گزشتہ لفظوں کے معبدوں میں قدیم لہجے پڑے ہوئے ہیں

 گزشتہ لفظوں کے معبدوں میں قدیم لہجے پڑے ہوئے ہیں

ابھی زباں کے موہنجو داڑو میں کچھ صحیفے پڑے ہوئے ہیں

یہاں نشیب و فراز کیسا،۔ جو بھاگنا ہے تو بھاگنا ہے

ہماری قسمت ہمارے سائے ہمارے پیچھے پڑے ہوئے ہیں

خیال رستوں پہ چلتے چلتے جنازے گِرنے لگے زمیں پر

کسی نے بس اتنا کہہ دیا تھا زمیں پہ سِکّے پڑے ہوئے ہیں

کہیں پہ صدق کا چہرہ کہیں صفا کا رنگ

 عارفانہ کلام حمد نعت منقبت

کہیں پہ صدق کا چہرہ کہیں صفا کا رنگ

رواں ہے سورۂ والذکر میں ثنا کا رنگ

نہ ابتداء کی علامت نہ انتہا کا رنگ

خدا کے رنگوں میں پنہاں رہا انا کا رنگ

عجیب شہر ہے سر سبز ہے ہوا کا رنگ

گلی گلی سے عیاں حُسنِ نقشِ پا کا رنگ

ہر اک شجر قصیدہ تھا ہر اک کھجور نعت

 عارفانہ کلام حمد نعت منقبت

ہر اک شجر قصیدہ تھا ہر اک کھجور نعت

صحرا کو کر گیا شبِ اسریٰ کا نور نعت

احمدﷺ حمیدؐ حامدؐ و محمودﷺ کی قسم

عین السطور حمد ہے بین السطور نعت

انجیل تیسری ہے تو قرآن آخری

تورات پہلی نعت تھی دُوجی زبور نعت

رکھے معبود نے بخشش کے بہانے کتنے

 عارفانہ کلام حمد نعت منقبت

رکھے معبود نے بخشش کے بہانے کتنے

نعت لے جائے گی جنت میں نہ جانے کتنے

جھاڑ دیں سیدِ لولاکﷺ تو پا جائیں وجود

گردِ نعلینِ پیمبرﷺ سے زمانے کتنے

لا نہ پایا کوئی بھی سورۂ کوثر کا جواب

اہلِ مکہ نے گھڑے جُھوٹے فسانے کتنے

رحمت کے دربار سجائے جاتے ہیں

 عارفانہ کلام حمد نعت منقبت

رحمت کے دربار سجائے جاتے ہیں

آج زمیں پر عرش بِچھائے جاتے ہیں

آج وہ وجہِ خلقت جگ میں آیا ہے

جس کے لیے ہم لوگ بنائے جاتے ہیں

اسمِ نبیﷺ کا وِرد پکانا پڑتا ہے

صحرا میں یوں پُھول کِھلائے جاتے ہیں

امی لقب سے علم برہان نعت ہے

 عارفانہ کلام حمد نعت منقبت

اُمی لقب سے عَلَّمَ بُرہانِ نعت ہے

اقرأ باسم ربک اعلانِ نعت ہے

وہ پہلا نعت گو وہی سلطانِ نعت ہے

ہر نعت گو رعیّتِ عمرانِؑ نعت ہے

بنیادِ مدحِ سید الابرارﷺ ہے درود

فرمانِ کردگار میں فرمانِ نعت ہے

کنائے ماند ہوئے دم بخود اشارے ہوئے

عارفانہ کلام نعتیہ کلام

کنائے ماند ہوئے دم بخود اشارے ہوئے

نثار حسنِ محمدﷺ پہ استعارے ہوئے

جو لفظ آپؐ کی تصدیق میں اتارے گئے

وہ لفظ آپؐ کی تصدیق سے سپارے ہوئے

امانِ فرشِ زمیں ہو کہ سائبانِ فلک

ہیں دو لباس پرانے تِرےؐ اتارے ہوئے

کاش خوش بخت کوئی ایسی دعا ہو آمین

عارفانہ کلام نعتیہ کلام

کاش خوش بخت کوئی ایسی دعا ہو آمین

جس کی تائید میں آقاﷺ نے کہا ہو آمین

پہلے تو حبس سے محبوس فضا ہو آمین

پھر میسر مجھے طیبہ کی ہوا ہو آمین

نعت وہ نعت کہ ہو جائے عدو خلقِ خدا

کم سے کم موت کی مِدحت پہ سزا ہو آمین

وہ رخت سفر جس میں فقط اذن سفر ہو

عارفانہ کلام نعتیہ کلام

