جہاں عہد تمنا ختم ہو جائے

 جہاں عہدِ تمنا ختم ہو جائے

عذابِ جاودانی زندگی ہے

رُلاتی ہے مجھے کیوں چاندنی رات

یہی اک راز میری زندگی ہے

خلش ہو، درد ہو، کاہش ہو، کچھ ہو

فقط جینا بھی کوئی زندگی ہے

صحن‌ چمن ہے گوشۂ زنداں ترے بغیر

 صحن‌ چمن ہے گوشۂ زنداں تِرے بغیر

معمورۂ حیات ہے ویراں تِرے بغیر

چھپ چھپ کے جس کو دیکھنے آتا تھا ماہتاب

ظلمت کدہ ہے اب وہ شبستاں تِرے بغیر

جلتا ہے چارہ ساز کی نادانیوں پہ جی

میں اور میرے درد کا درماں تِرے بغیر

مجھے الزام نہ دے ترک شکیبائی کا

 مجھے الزام نہ دے ترکِ شکیبائی کا

مجھ سے پوشیدہ ہے عالم تِری رعنائی کا

مانعِ جلوہ گری خوف ہے رسوائی کا

بس اسی پر تمہیں دعویٰ ہے زلیخائی کا

کیا کہوں گر اسے اعجازِ محبت نہ کہوں

حسن خود محوِ تماشا ہے تماشائی کا

ہنستی آنکھیں ہنستا چہرہ اک مجبور بہانہ ہے

ہنستی آنکھیں ہنستا چہرہ اک مجبور بہانہ ہے

چاند میں سچ مچ نور کہاں ہے چاند تو اک ویرانہ ہے

ناز پرستش بن جائے گا صبر ذرا اے شورشِ دل

الفت کی دیوانہ گری سے حسن ابھی بیگانہ ہے

مجھ کو تنہا چھوڑنے والے تو نہ کہیں تنہا رہ جائے

جس پر تجھ کو ناز ہے اتنا اس کا نام زمانہ ہے

کیا کہیے روئے حسن پہ عالم نقاب کا

کیا کہیے روئے حسن پہ عالم نقاب کا

منہ پر لیا ہے مہر نے دامن سحاب کا

تصویر میں نے مانگی تھی شوخی تو دیکھیے

ایک پھول اس نے بھیج دیا ہے گلاب کا 

اب کیا سنائیں ٹوٹے ہوئے دل کی داستاں

آہنگ بے مزہ ہے شکستہ رباب کا

کوئی ادا شناس محبت ہمیں بتائے

کوئی ادا شناسِ محبت ہمیں بتائے

جو ہم کو بھول جائے وہ کیوں ہم کو یاد آئے

کس کی مجال تھی کہ حجابِ نظر اٹھائے

وہ مسکرا کے آپ ہی دل کے قریب آئے

اک دل نشیں نگاہ میں اللہ یہ خلش

نشتر کی نوک جیسے کلیجے میں ٹوٹ جائے

دیر لگی آنے میں تم کو شکر ہے پھر بھی آئے تو

دیر لگی آنے میں تم کو شُکر ہے پھر بھی آئے تو
 آس نے دل کا ساتھ نہ چھوڑا ویسے ہم گھبرائے تو
شفق دھنک مہتاب گھٹائیں تارے نغمے بجلی پھول
 اس دامن میں کیا کیا کچھ ہے دامن ہاتھ میں آئے تو
چاہت کے بدلے میں ہم نے بیچ دی اپنی مرضی تک
کوئی ملے تو دل کا گاہک کوئی ہمیں اپنائے تو