علم اٹھا کر وہ حق نشانوں سے آ رہے ہیں

 عارفانہ کلام حمد نعت منقبت

علم اٹھا کر وہ حق نشانوں سے آ رہے ہیں 

حسینؑ جگ میں کئی زمانوں سے آ رہے ہیں 

ہدف یزیدوں کا آج بھی ہیں رسول زادے 

کہ تیر اب بھی انہی کمانوں سے آ رہے ہیں 

ابھی بھی بازار شام ویسا ہی ظلم خُو ہے 

ابھی بھی پتھر انہی مکانوں سے آ رہے ہیں 

ہجوم قاتلاں ہوتے ہوئے بھی

 عارفانہ کلام حمد نعت منقبت

ہجوم قاتلاں ہوتے ہوئے بھی

کہاں زینبؑ وہاں ہوتے ہوئے بھی

نہ آئے کیوں مرے عباسؑ اب تک

سروں کا سائباں ہوتے ہوئے بھی

یہ کس کی پیاس ہے تیروں سے چھلنی

لبِ آبِ رواں ہوتے ہوئے بھی

خواب خیموں کو بچانے میں بہت دیر لگی

 خواب خیموں کو بچانے میں بہت دیر لگی

راکھ کے ڈھیر اٹھانے میں بہت دیر لگی

شہر کا شہر ہی بازار میں در آیا تھا

بھیڑ لوگوں کی ہٹانے میں بہت دیر لگی

دو دھڑے ہو تو گئے ایک ہی چھت کے نیچے

دل کو دیوار اٹھانے میں بہت دیر لگی

کسی گھر میں کوئی پتھر گرا تھا

 کسی گھر میں کوئی پتھر گِرا تھا 

مگر، نزلہ فقط مجھ پر گرا تھا 

انا میں دب گئے سب خواب میرے 

بتوں کے سر پہ خود مندر گرا تھا 

میں اکثر جھانکتا تھا پانیوں میں

مِرے ہی عکس پر کنکر گرا تھا

رقم لہو سے ہیں کتنے سوال صحرا میں

 رقم لہو سے ہیں کتنے سوال صحرا میں

بُنے ہیں کتنے قبیلوں نے جال صحرا میں

کوئی تو ہے جو بُلاتا ہے گھر کی چوکھٹ پر

سُلگ اٹھا، دمِ آخر خیال صحرا میں

فضا میں اڑتے پرندے یہ کیا خبر لائے

بہانے لگ گئے آنسو غزال صحرا میں