وہ رختِ سفر جس میں فقط اذنِ سفر ہو

اور اگلے قدم آپﷺ کی دہلیز پہ سر ہو

وہ شخص کہ منزل ہی جسے راہگزر ہو

کب اس کی تمنا ہے کہ اس شہر میں گھر ہو

اس دن کی طلب میں ہے یہ سانسوں کی اذیت

جس دن یہ مدینے سے صدا آئے کدھر ہو

ہے عشقِ محمد کا دستور جداگانہ

عارفانہ کلام نعتیہ کلام

ہے عشقِ محمدﷺ کا دستور جداگانہ

جینے کی علامت ہے سرکارؐ پہ مر جانا

طے کر کے یہ نکلا ہے گھر سے کوئی دیوانہ

اس بار مدینے سے واپس ہی نہیں آنا

جبرئیلؑ سے بھی آ گے پہنچے ہیں شبِ اسریٰ

کام آیا ہے ذروں کا قدموں سے لپٹ جانا

بیاں کو نعمت خضریٰ سے بھر دیا جائے

عارفانہ کلام نعتیہ کلام

بیاں کو نعمتِ خضریٰ سے بھر دیا جائے

جو لکھ رہا ہوں اسے نعت کر دیا جائے

نبیؐ کے نور سے لطفِ سحر دیا جائے

سحر کو شمس تو شب کو قمر دیا جائے

میں ایک سنگ ہوں اور بولنے کی حسرت ہے

مجھے بھی اُنؐ کی ہتھیلی پہ دھر دیا جائے

دل کل کا مر گیا ہے کہ بے کل نہیں رہا

 دل کل کا مر گیا ہے کہ بے کل نہیں رہا

وہ غم جو زندگی تھا مسلسل نہیں رہا

سر سبز ہے زمین تِرے بانجھ پن کا بوجھ

پودوں پہ پھول پیڑوں پہ اک پھل نہیں رہا

خیرات، نذر، صدقہ کسی کا اثر نہیں

رنگِ خزاں بہار میں بھی ٹل نہیں رہا

قسمت آنکھ مچولی کھیلے موت رہے ہرجائی

 قسمت آنکھ مچولی کھیلے موت رہے ہرجائی

ہر دو صورت بھوگ رہا ہوں جیون کی رُسوائی

نغمے کی چنچلتا ہو یا نوحے کی گِریائی

لے کا ساتھ نبھائیں ہر دم نوبت اور شہنائی

اک کونے میں بیٹھے بیٹھے علم اُجالے عالم

کتنی کرنیں بانٹ رہی ہے سورج کی تنہائی

ہر اک شجر قصیدہ تھا ہر اک کھجور نعت

عارفانہ کلام نعت سرور کائناتﷺ

کلام بر سفرِ معراجِ نبویﷺ و شبِ برأت

ہر اک شجر قصیدہ تھا ہر اک کھجُور نعت

صحرا کو کر گیا شبِ اسریٰ کا نُور نعت

احمدؐ، حمیدؐ، حامدؐ و محمودﷺ کی قسم

عین السطُور حمد ہے بین السطُور نعت

انجیل تیسری ہے، تو قرآن آخری

تورات پہلی نعت تھی دُوجی زبُور نعت

ہم نے جب کہہ دیا نہیں ملنا

 ہم نے جب کہہ دیا نہیں ملنا

اس کا مطلب ہوا نہیں ملنا

آسماں بھر گیا ہے شکووں سے

آہ کو راستہ نہیں ملنا

وقت پر کیوں نہیں چلے گھر سے

اب کوئی قافلہ نہیں ملنا

بھنور سفینہ سفر سب کا سب کہانی ہے

 بھنور سفینہ سفر سب کا سب کہانی ہے

مسافرت بھی اذیت کی اک نشانی ہے

کسی کی پیاس بجھانے کے کام کی بھی نہیں

ہماری عمر سمندر کا کھارا پانی ہے

نشانِ سجدہ میں بھرنی ہے بندگی کی ضیا

دِیا🪔 بنا لیا ہے، روشنی بنانی ہے

یہ تلازمے یہ علامیے ذرا دور رکھ

 یہ تلازمے، یہ علامیے ذرا دور رکھ

مرے غم سے اپنے مکالمے ذرا دور رکھ

میں ہوا سے محوِ کلام ہوں، ابھی صبر کر

یہ تسلیوں کے بجھے دِیے ذرا دور رکھ

ابھی جل بجھیں گے یہ موم کے ترے آفتاب

انہیں وحشتوں کے چراغ سے ذرا دور رکھ