رنگ اردو دنیا بھر کے نامور کلاسیک اور نوجوان اردو شعراء کے شاہکار کلام پر مبنی بلاگ🌷Rung E Urdu a blog of worldsfamous poetry of past & present era
وہ بہکی نگاہیں کیا کہیے، وہ مہکی جوانی کیا کہیے
وہ کیف میں ڈوبے لمحوں کی اب رات سہانی کیا کہیے
الجھی ہوئی زلفیں خواب اثر بدمست نگاہیں وجہ بقا
دنیا سے مگر امکان شب اسرار و معانی کیا کہیے
روداد محبت سن سن کر خود حسن کو بھی نیند آنے لگی
اب اور کہاں سے لائیں دل اب اور کہانی کیا کہیے
مجھ کو فلک فلک نہیں، مجھ کو زمیں زمیں نہیں
محفلِ دو جہاں ہے ہیچ، ایک اگر تمہیں نہیں
زاہدِ مے پرست کو، ہم نے بھی تاڑ ہی لیا
اصل میں 'ہاں' سے کم نہیں اس کی یہ سب نہیں نہیں
یہ بھی ہے شانِ عاشقی، میرے خلوصِ عشق پر
سارے جہاں کو ہے یقیں، تم کو مگر یقیں نہیں
منہ بولا بول جگت کا ہے جو من میں رہے سو اپنا ہے
یہ دل کا میٹھا میٹھا درد بھی گونگے کا سا سپنا ہے
یا رخ کو ہوا کے پھیر دے تو یا رخ پہ ہوا کے بہتا چل
سنسار کھپا لے اپنے میں، سنسار میں ورنہ کھپنا ہے
مرنا ہی نہیں یہ جینا ہے یہ پریم کی جوالا ہے جس میں
چاندی کی طرح سے گلنا ہے سونے کی طرح سے تپنا ہے
نہ میں پیر ہوں نہ جوان ہوں، نہ جوان ہوں نہ میں پیر ہوں
جو نکل گیا ہے کمان سے، میں وہ عمر رفتہ کا تیر ہوں
مِرا اور کون نظیر ہے؟ میں خود آپ اپنی نظیر ہوں
نہ رہا ہو جس کا ضمیر ہی، اسی قوم کا ہی ضمیر ہوں
نہ میں شیخ و مرشد و پیر ہوں، نہ لکیر کا ہی فقیر ہوں
میں چلوں گا اپنی ہی راہ پر، کہ وطن کا قلب و ضمیر ہوں
ملا ہے جسم کہ اس کا گماں ملا ہے مجھے
وہ ہاتھ آ کے بھی اکثر کہاں ملا ہے مجھے
میں صرف دیکھ ہی سکتا ہوں چشم ساحل سے
کہ وہ بدن عجب آب رواں ملا ہے مجھے
فروخت کر کے خسارے میں آ گیا بازار
تو سوچ لو کہ وہ کتنا گراں ملا ہے مجھے
آنکھوں میں بسے ہو تم آنکھوں میں عیاں ہو کر
دل ہی میں نہ رہ جاؤ آنکھوں سے نہاں ہو کر
ہاں لب پہ بھی آ جاؤ، انداز بیاں ہو کر
آنکھوں میں بھی آ جاؤ اب دل کی زباں ہو کر
کھل جاؤ کبھی مجھ سے، مل جاؤ کبھی مجھ کو
رہتے ہو مِرے دل میں الفت کا گماں ہو کر
ترا جلوہ شام و سحر دیکھتے ہیں
سلیقے سے شمس و قمر دیکھتے ہیں
پہنچنا ہے دل تک نظر دیکھتے ہیں
کدھر دیکھنا تھا، کدھر دیکھتے ہیں
محبت کا ان پر اثر دیکھتے ہیں
ملا کر نظر سے نظر دیکھتے ہیں
وصل کے لمحے کہانی ہو گئے
شب کے موتی صبح پانی ہو گئے
رفتہ رفتہ زندگانی ہو گئے
غم کے لمحے جاودانی ہو گئے
دولت عہد جوانی ہو گئے
چند لمحے جو کہانی ہو گئے
میرا دل ناشاد جو ناشاد رہے گا
عالم دلِ برباد کا برباد رہے گا
تا دیر جو ہنگامۂ فریاد رہے گا
شک ہے کہ کہیں عالم ایجاد رہے گا
پابندئ اقدار میں آزاد رہے گا
لیکن یہ تِرا جور و ستم یاد رہے گا
کوئی بھی ہم سفر نہیں ہوتا
درد کیوں رات بھر نہیں ہوتا
راہ دل خودبخود ہے مل جاتی
کوئی بھی راہبر نہیں ہوتا
آہ کا بھی نہ ذکر کر اے دل
آہ میں بھی اثر نہیں ہوتا
