نہ ہار کی نہ کبھی جیت کی کتاب پڑھی

نہ ہار کی، نہ کبھی جیت کی کتاب پڑھی

ازل سے ہم نے فقط پِیت کی کتاب پڑھی

جو بے زبان کلی کی چٹک سے پھوٹا تھا

زبانِ لال سے اس گیت کی کتاب پڑھی

جو کھینچتی ہے سمندر کے پاس دریا کو

سفر میں ایک اسی رِیت کی کتاب پڑھی

شب وہ شہر خرابات میں کیا ہم نے گزاری

شب وہ شہرِ خرابات میں کیا ہم نے گزاری

لو اک شمعِ فروزاں کی دل و جاں میں اتاری

نے تھی نارِ نواہائے پُر اسرار سے لبریز

لے تھی روئے گلِ تر کے لیے بادِ بہاری

دیکھیں اپنی نگاہوں نے بھی کچھ اپنی ادائیں

رخ تک آئینہ کے آ نہ گئی آہ ہماری 

آنکھ صحرا سے بھی ملا بارش

بحر ہی میں نہ ڈوبنا بارش

آنکھ صحرا سے بھی ملا بارش

ریت سے رم تِرا تماشا ہے

آبشاروں کی آشنا بارش

پیاس بھی تھی تو پاس بھی تھا تِرا

سب کا شیوہ گِلہ نہ تھا بارش

آتش جاں میں جل رہا ہے چنار

آتشِ جاں میں جل رہا ہے چنار

اپنے موسم بدل رہا ہے چنار

چشمِ نرگس کی آبیاری سے

وادئ گل میں پل رہا ہے چنار

غرقِ دریا غرور طوفاں کا

آفتوں میں اٹل رہا ہے چنار

سفر کے ستم بھی دل آزار تھے

سفر کے ستم بھی دل آزار تھے

مسافر بھی کچھ سست رفتار تھے

یہ منزل پرستوں سے مخفی رہا

خمِ رہ گزر گیسوئے یار تھے

شکستِ خودی کے بجھائے ہوئے

دل ان کے تمنا سے بیزار تھے

اپنی تلخی مے سے ساغر ٹوٹ گیا

اپنی تلخئ مے سے ساغر ٹوٹ گیا

پینے والا آنسو پی کر ٹوٹ گیا

بت کو پجاری بیچ کے کھانے آ نکلا

شرمِ گنہ سے تیشۂ آزر ٹوٹ گیا

جادو اب بھی ایک جہاں پر غالب تھا

خود محرومِ یقیں جادوگر ٹوٹ گیا

خود اپنا جرم خود اپنی سزا تھی

خود اپنا جرم خود اپنی سزا تھی

وہ رات افسردگی کی انتہا تھی

سرِ شام آرزو ہی سو گئی تھی

نہ دل بے کل نہ ہونٹوں پر دعا تھی

ہوا بھی خشک لب ہی رینگتی تھی

کلی بھی بے دلی میں مبتلا تھی

جنگل رحمت باراں کو ترستے ہیں ہمارے

جنگل رحمتِ باراں کو ترستے ہیں ہمارے

بادل بحر کی گہرائیوں کو ہو گئے پیارے

اب کے آگ برستی ہے ہوا کوہ و دمن پر

اب کے تشنگئ سرو و سمن کس کو پکارے

یاں اس جوئے خراماں کو خزاں چاٹ رہی ہے

واں اس شاخِ صنوبر پہ ستمگار ہیں آرے

ہریالی اور نیل گگن ناچ مرے متوالے من

ہریالی اور نیل گگن

ناچ مِرے متوالے من

نیل آکاش میں کوئیلیا

لہری، من موجی، بِرہن

پھولوں کو چھب دکھلاتی

تتلی پھلواری میں مگن

اذان

اذان

ہوا

تِرا فرضِ منصبی ہے

کہ شاخساروں سے

پیلے پتوں کا بوجھ اتارے

مگر

یہ اجڑے چمن

یہ اکھڑے شجر

کرب تاریکی میں تاروں کی بہار

کربِ تاریکی میں تاروں کی بہار

کچھ تو جگنو بھی کریں گے یلغار

وقت نے پیڑ پہ "پت جھڑ" لکھا

پیڑ نے پالی ہے رگ رگ میں بہار

راہ کیوں بھول گئی ہے برکھا

اے مِرے پیاسے پکھیرو، ملہار

دعا سمندر یہ بادل کے نادار ٹکڑے

دعا

سمندر

یہ بادل کے نادار ٹکڑے

جنہیں اپنی سب کی اور بے مائیگی

اوجِ موجِ ہوا پر چڑھا کر

بلندی کے موہوم جھانسے میں لا کر