شب وہ شہرِ خرابات میں کیا ہم نے گزاری
لو اک شمعِ فروزاں کی دل و جاں میں اتاری
نے تھی نارِ نواہائے پُر اسرار سے لبریز
لے تھی روئے گلِ تر کے لیے بادِ بہاری
دیکھیں اپنی نگاہوں نے بھی کچھ اپنی ادائیں
یاں تھی ریگِ رواں جلوہ گہِ انجمِ تاباں
واں تھی موجِ تپاں ماہِ درخشاں کی سواری
خاکستر میں رہے تخمِ گل و لالہ پُر امید
پتھر سے بھی وہاں جوئے جگر تاب تھی جاری
برگِ سوسنِ گلمرگ سخن ور کی زباں تھی
اک کیفیتِ کشمیر تھی کونین پہ طاری
لب اک لعبتِ شب تاب کے فردوسِ نوا تھے
عازم کارِ جنوں بارِ متانت سے ہے عاری
مظفر عازم
No comments:
Post a Comment