میں ہوں اک مزدور کی بیٹی میرا نسب غریبی ہے

 میں ہوں اک مزدور کی بیٹی

میرا نسب غریبی ہے

کتنی گرم دوپہروں میں بھی

اپنے باپ اور بھائی کے سنگ

اپنی بہن اور ماں کے ساتھ

سارا دن اس سڑک کنارے

پتھر کوٹتی رہتی ہوں

تری کامرانیوں پہ مرا دل بھی مسکرائے

 دوست کے لیے ایک دعا

تِری کامرانیوں پہ مِرا دل بھی مسکرائے

اے مِرے حسین ساتھی! تجھے کوئی غم نہ آئے

کبھی راستہ نہ بھولیں تِرے گھر کا یہ بہاریں

تیری منزلوں کا جگنو سدا یونہی جگمگائے

کبھی آنسوؤں کی شبنم تِری آنکھ پر نہ اُترے

نہ کوئی کرن سحر کی تمہیں بے قرار پائے

شازیہ اکبر

کیوں مرے خواب پریشاں نہیں ہونے دیتے

 کیوں مِرے خواب پریشاں نہیں ہونے دیتے

کیوں مجھے ذات پہ حیراں نہیں ہونے دیتے

کیوں مِرے پھیلے ہوئے ہاتھ ہیں خالی اب تک

کیوں مِرے بخت کا ساماں نہیں ہونے دیتے

ہم تِری کھوج میں اک اور خدا کو پرکھیں

ہم کو اتنا بھی تو ناداں نہیں ہونے دیتے

ہم کہاں سے آئے ہیں اور کدھر کو جانا ہے

 بے نام مسافت

ہم کہاں سے آئے ہیں 

اور کدھر کو جانا ہے

راستہ نہیں معلوم

کچھ خبر نہ منزل کی

مضطرب ہے دل اپنا

روح بے سہارا ہے

کسی رات کی تیرگی سے نکالا ہوا راستہ ہوں سیاہ حاشیہ ہوں

 حاشیہ

کسی رات کی تیرگی سے نکالا ہوا راستہ ہوں

سیاہ حاشیہ ہوں

سیاہی کہ جو بیکراں کائناتوں کا ملبوس پہنے ستارے جنے گی

سیاہی کہ جس کے سیاہ ریشمی پلووں پر 

کرن اور گوٹی کا بخیہ لگا کر سیا ہے

اچھا کہتے ہیں کہاں تجھ کو زمانے والے

 اچھا کہتے ہیں کہاں تجھ کو زمانے والے

ہم نہیں، عشق! تِرے حال میں آنے والے

کتنے لوگوں نے مجھے بھیجی ہے تصویر مِری 

دیکھ آئینے مِرا عکس مٹانے والے

مل تو جائیں گے مگر کم ہی ملیں گے ایسے

عمر کے ساتھ یہاں پیار بڑھانے والے

اس قدر بے نیام خاموشی زہر ہے صبح و شام خاموشی

 اس قدر بے نیام خاموشی

زہر ہے صبح و شام خاموشی 

سخت گستاخ، من چلی، ضدی

بے دھڑک، بے لگام خاموشی

 تیرے داؤ سے بچ گیا جو اسے

بھیج دینا سلام خاموشی

تم سے مل کر میں نے رکھ دیں اپنی آنکھیں پوروں میں

 میں تم ہو جاتی ہوں

تم سے مل کر میں نے رکھ دیں

اپنی آنکھیں پوروں میں

اور سماعت مختص کر دی

نین و نقش بنانے کو

سچ پوچھو تو میں نے جیسے

پیرہن سے جو چھلکتا ہے سراپا میرا

 پیرہن سے جو چھلکتا ہے سراپا میرا

پوچھوں آئینے سے یہ روپ ہے کیسا میرا

کاش باطن سے مرا رنگ ابھرتا نہ کوئی

میری تصویر نے رکھا نہیں پردا میرا

منتظر ایک فراموش ہوئے لمحے کی ہوں

زندگی بھر پہ محیط ایک وہ لمحہ میرا

جان دے کر تجھے جینے کی دعا دیتے ہیں

جان دے کر تجھے جینے کی دعا دیتے ہیں

کتنا انمول وفاؤں کا صلہ دیتے ہیں 

