امکاں میں تیرا عکس اُتارہ ہوا ہے

ہم جنوں پیشہ کہ رہتے تھے تری ذات میں گم

 ہم جنوں پیشہ کہ رہتے تھے تِری ذات میں گم

ہو گئے سلسلۂ گردشِ حالات میں گم

عرصۂ وصل میں بھی حرفِ تمنا نہ کھلا

حسنِ الہام رہا پردۂ آیات میں گم

عقل انگشت بہ دنداں ہے نظر حیراں ہے

کون سی چیز ہوئی ارض و سماوات میں گم

وہ کیا جہاں ہے جہاں سب جہاں اترتے ہیں

 عارفانہ کلام حمد نعت منقبت

وہ کیا جہاں ہے، جہاں سب جہاں اُترتے ہیں

وہ کیا زمیں ہے، جہاں آسماں اُترتے ہیں

تِرے چمن سے خزاں کا گُزر نہیں ہوتا

تِرے چمن میں گُلِ جاوداں اُترتے ہیں

بس اِک بار وہ شہرِ جمال دیکھنا ہے

جہاں پہ مہر و مَہ و کہکشاں اُترتے ہیں