عارفانہ کلام نعتیہ کلام
ہے عشقِ محمدﷺ کا دستور جداگانہ
جینے کی علامت ہے سرکارؐ پہ مر جانا
طے کر کے یہ نکلا ہے گھر سے کوئی دیوانہ
اس بار مدینے سے واپس ہی نہیں آنا
جبرئیلؑ سے بھی آ گے پہنچے ہیں شبِ اسریٰ
کام آیا ہے ذروں کا قدموں سے لپٹ جانا
تُو ایک وسیلہ ہے آقاﷺ کی زیارت کا
اے دستِ اجل تجھ سے کس بات کا گھبرانا
جا پوچھ لے آدمؑ س سے مٹی ہے خراب اس کی
جس نے بھی محمدﷺ کو اپنا سا بشر جانا
سلمانؑ کا عاشق ہوں، بہلول کا شیدا ہوں
کہتی ہے مجھے دنیا، دیوانوں کا دیوانہ
حسنین اکبر
No comments:
Post a Comment