بامروت ہیں مِرے شہر کے رہنے والے

لے کے بینائی مِری، دیپ جلا دیتے ہیں 

حاکمِ وقت سے رکھتے ہیں عداوت، لیکن

اس کی ہر ہاں میں سبھی ہاں بھی ملا دیتے ہیں 

دل و نگاہ کے حسن و قرار کا موسم

دل و نگاہ کے حسن و قرار کا موسم

وہ تیری یاد تِرے انتظار کا موسم

جھکی ہے آنکھ کئی رت جگے سمیٹے ہوئے

چھپا ہے لمس میں کیسا خمار کا موسم

ہمارے پیار نے عمرِ دوام مانگی ہے

ہمیں قبول نہیں تھا اُدھار کا موسم

تمہاری الفت کے اس جنوں نے عجیب جادو جگا دیا ہے

تمہاری الفت کے اس جنوں نے عجیب جادو جگا دیا ہے

میں بھولنا چاہتی تھی تم کو، زمانہ تم نے بھلا دیا ہے 

مِرے لہو میں یہ ننھے منے چراغ کتنے ہی جل اٹھے ہیں 

یہ کیسے تم نے چھُوا ہے جاناں! کہ میرا پہلو جلا دیا ہے 

میں اپنے لفظوں کو نکہتوں کے پروں سے اڑتا بھی دیکھتی ہوں 

تمہاری چاہت نے میرے فن سے کثافتوں کو مِٹا دیا ہے 

ترے خیال کو بھی فرصت خیال نہیں

تِرے خیال کو بھی فرصتِ خیال نہیں 

جدائی ہجر نہیں ہے، ملن وصال نہیں 

مِرے وجود میں ایسا سما گیا کوئی

غمِ زمانہ نہیں، فِکر ماہ و سال نہیں 

اسے یقین کے سورج سے ہی ابھرنا ہے 

وہ سیلِ وہم میں بہتا ہوا جمال نہیں 

دید سے ذوق ملاقات سے آگے نکلے

دید سے، ذوقِ ملاقات سے آگے نکلے 

عشق ممکن ہے تِری ذات سے آگے نکلے

لاگ جب اس کی بدل جائے لگاؤ میں کبھی

خاک تو ارض و سماوات سے آگے نکلے

روک لیتی ہے طلسمات کی جادو نگری

کب کوئی شہرِ جمادات سے آگے نکلے

فسانے کے کسی کردار سے الجھا نہیں کرتے

فسانے کے کسی کردار سے اُلجھا نہیں کرتے

کسی نادان کی تکرار سے الجھا نہیں کرتے

بقدرِ ظرف ملتی ہے محبت جس سے ملتی ہے

یہاں سائل کبھی سرکار سے الجھا نہیں کرتے

یہ درویشانِ الفت کی روایت ہے زمانے میں

کسی کی جیت، اپنی ہار سے الجھا نہیں کرتے

موت کا سکہ آؤ چرا کے لہو سی سرخی

موت کا سکہ

آؤ چُرا کے لہو سی سرخی

وقت سے فرصت

اور سورج سے تھوڑی حدت

پھر دھڑکن کی چابک لے کر

ڈوبتی نبضوں کو دوڑائیں

اور صحرائے زیست کو پاٹیں

تم جو سارے شہر کو خالی کر جاتے ہو

کیوں جاتے ہو

تم جو سارے شہر کو خالی کر جاتے ہو

کیوں جاتے ہو

تم کیا جانو پیار کی نظمیں

ہجر کے گیت میں ڈھل جاتی ہیں

شامیں پھیکی پڑ جاتی ہیں

اور راتوں کو کلی کلی کی

اداسی گرد جمی ہے آئینے پر

اداسی

گرد جمی ہے آئینے پر

میز پہ رکھی ڈائری چپ ہے

سوکھ چکی ہے قلم سیاہی

اور کتابیں بھی گم صم ہیں

شکن شکن ہے بستر سارا

گجرے کب کے ٹوٹ چکے ہیں

سدا ممتاز لگتا ہے دسمبر کس لیے آخر

دسمبر

وہ درجن بھر مہینوں سے

سدا ممتاز لگتا ہے

دسمبر کس لیے آخر 

ہمیشہ خاص لگتا ہے

بہت سہمی ہوئی صبحیں

اداسی سے بھری شامیں