ہم ان سے دور ہوتے جا رہے ہیں

 ہم ان سے دور ہوتے جا رہے ہیں

بہت مجبور ہوتے جا رہے ہیں

جنہیں گمنام رہنا چاہئے تھا

وہی مشہور ہوتے جا رہے ہیں

سنبھل جاؤ کہ اب دشمن کے حملے

بہت بھرپور ہوتے جا رہے ہیں

چھپ چھپ کے محبت کو نہ بدنام کیا جائے

 چھپ چھپ کے محبت کو نہ بدنام کیا جائے

جو کام کیا جائے، سرِ عام کیا جائے

یہ دل کہ تِرے بعد بہلتا ہی نہیں ہے

اب تُو ہی بتا کیسے اسے رام کیا جائے

یہ تو مِرے حرفوں کا تقاضا ہے میری جان

جو شعر لکھا جائے، تِرے نام کیا جائے

مرے گمان کی حد سے نکلنے والا تھا

مِرے گمان کی حد سے نکلنے والا تھا

وہ مجھ سے پہلے ہی رستہ بدلنے والا تھا

تجھے ہی جانے کی عجلت تھی اے مسافر من

وگرنہ میں بھی تِرے ساتھ چلنے والا تھا

جہاں پہ قافلہ سالار تھک کے بیٹھ گیا

وہیں سے اک نیا رستہ نکلنے والا تھا

اب آ بھی جاؤ مسافر سفر تمام ہوئے

 اب آ بھی جاؤ مسافر، سفر تمام ہوئے

کہ لوٹ آئے پرندے بھی گھر کو شام ہوئے

یہ معجزہ ہے، کوئی حرف معتبر نہ ہوا

جو لفظ آب رواں پر لکھے، دوام ہوئے

ہمیں تو آپ نے بے مول ہی خرید لیا

حضور! آج سے ہم آپ کے غلام ہوئے

کچھ تو ہمت کرو طوفان اٹھاؤ یارو

 کچھ تو ہمت کرو طوفان اٹھاؤ یارو

بدنما چہروں کو آئینہ دکھاؤ یارو

توڑ ہی ڈالو یہ خاموشی کا جان لیوا طلسم

آپ بیتی، کوئی جگ بیتی سناؤ یارو

کیا خبر، دار سے پھر کون سلامت آئے

آج کی رات کوئی جشن مناؤ یارو

وہ بھی کیا دن تھے محبت بھرے دن

 گزرے ہوئے دن

وہ بھی کیا دن تھے، محبت بھرے دن

لفظ جب پانی پہ تحریر ہوا کرتے تھے

خواب تعبیر ہوا کرتے تھے

رات خاموشی سے آ جاتی تھی

دن دبے پاؤں گزر جاتا تھا

قصل کا نشہ رگ و پے میں اتر جاتا تھا

کچھ اہتمام سفر کا ضرور کرنا ہے

 کچھ اہتمام سفر کا ضرور کرنا ہے

کہ اس کے شہر سے ہو کر مجھے گزرنا ہے

میں چپ نہیں ہوں کسی مصلحت کے پیش نظر

میں جانتا ہوں کہاں اختلاف کرنا ہے

ہمارے جسم سے پتھر بندھے ہوئے ہیں مگر

سمندروں کی تہوں سے ہمیں ابھرنا ہے

نئے شہروں کی جب بنیاد رکھنا

نئے شہروں کی جب بنیاد رکھنا

پرانے شہر بھی آباد رکھنا

پڑی ہو پاؤں میں زنجیر پھر بھی

ہمیشہ ذہن کو آزاد رکھنا

کسی کی یاد جب شدت سے آئے

بہت مشکل ہے خود کو یاد رکھنا

نئے رستوں پہ چلنا چاہتا ہوں

نئے رستوں پہ چلنا چاہتا ہوں

ہوا کا رخ بدلنا چاہتا ہوں

نہ کر مجھ پر اندھیروں کو مسلط

میں سورج ہوں، نکلنا چاہتا ہوں

کسی کے تجربوں کا کیا بھروسہ

میں خود گر کر سنبھلنا چاہتا ہوں

محبتوں میں ہر ایک لمحہ وصال ہو گا یہ طے ہوا تھا

محبتوں میں ہر ایک لمحہ وصال ہو گا، یہ طے ہوا تھا

بچھڑ کے بھی ایک دوسرے کا خیال ہو گا، یہ طے ہوا تھا

وہی ہوا ناں، بدلتے موسم میں تم نے ہم کو بھلا دیا ہے

کوئی بھی رُت ہو نہ چاہتوں کو زوال ہو گا، یہ طے ہوا تھا

یہ کیا کہ سانسیں اکھڑ گئی ہیں سفر کے آغاز میں ہی یارو

کوئی بھی تھک کے نہ راستے میں نڈھال ہو گا، یہ طے ہوا تھا

دعاؤں کے دیے جب جل رہے تھے

دعاؤں کے دِیے جب جل رہے تھے

مِرے غم آنسوؤں میں ڈھل رہے تھے

کسی نیکی کا سایہ تھا سروں پر

جو لمحے آفتوں کے ٹل رہے تھے

ہوا احساس یہ آدھی صدی بعد

یہاں پر صرف رستے چل رہے تھے