عارفانہ کلام نعتیہ کلام
تعبیر شبِ غیب، شبستانِ محمدﷺ
والفجر طلوعِ رخِ تابانِ محمدﷺ
ہے کوئی جو دیکھے رخِ تابانِ محمدﷺ
ہر دم نگہِ حق ہے نگہبانِ محمدﷺ
یہ مشک فشاں، پیکرِ جاں، خلد بادماں
الله رے گلہائے گلستانِ محمدﷺ
یہ عالم ارواح، یہ برزخ، یہ شہادت
کچھ بھی نہیں جزِ حسنِ خرامانِ محمدﷺ
ہر آن نئی شان میں الله نمایاں
ہر آن ہے الله کی شایانِ محمدﷺ
گل ہو کہ ثمن ہو کہ وہ خوشبوئے جِنان ہو
منت کشِ یک جنبشِ دامانِ محمدﷺ
الله نے کیا کیا ہمیں جلوے نہ دکھائے
ہر جلوہ نماں تھا بعنوانِ محمدﷺ
یہ وسعت کونین مِری طرح ذہین آج
حاضر ہے تہِ گوشۂ دامانِ محمدﷺ
ذہین شاہ تاجی
محمد طاسین فاروقی
No comments:
Post a Comment