غبار جاں ہے فدائے محمد عربی

 عارفانہ کلام حمد نعت منقبت

غبارِ جاں ہے فدائے محمدﷺ عربی

اُڑی ہے لے کے ہوائے محمدﷺ عربی

وسیلہ کیا ہے سوائے محمدﷺ عربی

خدا بھی ہے تو خدائے محمدﷺ عربی

چمن حیات کا برسوں سے تھا خزاں دیدہ

بہار آئی جو آئے محمدﷺ عربی

رکھنی ہے ہمیں اس وطن پاک کی عزت

 نصر من اللہ (رزمیہ کلام)

رکھنی ہے ہمیں اس وطن پاک کی عزت

ہم پایۂ گردوں ہے اسی خاک کی عزت

رہنی ہے غلام شہِ لولاکﷺ کی عزت

رکھے گا خدا جذبۂ بے باک کی عزت

اللہ نگہبان ہے اس پاک چمن کا

ہر فرد محافظ ہے یہاں اپنے وطن کا

حبیب رب العلا محمد شفیع روز جزا محمد

عارفانہ کلام حمد نعت مقبت

حبیب رب العلا محمدﷺ شفیعِ روزِ جزا محمدﷺ

نگاہ کا مدعا محمدﷺ، خیال کا آسرا محمدﷺ

انہی سے دنیا میں روشنی ہے انہی سے عرفان وآگہی ہے

ہیں آفتابِ جہاں محمدﷺ، جمالِ نورِ خدا محمدﷺ

یہی ہیں زخمِ جگر کا مرہم انہی کا ہے اسم، اسمِ اعظم

قرار بے تابیوں کو آیا، زباں سے جب کہہ دیا محمدﷺ

دارالاماں یہی ہے حریم خدا کے بعد

 عارفانہ کلام حمد نعت منقبت

دارالاماں یہی ہے حریمِ خدا کے بعد

ہم کس کے در پہ جائیں درِ مصطفیٰؐ کے بعد

پُر نُور کتنا خاکِ مدینہ سے دل ہوا

آئینہ کیسا صاف ہوا ہے جِلا کے بعد

روزِ جزا سے قبل شفاعت کریں گے آپؐ

جنّت بھی آپؐ بخشیں گے روزِ جزا کے بعد

جو قلب و نظر میں سمایا مدینہ

عارفانہ کلام نعتیہ کلام

جو قلب و نظر میں سمایا مدینہ

چلے جس طرف ہم تو آیا مدینہ

وہیں جیسے جنت کا در کُھل گیا ہے

ذرا جو تصور میں آیا مدینہ

جو دنیا نے رنگ اپنے مجھ کو دکھائے

تو پیشِ نظر جگمگایا مدینہ

کوئی وقت سکوں اے گردش ایام آ جائے

کوئی وقتِ سکوں اے گردشِ ایّام آ جائے

قفس کی صبح آ جائے، چمن کی شام آ جائے

ستا اتنا نہ اے آوارگی! ایذا پسندوں کو

تھکیں، اور تھک کے دل میں خواہشِ آرام آ جائے

دُعا کر تشنہ کامی! یہ جمودِ مے کدہ ٹُوٹے

تِری تقدیر سے گردش میں شاید جام آ جائے

موڑ لو دل کو مدینے کی طرف

عارفانہ کلام نعتیہ کلام

موڑ لو دل کو مدینے کی طرف

اب چلو یارو! مدینے کی طرف

شوقِ بے پایاں سے جو لرزاں‌ ہوں

لے چلو مجھ کو مدینے کی طرف

حجِ بیت اللہ سے فارغ ‌ہوئے

آؤ اب دوڑو مدینے کی طرف

پیش نگاہ خاص و عام شام بھی تو سحر بھی تو

عارفانہ کلام نعتیہ کلام

پیشِ نگاہ خاص و عام، شام بھی تُو، سحر بھی تُو

جلوہ طراز اِدھر بھی تو، روح نواز اُدھر بھی تُو

ایک نگاہ میں ‌جلال، ایک نگاہ میں جمال

منزل طور پر بھی تو، مسند عرش پر بھی تُو

عجز و نیاز بندگی تیری نوازشوں سے ہے

حاکمِ ہر دعا بھی تُو، بارگہِ اثر بھی تُو

منزل پہ پہنچنے کا مجھے شوق ہوا تیز

منزل پہ پہنچنے کا مجھے شوق ہوا تیز

رستہ ملا دشوار، تو میں اور چلا تیز

ہاتھوں کو ڈبو آۓ ہو تم کس کے لہو میں

پہلے تو کبھی اتنا نہ تھا رنگِ حنا تیز

مجھ کو یہ ندامت ہے کہ میں سخت گلو تھا

تجھ سے یہ شکایت ہے کہ خنجر نہ کیا تیز

فصل گل جا مرے دل سے ترا ارمان گیا

حسن جو رنگ خزاں میں ہے وہ پہچان گیا

فصلِ گل جا مِرے دل سے تِرا ارمان گیا

تُو خداوندِ محبت ہے، میں پہچان گیا

دل سا ضدی تِری نظروں کا کہا مان گیا

آئینہ خانہ سے ہوتا ہوا حیران گیا

خود فراموش ہوا جو تمہیں پہچان گیا

حسین نزہت باغ پیمبر عربی

عارفانہ کلام منقبت سلام مرثیہبر امام حسینؑ

حسینؑ نزہتِ باغِ پیمبرِ عربیؐ
حسینؑ نازشِ فاقہ، وقارِ تشنہ لبی​
حسینؑ مرکزِ ایثار و مخزنِ تسلیم
حسینؑ شمعِ حقیقت، چراغِ بزمِ نبیؐ
حسینؑ لختِ دلِ مرتضٰیؑ و جانِ بتولؑ
جہاں میں کس کو میسر ہے یہ علو نسبی

بنت نبی کی گود کا پالا ہوا حسین

عارفانہ کلام منقبت سلام امام حسینؑ

بنتِؑ نبیؐ کی گود کا پالا ہوا حسینؑ 

انوارِ سرمدی سے اجالا ہوا حسینؑ

ناناؐ کی تربیت سے سنبھالا ہوا حسینؑ

سانچے میں‌ اعتبار کے ڈھالا ہوا حسینؑ

تنہا امین مصحفِ پروردگار کا

وارث نبیؐ کے حلم کا اور ذوالفقار کا

تیری نظر ہے میرا دل ہے کیا کیا جائے

تیری نظر ہے میرا دل ہے کیا کِیا جائے

جنوں خِرد کے مقابل ہے کیا کِیا جائے

ہم اپنے غم کا فسانہ سنانے آئے تھے

مگر یہ آپ کی محفل ہے کیا کِیا جائے 

جھکا دیا ہے محبت نے آپ کے در پر

جبِیں اٹھاؤں یہ مشکل ہے کیا کِیا جائے

اس کو بھی ہم سے محبت ہو ضروری تو نہیں

اس کو بھی ہم سے محبت ہو ضروری تو نہیں

عشق ہی عشق کی قیمت ہو ضروری تو نہیں

ایک دن آپ کی برہم نِگہی دیکھ چکے

روز اک تازہ قیامت ہو ضروری تو نہیں 

میری شمعوں کو ہواؤں نے بجھایا ہو گا

یہ بھی ان کی شرارت ہو ضروری تو نہیں

غم میں یکساں بسر نہیں ہوتی

غم میں یکساں بسر نہیں ہوتی
شب کوئی بے سحر نہیں ہوتی
فرق ہے شمع و جلوہ میں ورنہ
روشنی کس کے گھر نہیں ہوتی
یا مِرا ظرفِ کیف بڑھ جاتا
یا شراب اس قدر نہیں ہوتی

پوچھیں ترے ظلم کا سبب ہم

پوچھیں تِرے ظلم کا سبب ہم
اتنے تو نہیں ہیں بے ادب ہم
الزام نہیں ہے فصلِ گل پر
خود اپنے جنوں کا ہیں سبب ہم
مافوقِ حدودِ جستجو تم
آوارۂ منزلِ طلب ہم

جوانی زندگانی ہے نہ تم سمجھے نہ ہم سمجھے

جوانی زندگانی ہے نہ تم سمجھے، نہ ہم سمجھے
یہ اک ایسی کہانی ہے نہ تم سمجھے نہ ہم سمجھے
ہمارے اور تمہارے واسطے میں اک نیا پن تھا
مگر دنیا پرانی ہے نہ تم سمجھے، نہ ہم سمجھے
عیاں کر دی ہر اک پر ہم نے اپنی داستانِ دل
یہ کس کس سے چھپانی ہے نہ تم سمجھے نہ ہم سمجھے

یگانہ بن کے ہو جائے وہ بے گانہ تو کیا ہو گا

یگانہ بن کے ہو جائے وہ بیگانہ تو کیا ہو گا
جو پہچانا تو کیا ہو گا، نہ پہچانا تو کیا ہو گا
کسی کو کیا خبر آنسو ہیں کیوں چشمِ محبت میں
فغاں سے گونج اٹھے گا جو ویرانہ تو کیا ہو گا
ہماری سی محبت تم کو ہم سے ہو تو کیا گزرے
بنا دے شمع کو بھی عشق پروانہ تو کیا ہو گا

کعبہ ہے کہ بتخانہ مجھے ہوش نہیں ہے

کعبہ ہے کہ بت خانہ مجھے ہوش نہیں ہے
اک لذتِ سجدہ ہے جو محسوس جبیں ہے
دل وہمِ بہاراں میں گرفتار نہیں ہے
صرف اپنے نشیمن کی تباہی کا یقیں ہے
خواہش ہے کہ حاصل مجھے دنیا بھی ہو دِیں بھی
محسوس یہ ہوتا ہے کہ دنیا ہے نہ دِیں ہے

دنيا سے بچ كے قبر كے چكر ميں قيد ہوں

دنيا سے بچ كے قبر كے چكر ميں قيد ہوں
اُس گھر سے چھٹ گيا ہوں تو اِس گھر ميں قيد ہوں
عالم کی وسعتوں میں کہیں بھی رہوں، مگر
اپنی جگہ نگاہِ ستم گر ميں قيد ہوں
دريا كی لہر كہئے تو ساحل كی قيد ہے
ہوں جرعۂ شراب تو ساغر ميں قيد ہوں